Izaía 55:8 - O Mikanda Ikola

⁸ Mbata mabanzelu mami ki mene o mabanzelu menu, o jinjila jenu ue ki jene o jinjila jami, kiene kiambe Jihova.

Izaía 55:8 ပူးပေါင်းရင်းမြစ်များ

II Samuuele 7:19

Kienhiki ue ua ki mono kima kiofele, Ngana iami, Jihova, tata! Maji hanji ua tange ue ni dibhata dia mubhikʼé uixi di xalela katé ku hádia ni hádia! Kifua athu kiene kiene kubhangʼokio Jihova, Ngana iami, tata!

II Jisobha 5:11

Maji Naamane njinda ia vulu i mu kuata, anga uié, ni kuila, uixi: Tala, eme nga xinganekene kuila: Muene uanda ku tunda, hé uiza, uimana, anga u hingila o dijina dia Jihova Nzambi iê, hé u bhitisa o lukuaku luê bhu kididi, o mukua dibhute anga uiluka.

Jobe 35:5

Tala ku diulu, u mone; tongolola o matuta a di leka kinéne, a beta ku di leka eie ndenge.

Jisálamu 25:10

Jinjila ja Jihova jene joso ja henda ni kidi; muene u di tuma ni ió oso a kuata kikutu kiê ni maumbangi mê.

Jisálamu 33:11

Phangu ia Jihova kene ku i lungulula, kuma ia kalé; kikutu kia ta muene, ki xalela ku miji ni miji.

Jisálamu 40:5

Jihova, Nzambi iami, madiuanu mé mavulu mʼu ua kalakala, ni mabanzelu mé ma ku tu banza etu; kana-ku dingi muthu tu ku fika-nê; mabanzelu mé se tuambe ku a tanga ni ku a tumbula mu dimoxi-dimoxi, ki bhuala muthu u tena ku a kuata konda.

Jisálamu 92:5

Ufunu ua ikalakalu ié, u Jihova, uahi ngó! o kubanza mu ikutu ia ixinganeku ié, mua zongo!

Jisabhu 21:8

Njila ia muthu, mu kusekala kuê, ienda ibhengèle ioso; maji o ua zedʼió, kikalakalu kiê kifuama muene.

Jisabhu 25:3

Kia di leka o maúlo, kia zongo o ixi, kiene ue kia zongo o muẋima ua jingana u bhonza kuijiia ioso iala-mu.

Izaía 14:24

Jihova dia Ilômbo Ieta ua loka, uedi: Kioso ki nga banze, kiene kia kia-nda kubhita; o ki nga xindi, kiene kia kà di-bhanga muene.

Izaía 53:6

Etu oso tua kexi mu kuenda kala jimbudi ja jimbidila; kala muthu u di-texila ni njila iê; maji-phe o mulonga ua tu tokala etu-oso, Jihova ua mu xina-u kiá muene ku thandu diê.

Izaía 58:13

Se kinama kié u ki vutula ku sabhalu, ufula kubhanga o vondadi ié eʼmuène mu kizuua kiami kikôla, o sabhalu anga u ixana mbote kuma kizuua kiangene kiakolesa Jihova, kia ujitu, o kiene anga u ki xila, hé u fula kukaiela jinjila jé eʼmuène,

Izaía 65:2

Kumbi dioso dia kambàmba nga sunununa maku mami ku mundu ua xibhaka, akua kuendela mu njila ia kambe kuiuka, ni kukaiela mabanzelu mâ;

Izaía 66:18

Mbata o ima iâ ia bhanga nga ʼijiia, katé ni ixinganeku iâ! Thembu ii iza-bhu, nga-nda kubhongolola miji ioso ni madimi; a-nda kuiza, anga a mona kijingo kiami.

Jelemiia 3:1

Ala kuila zuele-zuele, exi: se bhu kala diiala di senga mukajiʼé, muene anga uia kuengi hé u sakana ni diiala diengi, kifua u mu vutukila dingi? Oxi ioso ioio ki ia-nda ku tambula lufuku? Eie-phe ua di kasanesa ni jisaii ja nzungule; né-mbe-phe kiene, vutukila dingi kokuami, Jihova ua ki tange.

Izekiiele 18:29

Maji-phe, hanji o dibhata dia Izalaiele ela, exi: O njila ia Jihova ki i iuka kiambote ditônono. Manhi, enu mu dibhata dia Izalaiele, o njila jami ki ja iuka? Manhi kʼo njila jenuʼenu ja bhengajala?

Daniiele 4:37

Kiki-phe, eme, Nabukodonozolo, ngedi: Muenexiʼa diulu atane-ku! A kule, ajinge! Ngi mu zangeleka ni ku mu ximana jinga, mbata ikalakalu iê ioso kidi mu kidi, uendelu uê kutetuluka kuoso, oso ambe ku di zangeleka, muene u a toza anga a sebuluka muene.

Hozeia 14:9

Mukuaʼhi uala ni kuijiia, nʼa tongolola ima iii? Nanhi muene uala njimu, ima iii na tena ku i ijiia? Mbata o jinjila ja Jihova ja iuka, athu ambote muene mua kala mu kuendela, maji akua kutondala-phe muenhumu a sanga-mu ibhalu.

I Samuuele 16:7

Jihova-phe u ambela Samuuele, uixi: Kana kutala o pholo iê, mba o kitala kiê kialebha, mukonda eme nga mu ditunu. Kuma Jihova kene kutala kala ki tala o muthu; mbata o muthu u tala kidifua kia kanga, Jihova-phe u tala ku muẋma.