Izaía 57:15 - O Mikanda Ikola

¹⁵ Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Izaía 57:15 ပူးပေါင်းရင်းမြစ်များ

Dimatekenu 21:33

Mbalahamu bhu Bele-seba u kuna-bhu miẋi ia mutamala, anga u bheza bhe nhobho o dijina dia Jihova, Nzambi kene ni dizubhilu.

I Jisobha 8:27

Maji, ku kidi-phe, Nzambi mbé u tunga mu ngongo? Eie ua lembela maúlu, ni diulu dia maúlu, ku tena kusoka-ku, kuambe dingi o inzo iii i nga ku tungila eme!

II Malunda 34:27

Kuma o muẋima ué eie ua teketa, eie ua tolokela Nzambi, kioso ki uevu o maka ma tange kubhanga o kididi kiki, ni ió oso a tungu-bhu, eie ua toloka bhu pholo iami, eie ua tandula o izuatu ié, eie ua ngi didila, eme ue nga kuivu, kienhiki kiene kiambe Jihova.

Jobe 22:29

O iá kiʼaia ni ku kulumuka, eie-phe ua kèla uixi: Bhulu! Anga Nzambi ua kà bhulula uoso ua di tolesa.

Jobe 6:10

Kuma kienhiki hanji kieju beta kota, mu ku ngi uabhela; muene ku kamba ku ngi langa, anga ngi jimuka, kiejuʼngi konda muene malamba; kuma o izuelu ia Ió Ukôla, eme ki nga di tunu-iu.

Jisálamu 111:9

Ua tumu kukula o mundu uê, iu ua te-nâ o kikutu ki nangenena ki ki bhu; o dijina diê di kôla, di kuata uoma!

Jisálamu 115:3

Etu Nzambi ietu-phe uene mu diulu; mukua kubhanga ioso iandala.

Jisálamu 123:1

Ko kué ku nga zambula mesu, eie ua tunga ku maúlu!

Jisálamu 138:6

Kuma Jihova sumbala kota dia ngana, maji u suua ió ua batama; mukua izala-phe u mu muena ngó mu kanga.

Jisálamu 138:7

Né-mbe ngʼenda mu axaxi ka malamba, eie, Ngana, u ngʼinga, ngi laia muene; kuma u tula lukuaku lué ku jinguma ja ngi kala ni njinda, o lukuaku lué lua kúdia, lu ngi bhulula.

Jisálamu 147:3

Akexe ni kikote kia muẋima u a saka, hé u a tumba o italákanha ia malamba mâ.

Jisálamu 34:18

Jihova ua zukama kua iá a toloka miẋima, u bhulula oso a talamana mu nzumbi.

Jisálamu 34:19

Uaiuka u mona jiphaxi javulu; maji o Jihova-phe u mu kudila mu jiphaxi jê jene joso.

Jisálamu 51:17

Sata ia mesena Nzambi, nzumbi iatoloka; muẋima uatoloka, uadiela muene, eie Nzambi ku dituna-u.

Jisálamu 51:19

Se kiene ki u bhanga, u kala ni jisata ji ku uabhela kiambote, jisata ja kuoha, jisata ja muvimba; kienhókio, a ku satela jingombe bhu kalatódio ké.

Jisálamu 83:18

Phala a kʼijiie kuma eie ngó uavu o dijina dié dia Jihova, ku moneka luiadi; eie-muène ngó Suke-ku mu ngongo ioso.

Jisálamu 90:2

Kioso milundu kiluua a i vuala, ni mavu ni ixi kiluua u i umba, tunde xahulu katé ku hádia, eie Nzambi u nangenena.

Jisálamu 93:2

Eie Ngana kiandu kiê kia kuata tunde xahulu; tunde dia tunde Eie nuka uà kambele-ku.

Jisálamu 97:9

Kuma, eie Jihova, eie-muène ngó Suke-ku mu ngongo ioso, eie kujinga kué jinzambi joso ja xala bhoxi.

Jisálamu 99:3

A ximane dijina diê, dia jingi, di kuata uoma; kuma Muene u kôla.

Makatukilu 15:11

Ku jinzambi nanhi muene u soka ni eie u Jihova? Mukuenu nanhi u kôla kiki mu kuzela ni kuiuka, kilamba ki kuata uoma, mukua kubhanga madiuanu?

Makatukilu 15:13

Mu kiadi kié uendesa o mundu iú, u ua kula eie-muene (ua di bhange u kilamba kiâ); mu nguzu ié ua ambata Katé bhu kibúta kié kikôla kia kuzela ni kuiuka.

Makatukilu 15:18

Jihova ua hingila-ku; o ungana ué u nangenena.

Makatukilu 40:34

Kia zubha kubhanga kiki, dituta dia vungina balaka ia kutakanena, balaka ioso iezala ni kubenha kua Jihova.

Makatukilu 40:35

Mozé anga u lémbua kubokona mu balaka ia kutakanena, mukonda dituta kuene ku dia tula, ni kubenha kua Jihova kuezalesa balaka ioso.

Jisabhu 16:19

Muthu sembele-ze o kukala ni muẋima ua batama, bhuamoxi ni ió oso a lenduka; dikue kuuana o mbole ia kubhunda ni akua izala.

Jisabhu 8:23

Tunde dia tunde, eme a ngi unda ni maji, tunde ku dimatekenu kioso ngoho oxi ka i andeka luua ku i umba.

Izaía 18:4

Mbata Jihova ua ngʼambela kiki: Eme nga-nda kudixibhidila bhu bhata diami ni kutala mu kanga, mukuâ ni ki tua muanha ua mediia, o dikumbi anga di kuata kumuika, kala dituta dia mbundu, kibhita dizuza bhu thembu ia kumuna.

Izaía 33:5

Jihova ua zangalala, kuma muene ua tunga ku matala; uezalesa Ziione ni kuiuka, ni kidi.

Izaía 40:28

Manhi kua kʼijiia, kua kʼivua kuila o Nzambi ió uà kaiela-ku, muene Jihova, o Mubhangi a ixi ioso Katé ni jihota jê, kene kuzônda, kene kubhuila? O kilunji kiê ki bhuene muthu utena kuzubha ku ki ijiia?

Izaía 52:13

Talesa, Selevende iami ua-nda ku kalakala ni unjimu; a-nda ku mu zangeleka anga u banda ditala dia kota dia kijingo.

Izaía 6:1

Muvu uafu sobha Uziia, nga mono Jihova ua xikama bhu kiandu kia lebha, kia di-leka; o kilômbo kia makuenze mê, anga kizalesa o Tembulu.

Izaía 6:3

Anga jikuata ku di tambuijila, kuila: Ukôla, Ukôla, Jihova dia Ilômbo Ieta! Oxi ioso iezala ni fuma ié!

Izaía 63:15

Ividila tundé ku maúluʼoko, u tale kunu tundé bhu kididi kié kiangene bhu ua tunga. Muanu ué Ngana uala kuebhi, ni ikalakalu ia uzonda ué? o kulenduka kua muẋima ué ni jihenda jé ji kale ni eme!

Jelemiia 10:10

Maji Jihova, muene Nzambi ia kidi-èlele; muene-muène Nzambi ia muenhu, muene Sobha ua kalelà-ku; mukonda dia njinda iê oxi i tunguta, o ifuẋi-phe ilémbua kuximbakata ki mu kuata o kutema.

Kuditenda 3:41

Tu lekienu o miẋima ietu ni maku kua Nzambi ku diulu, hé tuamba kuila:

Izekiiele 16:63

mbé uie ni ku ki lembala, sonhi jende ni ku ku kuata, mu ima ioso i ua bhange, phala kioso ki ngi diʼondolola nʼeie, ki mungu dingi u jikula dikanu mukonda dia jisonhi—kiene kia tange Jihova Nzambi.

Izekiiele 9:4

Ngana hé u mu ambela, uixi: Bhita mu kaxi ka mbonge, muʼaxaxe ka Jeluzaleme, u te kidimbu bhu mabhômo ma athu oso a mu di tula muenhu ni kukema, mukonda dia isunji ioso iaiibha ialuʼia ni kubhanga athu mu kaxi ka mbonge mumu.

Daniiele 2:11

Kala kiki, eie sobha uajijila kima kiabhonzo; u ku lomboluela-kiu sobha, ka moneka; kikale ngó jinzambi, jinzambi-phe ki ji tunga mu xitu mumu kumoxi ni athu.

Daniiele 4:17

Sendesa iii iatundu ku Alangidi, o ngonge iii iangene ia athu akôla; phala ki bhekele athu ku tongolola kuma, mbé Suke-ku muene utumina o ma-usobha ma athu; u ma bhana uoso a mu andala, katé-ze ni sébhue u mu zangeleka muene ku thandu dia athu.

Daniiele 4:34

Maji, kia zubha kúbhua izuua ienhoio, eme Nabukodonozolo, nga bhetula mesu ku diulu, anga ku ngʼiza dingi kilunji, eme nga tanesa Suke-ku, Ió kene mbambe nga mu ximana, nga mu kola fuma, mbé utuminu uê utuminu ua kunangenena, o usobha uê, kutunda muiji kuiza muiji.

Jouele 2:13

Bhu kididi kia kutandula o izuatu ienu, tandulenu muẋima uenu, mu vutuke ku Jihova, Nzambi ienu; mukonda muene mukua henda, ua lenduka, ka thathamana lusolo, ukôla mu kubhanga o mbote, anga u diela se u bhanga kia iibha mu kubazela kuê.

Mikeia 5:2

Eie Beleme dia Efrata, sumbala uala u kambonga muʼaxaxi ka jimidi ja Juda, maji mo-mué muene mua kà tunda u ngi kalela Ngana mu Izalaiele, uavu o matundilu mê ma kalelà-ku tunde mu xahulu, mu izuua ia kalelàku.

Mikeia 6:8

Muene ka kuambela kiá, eie u muthu ua-kimi, kioso kia uabha, kia fuama, kia solo Ngana kuma kiene ki u bhanga, kuila ubhanga jinga kuiuka ni kubatula mu kidi, uzola kubhanga o mbote, ukala jinga mu kuenda bhu pholo ia Nzambi ié ni ku di tululula?

Zakadiia 2:13

Xitu ioso i di xibhe bhu pholo ia Jihova, kuma muene ua balumuka mu kibuta kiê kikôla.

Zakadiia 9:9

Sanguluka kiavulu, eie monʼa kilumba mu Ziione; Tumbujuka ni ngalasa eie u monʼa kilumba mu Jeluzaleme; tala, sobha ié iú uiza kokué, u fundisa mu kidi, Mubuludi, ngadiama, ua sambela ku thandu dia bulu, ku thandu dia kaseseme ka bulu, kamona ka bulu ia mukaji.

Matesu 6:9

Kienhiki, mu kusamba kuenu, muila kala kiki: Tata ietu uene mu diulu, dijina dié a dixile.

Luka 1:49

Mukonda Muteniʼa ioso ua ngi bhange ima iònene; dijina diê di kôla!

Luka 4:18

Nzumbi ia Ngana ua ngi tula, mukonda muène ua ngʼundu kutudila o jingadiama, Njimbu Iambote. Ua ngi tumu kuxika ngonge ia ufolo ua abhika, ni kubhana mesu o ifôfo, ni kujituna oso a a kuika,

Jipoxolo 3:14

Enu-phe, Muthu ió Uaiuka, Ukôla, mua mu ditunine! Mua solo a mi jituina kijibha-nganga!

Loma 1:20

Kuma tunde Nzambi kia bhanga oxi, o ima iê-muène ia kambe kumoneka ku mesu, kutale o nguzu iê inanga, uixi o unzambi uê, ki i jimbi, mukonda ia di monekena. Kuma athu ia a jimbulukila mu imbamba ia bhanga Nzambi. Kala kiki, ene kala dingi ni maditatu.

II Kolindo 1:4

Muène mukua ku tu kuatekesa mu hadi ietu ioso, phala tu tene ue kukuatekesa oso ala mù tala hadi kala etu. O dikuatekesu dioso di tualù tambula etu kua Nzambi, diene ue di tu kuatekesa na-diu akuetu.

II Kolindo 2:7

Uila kiki, inda mu lunguluka kiá hé mu mu loloka, ni ku mu konda malamba, phala ka bhondalale ni mukondo uavulu kinéne u mu bhekela kikote.

II Kolindo 7:6

Kiene kimoxi Nzambi mukua kutululukisa oso a bhondalala, ua tu bhana kutululuka mu kuiza kua Tito.

Matendelelu 33:27

Nzambi kene mbambe, akale muene o disuamu dié. Bhoxi dié, maku manangenena, ma ku fikidile. Muene a kà kaie Nguma ku pholo ié, nda a ku bhue ku mesu, Muene uila: A buikise muene!

I Timote 1:17

Mu kienhiki, o muenexi ió, kene kúfua, kene kumoneka ku mesu, o Nzambi imoxi ngó—a tambule ujitu ni fuma mu mivu ni mivu sè dizubhilu! Amén.

I Timote 6:16

Muène ngó ubhekèlele uê uavu o muenhu ki uene mbambe. Nzambi ua tunga mu mukengeji ki u xikina ku u bhixila. Nuka muthu ua mu muene, ka tena ku mu mona. O ujitu ni uzonda sè dizubhilu, u kale jinge uangene ua muène! Amén.

Jihebeleu 9:14

Se phe kienʼ iki kiene, xinganekenu hanji kioso kia soko ukota uê, mba o kutena kua manhinga ma Kristu! Kuma ku Nzumbi iê ia kaiela-ku, ua di bhakula muène-muène kala sata ia tenena kua Nzambi. O manhinga mê ma tu iẋika-phe o itongoluelu ietu, ku ibhangelu ia di fuila, phala tu tene kubhiẋila Nzambi ia muenhu.

Tiiaku 4:6

Maji o dikuatekesu di tu bhana Nzambi phe, dia beta kota mu ujitu. Mukonda o Mikanda ia Ngana, iexi: Nzambi u zoka ni akua izala, maji oso a batama u a kuatekesa ni kiadi kiê.

I Phetele 5:5

Enu mu minzangala ue kiene, beleselenu adiakime. Katé ni enʼuenu oso di kutienu o kubatama kua ku di bhikila mudienu, kuma o Mikanda ia Ngana, iambe iexi: Nzambi u bhânga ni akua izala, u bhana-phe ujitu oso a batâma.

Dijingunuinu 15:4

Nanhi u kamba kukala ni uôma ué, eie Ngana? Uebhi, Ngana, ka mesena kutanga o unéne ué? Mukonda eie-muène ngó ubheka ué ukôla! Akua jixi joso a kèza bhu pholo ié mu ku ku ximana, mbata o ikalkalu ié iaiuka, athu enhoso a mu i mona.

Dijingunuinu 3:7

O Anjo ia Ngeleja ia Filadélfia, mu sonekene kiki: Eme ió ukôla, mukua kidi, uala ni sabhi ia kexile ia Davidi, uila kia jikula kana muthu u jika, o kia jika kana muthu u jikula, ua-mbe kiki:

Dijingunuinu 4:8

Kala kiama ki kala ni mabhabha masamanu ezala mesu ni moxi ni ku kanga. Muanha ni usuku ki iene kunhoha, ia kuata kuila: U kôla, u kôla, u kôla, Ngana Nzambi Muteni-a-ioso, ua kexile-ku, kiki iú-é, hádia muene uà kala-ku!

I Samuuele 2:2

Ua kambe ituxi kala Jihova ka moneka, kuma eie u Nzambi ku moneka mukuenu a ku fika-nê; kana-ku ndánji iengi i soka ni Nzambi ietu.