Izaía 57:13 - O Mikanda Ikola

¹³ O ki u dikola, ngiia: o akuenu u ua bhongolola ió, a ku kudile-ze; maji kitembu kia-nda ku a phephulula ene oso, o izala ia-nda ku a hungumuna; maji uoso ua ngi dielela eme, muene ua kà vua oxi, ulundula mulundu uami uangene.

Izaía 57:13 ပူးပေါင်းရင်းမြစ်များ

II Jisobha 3:13

Maji Ilizeu uambela sobha ia Izalaiele, uixi: Eme ngala ni kima kiahi nʼeie? Ndé ku jipolofeta ja tatʼenu ni ku jipolofeta ja mamʼenu. Maji-phe o sobha ia Izalaiele u vutula, uixi: Kanʼé, mukonda o Nzambi uexana o jisobha jitatu jiji phala ku ji bhakula bhu maku ma akua Mouabhi.

Jobe 21:18

Kuma edi kala ibhiate ku kitembue, mukuâ ni izeji i phephuluka ni kitaphephe.

Jisálamu 1:4

Ió abhumu-phe ki kiene; maji a soka ni ibhiate i phephuluka ni kitembue.

Jisálamu 118:8

Kota kudielela kua Jihova, kana kudielela ku muthu.

Jisálamu 125:1

Oso a dielela kua Jihova, a kala mukuâ ni mulundu ua Ziione, ka tena ku u zambesa, maji ua xikama kididi katé ku hádia ni hádia.

Jisálamu 37:11

Oso-phe alenduka, ene a lundula o ixi; A kala ku ngalasa ni kutululuka kuavulu.

Jisálamu 37:22

Kuma oso a a lungisa kuala Jihova, ene a lundula ixi; oso a êlesa kuala Muene, a xikamena ku a batula-bhu.

Jisálamu 37:29

Ixi-phe i xalela ku athu iá aiuka, ene a i lundula, muene mua tunga, o thembu iâ ki ibhu.

Jisálamu 37:3

Dielela kua Jihova, enda ni kubhanga o mbote; phala u tunge ixi ienhiʼii, u kale u fiiele.

Jisálamu 37:34

Kinga kua Jihova, u kuate njila iê; muene u ku zangeleka kulundula ixi; kizuua ki batuka ió abhukumuka, eie u ki mona mesu.

Jisálamu 37:9

Mukonda oso a bhanga ima iaiibha, a xikamena ku a batula bhoxi; oso-phe a kinga Jihova, ene a lundula ixi.

Jisálamu 58:9

A kituke kala minha ia te bhu jiku, jímbia kiluua ngó jivua o munza, muene ua i muanga-muanga kiá ni kitaphephe, ni iauisu ni iauama.

Jisálamu 84:12

Eie Jihova dia ilômbo, tata! Muthu ió u zediua, uoso ua ku dielela eie.

Jisabhu 28:25

Mukua luimbi, mvunda ja mu vula; uoso-phe ua dielela kua Jihova, uia ni kuneta kiengi, kuma a kà mu dikila jinga.

Izaía 11:9

Ka kà bhanga-mu kiaiibha mba phulu ioso-ioso, mu mulundu uami uoso, u nga kôlesa; mukonda oxi ioso ia kèzala ni kuijiia Nzambi, kala o menha kiezalesa kalunga.

Izaía 14:32

O jiphunga ja tundu ku mundu-phe, tu a vutuila kiebhi? A vutuile kiki: Jihova ua tunga Ziione, nda o jihukunhi ku athuʼê, muene mua sanga o dilengelu.

Izaía 25:4

Mbata ua di bhange u kimbaka phala ngadiama ni ió ua tate mu lamba diê; u Dilengelu kiza o kibhungu; u Kilembeketa bhu thembu ia kizuza; kuma o muha ua isueia mukuâ ni kibhungu, ki ki di zubila ku kimbaka.

Izaía 40:24

Kiene ngoho kia-nda kuila a zubha ku a phapha ni ku a kuua, o kixina kiâ anga kiandeka kuta jindanji ji kudila koxi a mavu, kindala a lela a kukuta kiá, kioso muene kia a bhusa anga kitembu kia suina kia a ambata kala ibhiaẋi.

Izaía 41:16

Eie ua kà a bhiata muene bhu mbango anga a phephuluka ni kitembu, o kibhungu-phe kia kà a muanga; maji eie-phe ua kà sangulukila mua Jihova, ua kà di-thathela kua Dilemba Dikola dia Izalaiele.

Izaía 45:20

Di-phophienu nda muize; ejilenu bhuamoxi enu oso mua bhulaka ku ifuẋi; kʼeji kima oso akua kuambata o iteka ia kuseta ia mixi, anga a samba ni kudionda ku nzambi ki i tena kubhulula muthu.

Izaía 49:8

Jihova ua zuela kiki: Sai thembu ia tokala i nga kuividila, sai kizuua kia kubhuluka ki nga ku kudila, nga-nda ku ku langa, nga-nda ku ku bhanga u kikutu kia mundu, phala u bhangulule oxi, maubhinganu ma buikisile u ma bheka dingi bhu maku ma athu oso ma a tokala.

Izaía 56:7

Eme ue nga kà ambata ku mulundu uami ukôla, anga nga kà a bhangela fesa mʼonzo iami ia kusambela; o mibhaku iâ ia kuoha ni jisata jâ, nga kà ji xikina muene bhu kalatódio kami; kuma onzo iami a kà i ixana onzo ia kusambela phala akua jixi joso.

Izaía 60:21

Ene oso ku mundu ué a kà kala athu aiuka; ene a kà lundula oxi katé ku hádia ni hádia; a kà kala thangu ja ubhe ji nga phaphe eme, kikalakalu kia maku mami, phala eme a ngi ximane.

Izaía 65:11

Maji enu-phe, mua mu batuka kua Jihova, mua mu landuka o mulundu uami ukôla, enu mua kuata o kuzala o meza phala Kilundu-kia-jimbongo ni kulungisa maluvu phala Mamunu;

Izaía 65:25

Ni kimbungu ni seseme ia mbudi a kà dila dikèla dimoxi, o hoji ia kà dia iangu mukuâ ni ngombe; nhoka ua kà dia fufuta ia mavu, kuene kudia kuê. Ene, ka kà bhanga kiaiibha mba usuéia uoso-uoso mu mulundu uami uoso ukôla, kiene kia zuela Jihova.

Izaía 65:9

Nga ká sokolola mbutu mua Jakobo, o mua Juda nga kà tungula-mu mulundudi, muene u tambula konda ia milundu iami; jithungunu jami a kà lundula oxi, jiselevende jami muene mu a kà tunga.

Izaía 66:20

Anga ene a kèza ni jiphange jenu, jene mu kaẋi ka ifuẋi ioso, mu ku a bhakuila Jihova; o iâ ejiia ku jikabalu, o iá mu makalu, ni mu maxila, ni ku jimula, ni ku jikamelu, anga eza kienhiki ku mulundu uami ukôla, ku Jeluzaleme, eme ngi Jihova; mukuâ ni kiene kuiza anʼa Izalaiele kubhakula maujitu mâ mu dibhata dia Jihova, a ʼambatela mu itutu iazele.

Jelemiia 2:28

O jinzambi jé-phe ji ua di iudikila jala kuebhi? ji balumuke se ji tena ku ku kudila bhu kithangana kia ku bhondalala kué: Mbata jinzambi jé, u Juda, ja soka ni ji sanzala jé mu kuvula.

Jelemiia 22:20

Banda ku Libanu, nda u dikole, suina dízui mu Basane, u handekele tundé mu Abadimi mbata o jimbuẋila jê ja iokojoka.

Jelemiia 22:22

O abidiʼé a-nda kua enga kuala o kitembu, o jimbuẋila jê, ja-nda kuia ku ubhika. Nga tange kidi, kiene kiua kia-nda ku ku kuata o sonhi, anga pholo i ku sonoka, mukonda dia kuiibha kué.

Jelemiia 30:14

Ene oso u ua kexile-nâ ku usai, a ku jimbi kiá, ene ue eie ka mu ku kuibhula dingi; mukonda nga ku kuama ni kituezu kia nguma, nga ku bhana kaxtiku ka kisuéiea, mukonda dia unéne ua ku ibha kué, ni nzungule dia ituxi ié.

Izekiiele 20:40

Mbata, o ku mulundu uami ukôla, ku mulundu ua di leka ua Izalaiele, kuenhoko kuene hádia kua-nda ku ngi bhikila o dibhata dioso dia Izalaiele, bhata diosòlolo muene mu ixi muenhomo; kuenhoko kuene ku nga kà sangulukila momuʼâ, hé kuenhoko ngi mi bhinga o mibhaku ienu ia vondadi, ni maujituʼenu a ibundu ia mutômo, kumoxi kiá ni ima ienu ioso ikôla, Jihova ua ki tange.

Hozeia 13:3

Kienhiki ene a-nda kukala mukua ni dituta dia kimene, kala dimume dia kamene-mene, ki diene mu kunanga kubhita; ela kala ibhiate bhu dizanzu dia kubetela, a i ambata kuala o kitembu kia suina; a di bhanga kala dixi dia mu tunda mu xaminé.

Jouele 3:17

Enu-phe mua kèjiia kuma eme ngi Ngana dia Nzambi ienu, nga tunga mu Ziione, ku mulundu uami ukôla; Jeluzaleme ua kà kituka mbonge ikôla; athu engi ka kà tena dingi kubhita-mu.

Zakadiia 7:13

Ki kiedi kuma eme ki nga a kolela, ene ka ngʼivu; ene uâ hádia a kà dikola kokuami, eme ue ngi kamba kua evua; kiene kia tange Jihova dia Ilombo Ieta.

Afundixi 10:14

Ndenu, ka di kodienu ku nzambi jojo ji mua solo, jene ji mi kudile mu thembu ienu ia kubhondalala.