10 Ua huha ngó dikanga, ua bhuila ua suku; maji ngué kuila: Ngala kutala ngó hadi: Kuma o ki ua talela hadi ua ki sange, kiene kia ku kambesa o kubhuila.
Mu nzungule ia jindunge jé, muene mu ua bhuidila; kiki-phe ni akua kuzambuila ku ijimbuete ia maúlu, ni akua kutongolola jithéthembua, akua mizambu ia mbeji ia thethama, ene-oso a balumuke a ku kudile ku kibuika kia-nda ku ku tula ku thandu.
Maji ene-phe exi: Ku tale hadi, mbata etu tu kana kuenda kia tu tumu o ixinganeku ietu; kala muthu ua-nda kubhanga kioso kia mu tumu o muẋima uê ua bhumu.
Inda ditune kuenda kinama kié mu kanga sé sabhatu, o dikelengu dié ki di kale ni dinhota: eie-phe uixi: ku dielele-ku; lémbue! eme ngedi o jinzuangiza nga di uabhela na-ju, ngiia-nâ muene o kajiki-jiki.
Jihova tata, mesu mé ma kamba kutonginina o kidi? O ki ua a betʼokio, ene ki kia a kate: eie ua a huha kiua, maji ene nguauâ kutoloka ni kutambula mulongi: jipholo jâ a ji kolesa muene ditadi ndenge, a ditunu kuvutuka.