Izaía 55:7 - O Mikanda Ikola

⁷ mukua-ituxi ehe o njila iê, o ua iibha muẋima a tule mabanzelu mê; a vutuke kua Ngana, u mu kuatela henda; nʼalukile kua Nzambi ietu, kuma muene mukua kuloloka kiavulu.

Izaía 55:7 ပူးပေါင်းရင်းမြစ်များ

Dimatekenu 6:5

Ngana anga u mona kuma o kubhuma ni kubhukumuka kua muthu kua di vuala mu ngongo, o ilunji ioso ia ku xinganeka kua muxima uê, ia ibha ithangana ioso.

II Malunda 15:2

Muenʼiú anga u tunda, uia mu kutakana ni Aza, u muʼambela, uixi: Enu Aza, ni Juda dioso ni Bejamí ngʼivienu! O Jihova uala ni enu, kiosuʼiki enu muala ni muene; se mu mu sota, mua-nda ku mu sanga; o ki muʼila mu mu xa, muene ue ua-nda ku mi xa.

II Malunda 15:4

Maji-phe, mu dilamba diâ, kiela jinga a diela anga a bilukila kua Jihova, Nzambi ia Izalaiele, anga a mu sota, a mu sanga jinga muene.

II Malunda 30:6

O mikanda ia lukuaku lua sobha ni lua ilamba iê, hé a i ambata kuala o jingambateʼa-mikanda mua Izalaiele ioso ni mua Juda, kala kia tumu sobha, kuila: Enu mu anʼa Izalaiele, Vutukilenu kua Jihova, Nzambi ia Mbalahamu, ia Izake ni ia Izalaiele, phala o muene ue a talele o pholo kua ió oso momuenu a bhulaka, ia a subhuka ku lukuaku lua jisobha ja Asídia.

II Malunda 33:13

Anga u mu sambela. O Ngana Nzambi anga o njinda iê kua Manasa i tululuka, anga uívua o kudionda kuê, anga u tona dingi o ku mu bheka mu Jeluzaleme ku ungana uê. Bheneʼobho Manasa anga uijiia kuila Jihova muene Nzambi.

II Malunda 7:14

o ki kala-phe o mundu uami, kituxi kiʼexana mu dijina diami, a di bhomba kokuami, anga a samba, a sota muene pholo iami, o ku jinjila jâ ja ibha anga a tunda-ku, kieneʼokio-phe eme ku maúlu nga-nda ku a evua, anga ngi loloka ituxi iâ, o ixi iâ ngi i saka.

Jobe 22:23

Se u biluka kua Muteni-a-Ioso, muene ua-nda ku ku tungisa dingi, se o kubhanga kia ibha eie u ku sandula monzo ié.

Jisálamu 130:4

Maji eie-phe, u Ngana, u mukua kuloloka, phala athu ende jinge ni ku ku xila.

Jisálamu 130:7

Dielela kua Jihova, u Izalaiele, kuma kua Jihova sai-ku jihenda ni kulenduka; kua muene kuala ue kubhanduluka kua vula matelu.

Jisálamu 51:1

Ngi kuatele henda, Ngana Nzambi, mu kulenduka kué ku uene na-ku; kaiela ki ku tuma o jihenda jé javulu, u ngi jimuine o itondalu iami ioso.

Jisálamu 66:18

Se ku muẋima nga solele kubhengalala, Ngana hinu ka xikina ku ngʼivua.

Jisabhu 28:13

Muthu uoso u vunga o ikuma iê, katena kubhanduluka; maji muthu uoso-phe ikuma iê u i fisala, anga u i ambula, ió hinu a mu kuatela henda.

Izaía 1:19

Se muandala, anga mu ngiʼvua, o mbote-phe iaʼxi iii mua-nda ku i dia muene.

Izaía 14:1

Mbata Jihova ua kà kuatela Jakobo henda, u tona dingi kusola Izalaiele anga u a bheka mʼoxi iâ; jinzuángiza ue ja kà di bunda kumoxi ni ene, anga a kà di banda mu diembu dia Jakobo.

Izaía 21:12

Eme mulangi: O kimene kí kiza, o usuku ue iu uiza; se muandala kuibhula ebhulenu; Vutukenu, zenu.

Izaía 31:6

Bilukenu-phe kua ió a mu bhukumukina kinéne kuala anʼa Izalaiele.

Izaía 32:7

O jindunge joso ja kinjenje, jaiibha; o muene u funha isunji, mbé o kujikinisa oso a lenduka ni maka ma mangonha, né kiá o phulungu ua zuelʼé ima ia kuiuka.

Izaía 40:2

Jeluzaleme mu tedienu maka ma mu kuatekesa muẋima moxi; mu tangedienu kuamba dinhengena dié diabhu-ku, kikuma kiê kiololoke kiá; o ituxi iê ioso, ua i tambuila kiá luiadi ku lukuaku lua Jihova.

Izaía 43:25

Eme, eme-muène ngi jimuna o itondalu ié mu henda iami; o ituxi ié ki ngi i banze dingi.

Izaía 44:22

Ikuma ié ngi i jimuna kala mbundu, o ituxi ié ngi i bhuisa-ku kala dituta: Vutuka kokuami, mbata eme nga ku kula kiá.

Izaía 54:10

Kuma milundu hádia isondoloka, tuthuthu-lûndu tua kà tunguta; maji o kulenduka kuami ki kua kà ku sondoloka; o kikutu kia kutululuka kuami ki kia kà lunguluka, kiene kia tange Jihova, mukua ku ku lendukila.

Izaía 54:8

Mu kutema kuavulu nga ku suekela pholo iami mu kathangana kòfele; maji nga-nda ku ku lendukila ni henda ki iene kúbhua; kiene kia zuela Jihova, Mukudi ué.

Izaía 58:6

Abha o kujila ku nga solo eme, ki kuku? kuila u jituna jingoji joso ja kubhuma, ni mikolo ioso ia ubhika? Hé u bhana ufolo ku jihukunhi, o jungu ioso u i tolojola?

Izaía 59:7

Inama iâ i lenga mu ku bhanga phulu, a sakalela mu kubhubhisa manhinga ma muthu ua kambe kikuma; o ilunji iâ i funha ikuma mu ikuma; kubuika ni kubhondalala kuenhé mu njila jâ.

Jelemiia 3:14

Bilukenu, enu mu ana a ẋinuka, Jihova ua ki tange; mbata eme nga-nda ku mi sakana, anga ngi mi katula iú ku mbonge iii, kiiadi ku muiji ua mukuá; hé nga kà mi ambata ku Ziione.

Jelemiia 3:3

Kiene kia bhangesa ku katula-ku o mvula, kasamanu ki ka noko-ku dingi, maji eie-phe ua kununuka o pholo kala kidia-nzunga, ngué ku kala ni sonhi.

Jelemiia 4:14

Sukula o muẋima ué ku usuéia, eie u Jeluzaleme, nda u tene kubhuluka; katé bhebhi u jijila momʼué o ixinganeku ié ia ibha?

Kuditenda 3:40

Jinjila jetu tu ji tongolole kiambote, tu ji lole muene kioso ki jala, tu alukile kua Jihova.

Izekiiele 14:6

Kala kiki, o dibhata dia Izalaiele tangela-diu, uixi: Jihova Nzambi uambe kiki: Dielenu, o mahamba menu xé-nuu; jipholo jenu katulenu-ju ku ima ienu ioso ia ufusa.

Izekiiele 33:11

Ambela-u, uixi: Kikola! Eme ngi Jihova Nzambi! Kuma eme ki ngène mu kuuabhela kalunga ka mukua phulu, maji ki ngi uabhela o mukua phulu kudiela ku njila iê ia ibha nʼa kole muenhu; dielenu-phe, dielenu ku jinjila jenu ja ufusa; abha-phe, mukonda diahi mua-ndo fuenu ngoho, enu mu muiji ua Izalaiele, tata!

Daniiele 4:27

Kala kiki, sobha, tata, xikina kaiula kamiʼaka, sota kubhanga kia iuka, u di bhuise ituxi, bhanga henda ku jingadiama, u di bhuise o phulu, kifua o kiki nga ki ambe sumba hanji kua ku xiala thembu ia ku di-bhola hanji ku mátui.

Jona 3:10

Kienhókio Ngana Nzambi anga u mona ikalakalu iâ, ni kioso kia diela ku jinjila jâ ja ku bhengalala. Ngana Nzambi anga u lunguluka, u bhomba muẋima uê, o kiaiibha kia tangele ku a bhanga ka a bhange-kiu dingi.

Zakadiia 8:17

Ki bhu kale muthu mudienu u xinganeka mu muẋima uê kima kia phulu kua mukuâ, mba bhu kala muthu u uabhela kuloka mu makutu; kuma ima ioso iii ia ngi ibhila, Jihova ua ki tange.

Matesu 9:13

Ndenu-phe mu di longe kioso ki kia jimbulula, kuila: Nginda o ku kuatela mukuenu henda, ki ngindi sata; kuma eme ki ngeza mu kuixana athu aiuka, maji akua ituxi.

Marku 7:21

Kuma moxi, ku miẋima ia athu, kuene ku tunda ilunji iaiibha: Maundu-mbu, mauíii, ijibha, jiphanda, unjènje, makutu,

Marku 7:23

Ima ioso iíi iaiibha i tunda moxi, iene i kasanesa o muthu.

Luka 15:10

Nga mi ambela kuma, kiene ue, o kusanguluka kuvula ku pholo ia ji-anjo ja Nzambi, mukonda dia mukua-ituxi umoxi u diela.

Luka 15:24

Mukonda monʼami iú ua fuile, lelu ua bhana o muenhu; ua texikile, lelu ua moneka. Anga a kuata kubhanga fesa!

Luka 7:47

Uila kiki, nga ku ambela: Muène ua zolo kiavulu, kuma ituxi iê, sumbala iavulu, iòloloke kiá. Maji o uoso-phe a mu loloka kiatolo, u zola ue kiatolo.

Jipoxolo 26:20

Nga diangela kubhana jingolokela ku akua Damasku, ngedi ni ku Jeluzaleme, ni mʼ oxi ioso ia Judeia, katé ni ku matumbu. Nga a jimbuila jinga kuma a tokala a diela ni kueha o ituxi iâ, nʼ a biluke kua Nzambi, ni kubhanga o imbamba ia fuamena o kudiela kua kidi.

Jipoxolo 3:19

Enu-phe dielenu, muenhu uenu u biluke, mu vutuke kua Nzambi, o muène ituxi ienu phala a mi jimune-iu.

Tiiaku 1:15

Kienhiki, o hânji iaiibha ienhiʼii, ki i zubha o kuimita, i vuala kituxi. O kituxi kʼila kiza ku kitala, ki vuala kalunga.