Izaía 55:5 - O Mikanda Ikola

⁵ Tala-ze, eie ua-nda kuixana kifuxi kua kʼijidile, ifuẋi ia kambele ku ku ijiia ia kèza malusolo kokué, mukonda dia henda ia Jihova Nzambi ié, ni ia Dilemba Dikola dia Izalaiele; kuma muene ua ku zangeleka.

Izaía 55:5 ပူးပေါင်းရင်းမြစ်များ

Dimatekenu 49:10

Mbasá ia ungana ki ia ka sondoloka kua Juda, o muiji uê ki ua kʼàbhua kijingo kia kutumina; katé bhua kʼèjila Mukunji a-nda ku mu tumikisa, ua bhingi a mu tumaka kuala o ifuẋi ioso.

II Samuuele 22:44

Eie ua ngi kudila mu jimvunda ja mundu uami; ua ngi bhake ku ukota ua kutumina jixi; katé ni mundu ki nga u ijidile, ua kà ngi bhikila.

Jisálamu 18:43

Eie ua ngi kudila mu jimvunda ja mundu; ua ngi bhangesa kukala ngi mútue ua akua matumbu; kifuẋi kia athu ki nga ejidile, ala ku ngi bhikila.

Izaía 45:14

Jihova uambe kiki: Ni midimu ia Ijitu, ni mauenji ma Itiiópia, ni jisabeu, o mala alebha kitala, a kà bhita ku konda ié, a kale é-eie; a kʼendela kuema dié, a kèjiia bhu jingidinhá, a kà ku diundila; a kà ku dionda muene, ni kuila: Kidi kiene, Nzambi uala momué, kana-ku dingi nzambi iengi.

Izaía 45:22

Talenu kokuami, nda mu bhuluke, enu mu masukilu oso kua sukaʼxi; mbata eme-muène ngi Nzambi, ki kuene nzambi iengi.

Izaía 45:23

Nga di-lokela mu dijina diami eme-muène; kizuela kia kidi kia tundu mu kanu diami, kizuelu kiami ki ki vutuka kuema, kuma ki di kumbidila muene; uila kiki, ngedi: Phuna joso ja kà ngi fukamena muene, o madimi moso ma kà ngi fisala mu kuloka.

Izaía 49:12

Talesa, o iá a kà tunda makanga, o ianá a kà tunda ku suku ni ku mazanga, amukuá a kà tunda kʼoxi ia Sinime.

Izaía 49:6

Muene uambe dingi: O kukala ngó u selevende iami, phala kubhangulula ibuka ia Jakobo, ni ku ngi bhekela dingi o masubhu ma Izalaiele, ki kia soko; maji nga ku xikika, nʼu kale u Mukengeji ua akua-matumbu; ua a bhekela kubhuluka, katé ku maẋokololo aʼxi.

Izaía 52:15

Mu kiki, muene uà kʼeẋika ifuẋi ia ndumba ku dibônzo, o jisobha a kà jika makanu mâ mukonda diê-muène; kuma kima ka a tangelele na-kiu a kà ki mona, kima ka kʼivile luua, kia kà a jimbulukila muene.

Izaía 55:4

Talesa, eme nga mu bhana a kale mbangi ku athuʼoso, a kale kilolo, a kale nguvulu ia mundu.

Izaía 56:8

Jihova Nzambi, uene kubhongolola oso a muangana mu Izalaiele, uambe kiki: Hanji nga kà bhongolola dingi athu kumoxi ni iá u nga bhongolola kiá.

Izaía 60:5

Eie-phe ua kà ki mona anga u benha ni kusanguluka, muẋima ué ua kà sasumuka, anga u sanzumuka; mbata jinzungule jene mu kizanga kia kalunga ja kà bilukila kokué, o maumvuama ma akua-jixi joso ma kà ku kana éiʼmuene.

Izaía 60:9

Ni kidi kiene, o ikolo ia kà ngi xikamena, jinaviio ja Talxixi jene ja kà tuama, phala kuiza kuxila dijina dia Jihova, Nzambi ié, ni kua Dilemba Dikola dia Izalaiele, mukonda muene ua ku jingisa.

Jelemiia 30:19

Mu kaxi kâ mu tunda jinga diximanu ni mbimbi ia kusanguluka; nga-nda ku a sokolola muene, ka seluka kana, anga ngʼa zangeleka, ka kala ni mukondo.

Izekiiele 39:7

Anga nga kʼèjidisa o dijina diami dikola muʼaxaxe ka mundu uami ua Izalaiele, eme ue ki mungu dingi ngʼehelèla o kukasanesa o dijina diami dikola, phala akua jixi nʼa kʼijiie kuila eme ngi Jihova, iuná Ukôla mua Izalaiele.

Hozeia 1:10

Hanji-phe, né kienhokio, o nzungule ia anʼa Izalaiele ia-nda kuvula muene mukuâ ni kisékele kia kalunga, ki ki xikina ku ki zonga mba ku ki kondala; o ku pholo ku aia, anga kia ká bhita kuila, bhuoso bhu a ambela, exi; Enu ki mu mundu uami, kana, bhenhobho bhene bhu a kà exana, exi: Enu mu anʼa Nzambi ia muenhu.

Zakadiia 2:11

Bhu kizuuʼokio miji ia ndumba ia-nda kua kà bhongolokela kua Jihova, anga a kà kala kifuẋi kiami; hé nga kà tunga muʼaxaxi kè-eie, anga ua kà kʼijiia kuila Jihova dia Ilombo muène-muene ua ngi tumikisa kokué.

Luka 24:26

Kifua ki kia tokalele muene kuila Kristu nʼa bhite ni jingonjuʼojo, ni a tambule kiua o Ungana uê uoso kua Nzambi?

Nzuá 17:1

Kia zubha kuzuela ima iíi, Jezú u bhetula mesu bhulu, uixi: Tata, kumbi dieza-bhu kiá. Jingisa Monʼ é, o Monʼ é nʼ a ku jingise eie.

Jipoxolo 3:13

O Nzambi ia jitata jetu, Nzambi ia Mbalahamu, Nzambi ia Izake, Nzambi ia Jakobo, muène ua fumanesa Monʼê Jezú. Maji enu-phe mua mu bhakuile enʼuenu bhu maku ma atumini, mua ditunine-nê bhu pholo ia Pilatu, kioso Pilatu muène kia mu fundisile kiá, uixi, ngi mu jituna. Enu-phe muixi kana ku mu jituna.

Jipoxolo 5:31

Maji o muenʼiú Nzambi ua mu zangeleka, iú ua mu tula ku lúkuaku luê lua dilu, mu kukala Musonguedi ni Mubhuludi. Muène ua ki bhange phala kubhana Izalaiele o kithangana kia kudiela, ni kutambula o muloloko ua ituxi iê.

Loma 15:20

Nga solo muene kukola o Njimbu Iambote, ku ididi kuoso kiluua evua-ku o dijina dia Kristu, phala ki ngile kala ngala kutungila ku disesa dia tele muthu uengi.

Efezo 2:11

Uila kiki, xinganekenu, kuma mʼ ukulu enu mu matumbu (akua jixi jengi) mu xitu, a mi luka jinga mu akua dibôlo, kuala o Jijudé a dʼ ixana kuma akua kusaia, kusaia-phe ngó kua xitu, kuobhange ni maku ma athu ku mikutu iâ.

Efezo 3:5

Mʼ ukulu ku miji iamukuâ o kikutu kiki kà edikisile-kiu luua; o kiki-phe Nzambi mu Nzumbi iê ua ki tukuluila o Jipoxolo jê jangene ni Jipolofeta.

Jihebeleu 5:5

Kristu ue kiene, ki muène ua di zangeleka kukala Nganga ia Dikota. Maji Nzambi muène ua mu ambela, uixi: Eie u monʼami. Lelu muène nga ku vuala, nga di bhange ngi Tatʼenu.

I Phetele 1:11

Ene a bhindamenene kuijiia mba thembuʼ oio i bhixila kithangana kuẋi, ni kuiza kuê mba kubhita kiebhi. O Nzumbi ia Kristu ia kexile moxi diâ, ia edikisa jinga o thembuʼiii, ki ia tuamene ku a ejidisa o jiphaxi janda kubhita na-ju Kristu, ni jimbote joso janda kukaiela-ku.