Izaía 57:1 - O Mikanda Ikola

¹ Muthu uaiuka iu uia muʼalunga, kana-bhu muthu u ki xinganeka ku muẋima uê; athu a lenduka a ololabhu, kana-bhu-phe ulembalala kuila muthu uambote a dianga ku mu sondolola kioso o kuiibha kiluua kuiza.

Izaía 57:1 ပူးပေါင်းရင်းမြစ်များ

I Jisobha 14:13

Anga Izalaiele ioso a ka mu dila thambi, hé a mu funda; mbata, kua Jelobouamu, iú muene ngó ua-ndu bokona mu mbila, mukonda monzo ia Jelobouamu muene ngó a mu sange-mu ni kima kiauabha kua Jihova, Nzambi ia Izalaiele.

II Jisobha 22:20

Kala kiki, tala, eme nga-nda ku ku bhongolola kuʼàia o jitata jé; eie a kà ku funda mu mbila ié ni kutululuka; o mesuʼé ka-nda kumona o hadi ioso i nga-nda kubheka bhu kididi kiki, kana. Ene anga a vutuka kua sobha mu ku mu tudila o njimbu iii.

II Malunda 32:33

Anga Ezekiia u nhoha ni jitata jê, hé a mu funda mu mbila ia beta ditala mu jimbila ja anʼa Davidi; ni akua Juda oso ni ió a tungu mu Jeluzaleme anga mu kúfua kué a mu idikiza ujitu ua vulu; o monʼê Manasa anga u hinga bhu kididi kiê.

II Malunda 34:28

Tala nga-nda ku ku bhongoluela ku jitata jé, a kà ku tula mu mbila ié ni kutululuka kuoso, o mesu mé ka-nda kumona o jiphaxi joso ji nga-nda kubheka bhu kididi kiki ni kua ió oso a tungu-bhu. Ene anga a vutuka ni njimbu ienʼiii kua sobha.

II Malunda 35:24

O abhikʼê anga a mu katula mu dikalu hé a mu ambata a mu ta mu dikalu dia kaiadi dia kexile nadiu, eza-nê mu Jeluzaleme; muene anga u fua, hé a mu funda mu jimbila ja jitata jê. O Juda ioso kiá ni Jeluzaleme anga a zuata ndombe mu kudila Joziia.

Jisálamu 12:1

Meia! u Jihova! kuma mujitu ua kambe; akua kitongola ka vulu muʼaxaxi ka anʼathu.

Jisálamu 37:37

Batekela o muthu u bhanga ima ia kidi, u tale kiambote uemana nzanza; kuma ku pholo kuia muthu ió, kuà kala kutululuka.

Izaía 42:25

Kiene kia bhangesa Jihova ku a lunduluila o kutema kua njinda iê, ni kusuina kua ita, iu ua a te mukonda ua milengo mu jimbandu; maji hanji-phe a ẋinukʼâ; iu ua a oha-phe, maji ene-phe ki kia a kuatela kima, a lémbua ku ki ta o muẋima.

Izaía 47:11

Mukonda dia kienhiki, ua-nda kubhita ni uíndua, o ku u tunda kua-nda kuijiia-ku, kibuika kia-nda ku ku iza ku thandu, kua kà tena ku ki lenga; mukonda o kingùmba kia-nda ku ku tumikisa, ki ku xitisa mu thulu, kua-nda kutena ku kʼijiia.

Izaía 47:7

U kuata kuzuela, uixi: Eme ngi kala jinga muene na mvuale katé ku hádia ni hádia; katé-phe bhu uezʼabha ima iii ki ia ku bokona mu muẋima, kuala kuxinganeka ue bhu ia kà suka.

Izaía 57:11

Mukuahi ua ku kuatele uôma mba hele? Kia ku bhekela ku-ta o makutu, nʼukambe ku ngi lembalala, né ngó ku ngi ta mu muẋima ué? O kudixibha kuami tundé okulu, kiene-ze ki ua kambela ku ngi xila, ki kiene?

Jelemiia 18:11

Kala kikiphe, ka tangele akua Juda kindala, ni akua bhata mu Jeluzaleme, uila: Eme Jihova uambe kiki: Talenu, nga mu funha divuua phala enu, eme ngala ku mi ta kikutu kia ufe; bilukenu-ze, kindala, kala muthu a xe njila iê ia iibha, mu iukise o jinjila jenu ni ibhangelu ienu.

Jelemiia 22:10

O uafu ki mu mu dile, mba mu mu tenda: dilenu kiavulu ió ua mu-ia mbata ki mungu dingi a kà vutuka, né ngó kuila oxi mua mu vualela hádia u mona-mu dingi.

Izekiiele 21:3

o ixi ia Izalaiele u i tangele kuma: O Jihova uambe kiki, uixi: Tala, eme nga ku bilukila, o xibhata iami nga-nda ku i fuomona mu kizu, hé ngi jibha mu kaxi ké o muthu ua iuka ni mukua phulu.

Mikeia 7:2

Athu akua kubhanga o mbote mu ngongo a jimuka-mu, o ua iuka muʼaxaxe ka athu ka moneka dingi; enhoso aia ni kubatamena phala kubhubhisa manhinga, muthu uia ni kutomba phangʼié ni uanda.

Malakiia 2:2

Se mu kamba ku ngʼivua, se mu fula ku ki ta ku miẋima ienu, o kubhana ujitu ku Dijina diami, eme ngi Jihova dia Ilômbo Ieta, nga-nda ku mi tumikisa uíndua, o madibesá menu moso ngi ma bilula kuxixima, xi, ene ue nga te kiá mázui ku mabesá menu moso, mukonda enu ki mua ki te ku miẋima ienu.

Dialuilu 23:10

Nanhi u alula Jakobo, avulu kala fufuta ia mavu? U tanga ngó mbandu ia kauana ia Izalaiele? Ngi fue ufuilu ua athu aiuka, dizumbukilu diami di soke ni dia muene.