Izaía 55:6 - O Mikanda Ikola

⁶ Sotenu Jihova, kiosuʼiki ki mu tena ku mu sanga, mu kodienu kiosuʼiki kiala bhua zukama;

Izaía 55:6 ပူးပေါင်းရင်းမြစ်များ

Jisálamu 145:18

Jihova ua zukama kua ió a dikola kua muene, oso a dikola kua muene mu kidi.

Izaía 45:19

Eme ki nga tela maka mu kasuekele, ki nga zuelela koxi a mavu kua vundu, kana; ki nga tangela mbutu ia Jakobo, ngixi: Ngi sotienunu mu kingoho; eme ngi Jihova ngi tanga o kidi, ngi boka ima iaiuka.

Jisálamu 32:6

Mukonda dia kiki, uoso uabhu o kubhuma, a dikole ko kué mu thembu i xikina ku mu ivua; o kia-nda kuiza menha mavulu, ma di bhange masenza, bhuemana muene ka bhiẋila-bhu dingi.

Jisálamu 14:2

Sui! ku anʼathu kuala Jihova mu diulu, uixi: Ngi talesa mba muala ni iá ala ni kilunji, a ẋikina kusota Nzambi.

Izaía 65:24

Anga kia kà bhita, kuila ene kiluua a zubha kuixana, eme nga kʼètaia kiá; kuila ene kiluua ngó a zubha kuzuela, eme ngevuʼami kiá.

Amoji 5:6

Sotenu-phe Jihova, nda mu laie; Phala muene ue ka di takuile mu bhata dia Zuze kala túbhia, ni tu mu jikinisa, bhu Betele-phe ki bhua-nda ku moneka muthu u tena ku tu jima.

I Malunda 28:9

Anga uambela Solomá, uixi: Eie-phe monʼ ami Solomá, o Nzambi ia tatʼ enu ua mu ijiia, mu bheze ni muẋima uaiuka, ni vondadi iê ioso. Kuma o Jihova mixima ioso uene ku i solokota, o mabanzelu moso ma ixinganeku ua mʼejiia. Eie se u mu sota, uanda ku mu sanga; maji o ki u mu xisa-phe, Muène ue u ku dituna katé ku hadia.

Jihebeleu 2:3

Etu-phe tua kà lengela bhebhi, se o kubhuluka kuosʼ-uku kua tu kuata usudi? Ngana Jezú muène o kubhuluka kuku ua diànga kiá ku ku tanga, etu anga a tu kunda na-ku kuala ió a ku ivu, kuila kubhuluka kua kidi.

Jisálamu 27:8

Kioso eie ki uambe, uixi: Sotenu pholo iami; eme muẋima uami uambe: Pholo ié, Ngana, ngi i sota.

Jobe 8:5

Maji eie se u di meneka mu ku sota Nzambi, anga u dionda o henda kua Muteni-a-Ioso,

Matendelelu 4:7

Kiene-phe muene, kuma muiji uónene, kala iú, u kala ni jinzambi bhua zukama kale ki tuala ni Jihova Nzambi ietuʼiki, u bhinga o ki tu mu ixana uitaia, mua u muene kiá?

Jisálamu 95:7

Mukonda muene Nzambi ietu; etu tu athu mu makèla mê, tu jimbudi uala ku tu inga ni lukuaku luê. Lelu-phe se muivua dízui diê,

Izaía 49:8

Jihova ua zuela kiki: Sai thembu ia tokala i nga kuividila, sai kizuua kia kubhuluka ki nga ku kudila, nga-nda ku ku langa, nga-nda ku ku bhanga u kikutu kia mundu, phala u bhangulule oxi, maubhinganu ma buikisile u ma bheka dingi bhu maku ma athu oso ma a tokala.

Jihebeleu 3:13

Di suinisienu-phe mudienu izuua ioso, kioso o kizuelu kia kuila lelu, ki ambe o Mikanda Ikôla, hanji kia tu tokala etu. Bhangenu kienʼ iki phala kana muthu a mu bhomba kuala o ituxi nʼ a kole muẋima.

Luka 13:25

Hádia mukua dibhata kia balumuka, anga u jika ku dibhitu, enu mu kuata kuimajana bhu kanga ni kubunda ku dibhitu, muixi: Ngana, tu jikuile! O muéne u mi vutuila, uixi: Ki nga mʼijiia kuoso ku mua tundu!

Izaía 46:13

Nga kà ku zukamesa o uiukilu uami; ki ua kà sanduka, kana, ni ubhuluilu uami ki ua kà kokoloka; nga kà xikika kubhuluka mu Ziione, ni kizunda kiami mua Izalaiele.

Nzuá 8:21

Muène anga ua ambela dingi, uixi: Eme sai ku ngiia, enu mua-ndu ngi sota, hé mu fua-phe mu ituxi ienu. Kuoso ku ngiia, enu ki mu tena kuizaku.

Jisálamu 148:14

Lumbinga lua povo iê ua lu bhana dingi nguzu, kia bhangesa akua kikutu kiê ku mu ximana; ene anʼê a Izalaiele, ene o mundu uê a mu zukama. Ximanenu Jihova!

Izekiiele 8:6

Anga u ngʼambela, uixi: Monʼa muthu, eie u monʼô, kia mu kuenda iá ni kubhanga? O maufusa a isunji ia makota ala mu kuenda ni kubhanga o dibhata dia Izalaiele bhabha, phala eme ngi sanduke ku dibhezelu diami dikola? Maji ua-nda kumona hanji maufusa ma tundu!

II Malunda 19:3

Sumbala kiene, maji a sange hanji ima ia mbote momué; mukonda o mixitu eie ua i katula mu ixi, eie ua iudika muẋima ué phala kusota Nzambi.

Jisálamu 75:1

Tua ku sakidila, eie u Nzambi, tua ku sakidila! Kuma dijina dié dia zukama; kia di monekena mu ikalakalu ié ia madiuanu!

Efezo 3:13

Uila kiki, nga mi bhingi kuila kana kukala ni usudi mukonda dia jihadi ji ngala ku mi talela, inda ji kale jenu ja kutambula fuma.

Izaía 12:6

Eie ua tunga mu Ziione, imba ni kutana, sanguluka, mbata Dilemba dia Izalaiele, uene momuè, Ukôla.

Matesu 5:25

Lenguluka ku di tambulula ni nguma ié, kiosuʼ iki uala-nê mu njila. Mukonda ki uila kana, imoxi u ku bheka kua mufundixi, o mufundixi u ku bhana ku disoladi, eie nʼa ku te mu ʼaleia.

Matendelelu 4:29

Kienhokio-phe, kuenhoko ua kà sota Jihova Nzambi ié, anga u mu sanga, se u mu sota ni muxima uê uoso ua muvimba, ni muenhu uê uoso ua muvimba.

Izaía 26:9

Mʼusuku uenhú, nga ku-indi mu muenhu uami; ni nzumbi ia ngi kala moxi, nga-nda ku dimeneka ku ku sota; kuma matetuluilu mé nʼa kala mu ngongo, akua-xi kulu dia mundu a di-longa o kidi.

Izaía 45:22

Talenu kokuami, nda mu bhuluke, enu mu masukilu oso kua sukaʼxi; mbata eme-muène ngi Nzambi, ki kuene nzambi iengi.

Izaía 58:9

Bhenhobho o ki u dikola, Jihova ua-nda ku kuitaia; o ki u ta nzôngo, muene ua-nda kuila: Emeʼú! Kala-phe, kuxina akuenu o kimbamba, muʼaxaxi ké kibhua-mu, ni ku toka mulembu kua mukuenu, ni kuzuela kua izala;

Izaía 65:10

Salone ua kà dí-bhanga kibhanga kia jimbudi, o dikôlo dia Akole dinangu dia ibhaku, phala athuʼami a ngi soto.

Jelemiia 25:5

Kia tange, kuila: Dielenu, muthu ku njila iê ia ibha ni mu ku ibha kua ibhangelu iê, nda mu tunge mu ixi ia mi bhana Jihova, enu ni jitata jenu, tundé mʼukulu ni ku hádia ni hádia.

Jelemiia 33:3

Dikole kokuami, nda eme ngi ku vutuile ni ngi ku tudile jimene ja ima ionéne, ia kuata ia kolo, i ua kambiʼeie kuijiia.

Izekiiele 14:6

Kala kiki, o dibhata dia Izalaiele tangela-diu, uixi: Jihova Nzambi uambe kiki: Dielenu, o mahamba menu xé-nuu; jipholo jenu katulenu-ju ku ima ienu ioso ia ufusa.

Izekiiele 33:11

Ambela-u, uixi: Kikola! Eme ngi Jihova Nzambi! Kuma eme ki ngène mu kuuabhela kalunga ka mukua phulu, maji ki ngi uabhela o mukua phulu kudiela ku njila iê ia ibha nʼa kole muenhu; dielenu-phe, dielenu ku jinjila jenu ja ufusa; abha-phe, mukonda diahi mua-ndo fuenu ngoho, enu mu muiji ua Izalaiele, tata!

Daniiele 4:27

Kala kiki, sobha, tata, xikina kaiula kamiʼaka, sota kubhanga kia iuka, u di bhuise ituxi, bhanga henda ku jingadiama, u di bhuise o phulu, kifua o kiki nga ki ambe sumba hanji kua ku xiala thembu ia ku di-bhola hanji ku mátui.

Jona 3:8

Maji o athu ni ibhaku a di kuta jisaku; hé a dikola ni nguzu kua Ngana Nzambi, a diele, kala muthu ku njila iê ia bhengalala, ni ku ikuma ia maku mê.

Ejidala 10:2

Bhenhobho Sekaniia, monʼa Jiiele, umoxi ku anʼa Elame, anga u kumbulula, uambela Ejidala, uexi: Etu Nzambi ietu tua mu te kituxi, mu kusakana ni ahatu a tundu kuengi, a tokala ku ifuẋi ia jixi jenhiji; maji né kienhiki-phe, hanji sai-ku kudielela kua Izalaiele.

Jisálamu 34:19

Uaiuka u mona jiphaxi javulu; maji o Jihova-phe u mu kudila mu jiphaxi jê jene joso.

Jisabhu 8:17

Nga zola oso a ngi zola, a di meneka mu ku ngi sota a ngi sanga muene.

Hozeia 10:12

Kunenu jimbutu jenu ja kuiuka phala mu bhongolole ja henda; bakenu mavu enu a maxinde, kuma thembu iii ia kusota Ngana, katé muene kieza, nʼa mi nokene ima ia kuiuka kala mvula.