Izaía 55:3 - O Mikanda Ikola

³ Bhetekenu o mátui menu, nda mu ize kokuami; ividilenu, muenhu uenu ubhuluke; kuma nga-nda kuta nʼenu kikutu kixalela-ku, hé ngi mi bhana jimbote ja Davidi ki jene kufula.

Izaía 55:3 ပူးပေါင်းရင်းမြစ်များ

Dimatekenu 17:7

Kikutu kiami nga kà ki kolesa bhu kaẋi kʼami ni eie, ni mbutu ié ioso hinu i ku bhingana, ku tunda muiji kuiza muiji, kala kikutu kinangenena kia bhingi eme ngi kala ngi Nzambi ié, ngi Nzambi ia mbutu ié hádia i ku bhingana.

Dimatekenu 49:10

Mbasá ia ungana ki ia ka sondoloka kua Juda, o muiji uê ki ua kʼàbhua kijingo kia kutumina; katé bhua kʼèjila Mukunji a-nda ku mu tumikisa, ua bhingi a mu tumaka kuala o ifuẋi ioso.

II Samuuele 23:5

Dibhata diami manhi ki kiene ki dia tungiua ku mesu ma Nzambi? Kuma ua te ni eme kikutu ki nangenena, kia jimbuluka mu ima ioso, kiókondeke; ioso ia kubhanduluka kuami, ioso ia mbote i ngʼinda, manhi ki muene u i buingitisa?

II Samuuele 7:29

Kiki-phe ki ku uabhele, Ngana Nzambi, o kuzediuisa dibhata dia mubhikʼé, phala di xalele ni di nangenene bhu pholo ié, mu mivu ia kambe dizubhilu; kuma eie-muène Ngana, u Jihova, ua ki tange. O dibhata dia mubhikʼé nda di zediue ni dibesá dié mu mivu iakambe dizubhilu.

II Malunda 6:42

Auá! Ngana Nzambi, tata, pholo ia muthu ué ua mu undu ni maji ku i bhangese ku lunguluka; xinganeka o jihenda ji ua kuatela Davidi dia mubhikʼé.

Jisálamu 119:112

Muẋima uami nga u lungisa mu kualuka o jingonge jé, mu hádia ni hádia katé ku mbambe.

Jisálamu 119:175

Muenhu uami u laie, u kale mu ku ku ximana eie; o kutetulula kué ku ngi kuatekese.

Jisálamu 78:1

Bhulakanenu, enu mu mundu uami, ngi mi bhane phangu; bhanenu mátui, ngi mi tela maka.

Jisálamu 89:28

Jihenda jami ngi mu bhakela-ju sé kizuua kia kufula.

Jisálamu 89:29

Muiji uê ki u kala dingi ni dizubhilu, kiandu kiê ki nanga kala o izuua ia maúlu.

Makatukilu 15:26

Hé u a ambela, uixi: Se u ívua kiambote o dízui dia Jihova, Nzambi ié, hé u bhanga kioso kia mu iukila ku mesu mê, ni u bhana o dítui ku itumu ié, hé u aiuka o ijiia iê iene ioso, ki ngi te dingi mahaxi ku thandu dié, né uhaxi umoxi ku mahaxi oso u nga te ku thandu dia akua Ijitu; kuma eme ngi Jihova, eme-muene ngi ku saka.

Jisabhu 4:20

Eie monʼami, suua maka mami, bhana mátui ku ioso i ngala ku ku longa.

Jisabhu 7:2

Ijila iami, aiuka na-iu muene, u mone muenhu; ngonge iami, kondeka-iu kala o anʼa mesu mé.

Izaía 51:4

Athuʼami, ngʼivienunu muene, enu mu kifuxi kiami, ngi bhanienu mátui; mbata kokuami kuene kua-nda kutunda o kitumu, o uiukilu uami nga kà u xikika, ukala mukengeji ua ifuẋi ia athu.

Izaía 54:10

Kuma milundu hádia isondoloka, tuthuthu-lûndu tua kà tunguta; maji o kulenduka kuami ki kua kà ku sondoloka; o kikutu kia kutululuka kuami ki kia kà lunguluka, kiene kia tange Jihova, mukua ku ku lendukila.

Izaía 54:8

Mu kutema kuavulu nga ku suekela pholo iami mu kathangana kòfele; maji nga-nda ku ku lendukila ni henda ki iene kúbhua; kiene kia zuela Jihova, Mukudi ué.

Izaía 61:8

Mbata eme ngi Jihova, kia ngi uabhela o kuiuka, kia ngi ibhila o kubhanga kiaiibha; eme nga kà a bhana futu iâ mu kidi; anga ngi ta-nâ kikutu kià xalelà-ku.

Jelemiia 30:9

maji a kà bhikila Jihova, Nzambi iâ, ni Davidi, sobha iâ, nga-nda ku a balumuina-nê.

Jelemiia 32:40

Hé nga kà ta-nâ kikutu ki nangenena, ki kia kà a sondoloka dingi, mbé o ku a bhanga mbote, anga nga kà ta uoma uami ku muẋima uâ, phala eme ki mungu dingi a ngʼixa.

Jelemiia 33:26

kiene ue, eme nga-nda ku di tuna luvualu lua Jakobo, ni lua Davidi, mubhikʼami, mu kikexilu kia kuila o ku mbutu iâ, ki ngi katula-ku dingi uoso u tumina ku mbutu ia Mbalahamu, ni Izake, ni Jakobo; mukonda ubhika uâ nga-nda ku u bhuisa-ku muene anga ngʼa kuatela henda.

Jelemiia 38:20

Jelemiia uixi: Ka-nda ku ku bhakula. Nga ku diondo, ivua dízui dia Jihova, kala ki ngala ku ku tangela na-diu; se u dʼivua, ua-nda ku kala kiambote, o muenhu ué ua-nda kulaia muene.

Jelemiia 50:5

A kʼèbhula njila ia Ziione, kueneʼoko kuene kua talela jipholo jâ; hádia a kʼèza anga a kà di bunda kua Jihova mu kikutu ki nangenena kia bhingi ki mungu dingi a ki jimba.

Izekiiele 16:60

Maji-phe né kienhókio, eme o kikutu kiami ki nga-ta ni eie mu izuua ia unzangala ué, hanji nga-nda kua kà ki banza muene, hé nga kà ta dingi ni eie kikutu ki nangenena.

Izekiiele 34:24

O eme-phe, ngi Jihova, nga kà kala ngi Nzambi iâ, o mubhikʼami Davidi muene ua kà kala o kilamba muʼaxaxe kâ; kuma eme ngi Jihova nga ki tange.

Izekiiele 34:25

Hé nga kà ta na-ju kikutu kia paze, o iama iaiibha mu ngongo nga kà i zubha-mu, o jene hé ja kà tunga ni kukondama mu kikangalakata, hé ja kà zekʼé muene mu matutu.

Izekiiele 37:26

Anga nga kà ta-nâ kikutu kia uembu; kiene ue kia kà kala kikutu ki nangenena; nga kà a phapha muene, nga kà a sokolola, o kididi kia dibhezelu diami hé nga kà ki tula muʼaxaxe kâ katé ku hádia ni hádia.

Ijila 18:5

Kala kiki o jingonge jami ni mabatuilu mami bhakenu-u; kuma enhó mu ku a bhanga muthu u kola muenhu; Eme Jihova nga ki ambe.

Amoji 5:4

Mbata, Jihova, dibhata dia Izalaiele ua di tangela, kuila: Ngi sotienu, nda mu kale ni muenhu!

Amoji 5:6

Sotenu-phe Jihova, nda mu laie; Phala muene ue ka di takuile mu bhata dia Zuze kala túbhia, ni tu mu jikinisa, bhu Betele-phe ki bhua-nda ku moneka muthu u tena ku tu jima.

Matesu 11:28

Zenu kokuami enu oso mua bhuila, enu mua tate ni imbamba ia mi nemena, eme nda ngi mi nhohese.

Matesu 13:16

Enu-phe ma zediua o mesu menu, mbata ma mono; ni mátui menu, mbata mevu.

Matesu 17:5

Kioso Phetele kia kexile hanji mú zuela, talesa, dituta di luendela dia a vungina; o mu dituta anga mu tunda dízui, dixi: Muenhú Monʼami uózole, uene mu ngi sangulukisa. Ioso ia zuela, mu ivienunu muene!

Nzuá 10:27

O jimbudi jami, jʼívua dízui diami. Eme ngi jʼijiia, o jene ue ji ngi kaiela.

Nzuá 6:37

Oso a ngi bhana kuala Tata, a-ndu kuiza ko-kuami. Uoso-phe ueza ko-kuami, eme ki ngi mu texi, lémbua!

Nzuá 7:37

Kizuua kia kuzumbuka, o kizuua dia dikota kia fesa, kizuua kienhókio Jezú uemana, anga u di kola, uixi: Se muthu uala ni dinhota, eze ko-kuami, nda anue.

Nzuá 8:47

Muthu uoso ua tokala Nzambi, uívua o maka ma Nzambi. Enu kiene ki mua kambela ku mʼ evua, mukonda Nzambi ki mua mu tokala.

Jipoxolo 13:34

Kieniki kiene kia tange Nzambi, mu kufukununa Jezú ku ʼalunga, iú uambe kuila katena dingi kuvutuka mu kusekumuka, mukonda uambe dingi kiki: Eme nga kà mi bhana jimbote ji nga lekelela Davidi, ki jene kufula.

Loma 10:5

Mbata o kia soneka Mozé ku mbandu ia muthu ku mu xikina kua Nzambi ni ku mu lungisa mu kutumaka o Kitumu, uambe kiki: Uoso u bhanga ioso ia xindi o Kitumu, kuene kua muena o muenhu.

Jihebeleu 13:20

Kiki-phe Nzambi ua fukununa Ngana ietu Jezú mu madifundu, o mukonda dia kufua kuê, muène o Mubidi ua Dikota ua jimbudi. Uila kiki, mu manhinga ma Jezú, o kikutu ki nangenena a ki kolêsa ni kidimbu.