Izaía 56:7 - O Mikanda Ikola

⁷ Eme ue nga kà ambata ku mulundu uami ukôla, anga nga kà a bhangela fesa mʼonzo iami ia kusambela; o mibhaku iâ ia kuoha ni jisata jâ, nga kà ji xikina muene bhu kalatódio kami; kuma onzo iami a kà i ixana onzo ia kusambela phala akua jixi joso.

Izaía 56:7 ပူးပေါင်းရင်းမြစ်များ

I Jisobha 8:41

Anga uívua ue o ngenji, ka tokala mu kifuxi kié kia Izalaiele, maji ua tundu-phe ku jixi ja makangʼèlele, mukonda dia henda ia dijina dié ia mu bheka.

Jisálamu 2:6

Eme-phe, sobha iami nga muʼundu bhu kididi, ku mulundu uami ukôla ua Ziione.

Makatukilu 28:38

O Alá anga u i zuata bhu dibhomo diê, Alá anga u ambata o kutondala kua anʼa Izalaiele mu ima ioso ikola ni mu maujitu mâ moso ma kôla ma lumbila Nzambi; i kale jinge bhu dibhomo diê, phala ene a a tambulule kua Jihova.

Izaía 11:9

Ka kà bhanga-mu kiaiibha mba phulu ioso-ioso, mu mulundu uami uoso, u nga kôlesa; mukonda oxi ioso ia kèzala ni kuijiia Nzambi, kala o menha kiezalesa kalunga.

Izaía 19:19

O mu thembuʼomo, Jihova u kala ni kalatódio kê mu kaẋi ka oxi ia Ijitu; anga Jihova a muʼimikina kimaku ki nangenena mu mbambe iê.

Izaía 19:21

Jihova muene ua kà didikiza ku akua-Ijitu, o akua-Ijitu mu kizuʼokio, a kèjiia Jihova; kiene muene, nʼa kuata ku mu bheza ni jisata ni mibhaku; a ta jihasa kua Jihova anga a ji kumbidila.

Izaía 25:6

O Jihova dia Ilombo, mundu uoso ua-nda ku u bhangela kizokola ku mulundu kuenhuku, ni iama ia nete; kizokola kia vinhu ia kenzuluka, ni malonga a uôngo ua ifuba, ni vinhu ia iuka ia kenzuluka kiambote.

Izaía 56:5

Eme ue mʼonzo iami ni mu malumbu mami nga kà a bhana-mu kididi, ni dijina dia tundu o dijina dia ana a mala ni anʼa ahatu; dijina dinanga, diene di ngʼa bhana kala muthu mudiâ; o dienhidi ki dia kà bhua-ku dingi.

Izaía 57:13

O ki u dikola, ngiia: o akuenu u ua bhongolola ió, a ku kudile-ze; maji kitembu kia-nda ku a phephulula ene oso, o izala ia-nda ku a hungumuna; maji uoso ua ngi dielela eme, muene ua kà vua oxi, ulundula mulundu uami uangene.

Izaía 60:11

Kala kiki, mabhitu mé ma kà jikuka muene mu thembu joso; né mu muanha mba mu usuku ka kà ma jika; nda mundu a ku bhekele maumvuama ma akua-jixi, kumoxi ni jisobha jâ.

Izaía 60:7

Ilunga ioso ia jimbudi ja Kedale ia kéza kokué, ilumbe ia Nebaiote ia kà ku tokala eie, i ku bhikila; a kà i xikina ni vondadi kuma sata ku kalatódio kami; eme hé nga kà fumanesa inzo ia kizunda kiami.

Izaía 61:10

Nga kà sangulukila kiavulu mua Jihova, muẋima uami u tanena mua Nzambi iami; mukonda ua ngi zuika ni izuatu ia kubhuluka, ua ngi vungu dibeka dia kuiuka, mukuâ ni ngàiala ua kembela ubhanga, kala dibhanga dia di-zakela ni makembu mê.

Izaía 65:11

Maji enu-phe, mua mu batuka kua Jihova, mua mu landuka o mulundu uami ukôla, enu mua kuata o kuzala o meza phala Kilundu-kia-jimbongo ni kulungisa maluvu phala Mamunu;

Izaía 65:25

Ni kimbungu ni seseme ia mbudi a kà dila dikèla dimoxi, o hoji ia kà dia iangu mukuâ ni ngombe; nhoka ua kà dia fufuta ia mavu, kuene kudia kuê. Ene, ka kà bhanga kiaiibha mba usuéia uoso-uoso mu mulundu uami uoso ukôla, kiene kia zuela Jihova.

Jelemiia 7:11

Onzo iii-phe ia luka dijina diami, mbé i kala ngenda ia ingumba ku mesu menu? Talesa, kienhiki eme, eme-muène ngi Jihova nga di muena-kiu, Ngana ua kiambe.

Izekiiele 20:40

Mbata, o ku mulundu uami ukôla, ku mulundu ua di leka ua Izalaiele, kuenhoko kuene hádia kua-nda ku ngi bhikila o dibhata dioso dia Izalaiele, bhata diosòlolo muene mu ixi muenhomo; kuenhoko kuene ku nga kà sangulukila momuʼâ, hé kuenhoko ngi mi bhinga o mibhaku ienu ia vondadi, ni maujituʼenu a ibundu ia mutômo, kumoxi kiá ni ima ienu ioso ikôla, Jihova ua ki tange.

Izekiiele 47:22

Kia kà kala-phe kuila, mu ku i lundula, mu i tela muondona, phala ene ni athu engi a mu nhunganena muʼaxaxe kenu, hé a vualela ana mu kaxi kene; ene ue a kà mi kala kala athu òvuale ku anʼa Izalaiele; a kà bokuena kumoxi ni enu mu undundu, muʼaxaxe ka miji ia Izalaiele.

Jouele 3:17

Enu-phe mua kèjiia kuma eme ngi Ngana dia Nzambi ienu, nga tunga mu Ziione, ku mulundu uami ukôla; Jeluzaleme ua kà kituka mbonge ikôla; athu engi ka kà tena dingi kubhita-mu.

Zakadiia 8:3

Jihova dia Ifuẋi uambe kiki, uixi: Ziione nga kà mu vutukila. Nga kà tunga mu kaxi ka Jeluzaleme. Jeluzaleme a kà mu ixana exi: Mbanza ia ujitu, mulundu uangene ua Jihova dia Ilombo Ieta, mulundu uê ukôla.

Malakiia 1:11

Kuma tunde bhu tundila dikumbi katé bhu di fuila, o Dijina diami dia kà kala kima kionéne ku miji ioso. Mu ididi ioso Dijina diami a kà di ohela uasu ua dizumba ni ku di bhela jisata ni maujitu mazele kiambote. Mukonda Dijina diami dionéne mu miji ioso. Kiene kia tange Jihova dia Ifuẋi.

Matesu 21:13

Anga ua ambela, uixi: Kiosoneke kuma: Inzu iami a kà ixana inzu ia kusamba. Enu-phe mua i bhange ngenda ia kusuamena miíi!

Marku 11:17

Muene anga u kala mu kulonga enhoso, uixi: Ka ki soneka mu Mikanda Ikola kia tange Nzambi kuma: Inzo, iami, a ixana inzo ia kusambela, ia akua jixi joso? Enu-phe mua i kitula ngenda ia kusuamena míii!

Luka 19:46

Kiosoneke mu Mikanda Ikôla, kuma Nzambi uambe, uixi: Inzo iami a kà ixana inzo ia ku sambela. Maji enu-phe mua i bhange ngenda ia disuamenu dia míi!

Loma 12:1

Uila kiki nga mi diondo-phe, jiphange, mu jihenda ja Nzambi, di bhakudienu o mikutu ienu kua muène, kuma sata ia muenhu, mua di lumbu mu kikalakalu kiê, mu akua ujitu kua Nzambi. Kuma iú uene o ubhhezelu ua kilunji ua ni fuama.

I Timote 2:8

Uila kiki, nga mesena kuila athu oso a di bhakula kua Ngana Nzambi, a sambe jinge ku ididi ioso, o mu kusamba a tena kuleka o maku mazele sè kizembu sè jimvunda.

Jihebeleu 12:22

Enu-phe mueza ku Mulundu ua Ziione, ku dibhata dia Nzambi ua kola o muenhu, ku Jeluzaleme ia diulu, ni jimidi jê ja ji-anju.

Jihebeleu 13:15

Mukonda dia Jezú Kristu tu bhanienu kilumbu kia kuximana jinga Nzambi. O diximanu didi, iene o sata i tua bhakula—ujitu ua tundu ku mizumbu i fisala o dijina diê.

I Phetele 2:5

Enu uenu kala mu matadi ma muenhu, ehelenu-phe Nzambi phala a mi Uzale mu kutunga o Tembulu ia nzumbi, ni ku mi bhanga kibuka kia jinganga jolumbile Nzambi, ji bhana o jisata ja nzumbi, ji uabhela Nzambi, mukonda dia Jezú Kristu.