Izaía 56:10 - O Mikanda Ikola

¹⁰ Alangidiʼâ oso ala ifofo, kʼejiia kima; a di bhange jímbua ja mabubu, ja lémbua kubuza; jaii ku kilu, ja zeka, ja uabhèla kubôua.

Izaía 56:10 ပူးပေါင်းရင်းမြစ်များ

II Jisobha 12:6

Anga ki bhita-phe kuila, mu ku tula ku muvu ua makuinhi aiadi ni kitatu, a utuminu ua sobha Jouaji, hanji o mazungu iá-ué kʼonzo ia Jihova, kiluua a a xita.

Izaía 29:10

Mbata Jihova ua mu lunduluila nzumbi ia kilu kia muioko-ioko; o jipolofeta ja di bhange ene o mesu menu, a a jika; ni ilôlo ienu, akua-lumono, kiòmuene.

Izaía 29:9

Kokolokenu, mu diuane! Sangulukenu, mu dikole! A kodiua, maji ki vinhu ia a kodiuisa! A bhendujuka muene, maji ki ualende ua ki bheka.

Izaía 52:8

Ivua dízui dia alangidiʼé, iá kola, a mu tanena kumoxi; mbata a-nda ku ki mona mesu ni mesu, kioso Jihova kia kà vutuka dingi mu Ziione.

Izaía 58:1

Dikole ni dízui dia suina, ku dixibhe, zangumuna dízui dié kala koloneta, uidikize athu ami o kikuma kiâ, o dibhata dia Jakobo ue idika-diu o ituxi iâ.

Kuditenda 4:14

A babajala mu kuenda kala ifofo mu jinzunga, a di kasanesa ni manhinga; Ki bhinga-phe muthu ka tena kubabata ku izuatu iâ.

Izekiiele 13:16

O jipolofeta ja Izalaiele, a zambuila jinga mu Jeluzaleme, anga o Jeluzaleme aia ni ku mu muena isukila ia kutululuka, mbé o kutululuka kuene ki kuala-ku dingi; Jihova Nzambi ua ki tange.

Izekiiele 33:6

Maji-phe, hé o mulangidi u mona o xibhata ia mu kuiza, anga u kamba o kuxika o koloneta, mbé o mundu nʼa dimuke; se o xibhata iza anga iambata muenhu umoxi muʼaxaxe kâ, muthu ió a muʼambata mu ituxi iê, maji o manhinga mê nga kà mʼèbhula bhu lukuaku lua mulangi.

Hozeia 4:6

Mundu uami a a buikisa mukonda dia kukamba kuijiia. Mukonda eie-phe ua ditunu o kuijiia, eme ue nga-nda ku ku dituna, phala ku kale dingi u nganga bhu pholo iami; kala kiki, kuma o kitumu kia Nzambi ié eie ua ki jimbi, eme uami ue ané nga-nda ku a jimba.

Nahumu 3:18

Kuma o tubhila tué eie sobha ia Asídia aii ku kilu, o ilamba ié ala mù koxila; o mundu ué ua di muangena mu milundu sé ngó kumona muthu utena ku a phopha ni ku a bhongolola.

Matesu 15:14

A ehiʼenu! Ala atuameneni a ifôfo. Kifôfo-phe, se ki tuamenena kifofo ni mukuá, kiiadi kiâ a-nda kudibhala mu dikungu.

Filipe 3:2

Alukenu akua midimu iaiibha, edi kala jimbua, aku kujijila o ku di ta jiphoko ku mikutu.