Izaía 55:2 - O Mikanda Ikola

² Kitadi kienu mua mu ki zangela-hi ku ima ia ngoho ki kúdia? O ima i tunda mu ikalakalu ia maku menu anga mu i zangela ngoho mu ioio ki i tena kuikutisa? Kuatenu kilunji mu ngʼivue, nda mu die kiauabha, o muenhu uenu u tane ni ima ianete.

Izaía 55:2 ပူးပေါင်းရင်းမြစ်များ

Jisálamu 22:26

Akua ujitu a kà dia muene ku fesa, anga ekuta; oso ene kusota Jihova, a mu ximane; tanenu-ku, o miẋima ienu i di sanze katé ku hadia!

Jisálamu 34:11

Zenu anandenge, mu ngʼivue; eme ngi mi longe o uoma ua Jihova.

Jisálamu 36:8

Musonhi ué-eie, u ikuta ni kúdia kua nete; sai ngiji ia jimbote jé, ku u a bhana kúnua.

Jisálamu 63:5

Muẋima uami u ikuta jinga kala ngadi xitu ianete ni uôngo; dikanu diami di ku ximana ni mizumbu ia ngalasa,

Makatukilu 15:26

Hé u a ambela, uixi: Se u ívua kiambote o dízui dia Jihova, Nzambi ié, hé u bhanga kioso kia mu iukila ku mesu mê, ni u bhana o dítui ku itumu ié, hé u aiuka o ijiia iê iene ioso, ki ngi te dingi mahaxi ku thandu dié, né uhaxi umoxi ku mahaxi oso u nga te ku thandu dia akua Ijitu; kuma eme ngi Jihova, eme-muene ngi ku saka.

Jisabhu 1:33

Maji uoso u ngʼividila ki ngi zuela u tunga u soma, kana-ku kia iibha ki mu kuatesa uoma.

Jisabhu 7:23

Uia muene ni kuenda katé kia mu asa o musongo mu izavu, kala njila i lengela o kuia mu fua bhu ngoji, ka kʼijiia kuila a mu kotekela mubhetu u mu dia o muenhu.

Jisabhu 8:32

Kiki-phe enu, mu ana, ngʼivenu, kuma azediua ió oso aiuka o ijila iami, anga a kaiela mu jinjila jami.

Jisabhu 9:5

Zenu, mudie ku mbolo iami, mu nue ku vinhu i nga lungisa kiambote phala enu.

Ndongixi 6:2

o muthu a mu bhana o itadi ni jimbongo ni ujitu kuala Ngana Nzambi, kana-ku kima kia mu kambe ku ioso iendi o muenhu uê, maji o Nzambi anga u fula o ku mu bhana o kutena kua kudia-ku, inda kuizʼê muthu uengi muene ngó u mu diê-ju jene joso; auá, kienhiki ue ukumbu ngó u katesa kinéne ku muẋima.

Izaía 1:19

Se muandala, anga mu ngiʼvua, o mbote-phe iaʼxi iii mua-nda ku i dia muene.

Izaía 10:27

Anga kia kà bhita mu kizuua kieneʼokio, kuila kimbamba kia ku xinine Asídia bhu kisuxi, a kà ku tulula-kiu, ni kànga ioso ia ku kuzuikile muene mu xingu. O kànga a kà i sasujula mukonda dia athu ami nga undu ni maji.

Izaía 25:6

O Jihova dia Ilombo, mundu uoso ua-nda ku u bhangela kizokola ku mulundu kuenhuku, ni iama ia nete; kizokola kia vinhu ia kenzuluka, ni malonga a uôngo ua ifuba, ni vinhu ia iuka ia kenzuluka kiambote.

Izaía 44:20

Lémbue: ukuata ku di-dikila ni uthôkua; muẋima uê ua juuala uene ua mu luezesa; bhua telʼobho ka tena dingi kubhulula o muenhu uê, mba kuila: Mbé bhu lukuaku luami lua kúdia ki bhuala makutu?

Izaía 46:6

A zanga o ulu mu ngonga, o phalata bhu pezo; a futila na udivi; muene anga u iudika-ku nzambi; hé a i diundila, a i bheza.

Izaía 51:1

Enu-oso mua ku ta muẋima ku ufundisilu ua kidi, ngʼivienu, nʼenu muala kusota Jihova, talenu ku ditadi kuoso ku a mi bamiune, talenu ku dikungu dia dibânda mu a mi kandele.

Izaía 51:4

Athuʼami, ngʼivienunu muene, enu mu kifuxi kiami, ngi bhanienu mátui; mbata kokuami kuene kua-nda kutunda o kitumu, o uiukilu uami nga kà u xikika, ukala mukengeji ua ifuẋi ia athu.

Izaía 51:7

Enu, muejiia kioso ki kala o kuiuka, ngʼivienu, enu mu athu mua zalela o ngonge iami mu miẋima ienu; o kizembu kia mundu ki ki mi kuate uoma, o kia mi xinga, ki mu a suue.

Izaía 62:8

Jihova ua loka ni lukuaku luê lua dilu, ni lukuaku lua undanda uê, kuila nuka dingi a kà bhana o tiliku ié kukala huta ku jinguma jé, o akuʼaxi iengi ue ka kà nua dingi o maluvu mé u ua talela o hadi.

Izaía 62:9

Maji oso amuni ene a i dia, anga a ximana Jihova; oso a kanze a ibundu iâ, ene ue a kà nuà-ku, mu malumbu ma dibhezelu diami.

Izaía 65:23

Ene ue ka kà kalakala mu kingoho, ka kà vualela kibuika, kuma ene o mbutu ia athu a a zediuisa kua Jihova, ni luvualu luâ kumoxi ni ene.

Jelemiia 12:13

A kuu tiliku, a munu minha; a di tutumbisa ngó, maji ka katula-ku kima; idima i mua bhongolola ia mi kuatesa jisonhi, mukonda dia kutema kua njinda ia Jihova.

Jelemiia 17:24

Jihova uambe uixi: Kia-nda kubhita-phe kiki, se mu ta-bhu makidikidi mu kubhangela ku ngʼivua eme, hé mu fula ku bokuesa imbamba mu mbonge, bhu mielu iii, mu kizuua kia Sabhalu, anga mu kolesa o kizuua kia Sabhalu, ni ku kamba kubhanga-mu kikalakalu kioso-kioso,

Jelemiia 2:13

Mukonda mundu uami abhange ima iiadi iaiibha: edi eme a ngi-xi, ngi otho ia menha ma muenhu, ia a kande ixima, ixima iene ia budika, ia kuata o kubhubha ki ia tena kuxikika menha.

Jelemiia 31:14

Anga ngà kʼekutisa muenhu ua jinganga ni ima ia nete, o mundu uami, mbote jami ja-nda kua kà a kuma muene, Jihova ua ki tange.

Hozeia 12:1

Ifalaíme uala ku di dikila ni kitembu, kumbi dioso dia kambamba u kaiela kitembu kia thunda; u nangena ku vudisa makutu ni kibuika izuua ioso; o kikutu u ki ta ni Asídia, maji mê uia mu ku mabheka ku Ijito, kuma diene o dibhôko dia mu bhana.

Hozeia 8:7

Kuma a kunu kitembue, ia a-nda kumuna kibhungu; ki bhuala díbhia dia kumuna; o iangu ia hatu ki i tena kutunda fuba, lémbua; né i bhana fuba, a kà i dia kuala athu akua jixi jengi.

Habakuke 2:13

Abha, ki kiejila kua Jihova dia Ifuẋi, kia kuila o mundu ukalakala ngó phala túbhia, o ifuẋi iʼathu na iokojoke mu kingoho?

Matesu 15:9

A ngi bheza-phe ngó makutu, ni kulonga ijila ia tumu ngó athu, kala Nzambi muène ua i tumu.

Matesu 22:4

Muène anga u tuma jiphunga jamukuá, uixi: Asonhi a fesa a tangedienu kuma, Seialu iami iíi, nga i iudika kiá. Jingombe jami ni ibhaku iami ianete iójibhe, imbamba ioso ióiudike kiá. Zenu ku fesa ia ukaza!

Matesu 5:6

A zediua ió, o kubhanga ima ia iuka a ku kuatela nzala ni dinhota, mbata hádia ekuta.

Marku 7:14

Jezú anga u ixana dingi o kifuẋi, he ua ambela, uixi: Ivenu enu oso kioso ki nga-nda kuzuela nda mu ijiie:

Luka 15:23

Bekenu kangombe kanete, mu ka jibhe, tu die, tu sanguluke!

Nzuá 6:27

Kana kukalakela o kúdia ku bola, kota o kukalakela kúdia ku nanga katé ku muenhu ki uábhua. Monʼ a Muthu u mi bhana na-ku, mukonda Nzambi Tata ua mu te kidimbu kiê.

Loma 10:17

Mu kieniiki o kuxikana kuijiia mù kuivua o hundu, o kuivua o hundu, kuijiia ku Njimbu Iambote ia Kristu. Mu kieniiki, o kuxikana kuijiia mù kuivua o ngolokela, o kuivua o ngolokela, kuijiia ku Njimbu Iambote ia Kristu.

Loma 9:31

Izalaiele-phe, o muiji uòsole kua Nzambi, a sotele o Kitumu ki tena ku lungisa, maji o kia kexi mù sota a ki tokoka.

Matendelelu 11:13

Kia kà kala kiki-phe kuila, se mu kuata muanu ua kutumaka ijiia iami i ngala ku mi bhana lelu iii, ia kuzola Jihova Nzambi ienu, ni ku mu sedivila ni muxima uenu uoso ni muenhu uenu uoso,

Jihebeleu 13:9

Ki mu ehele ku mi sendumuna ku maulongelu mengi mʼeza-ku, ma vulu o matelu ni a mi katule mu njila ia kidi. Kima kia uabha o muẋima ku kuata kididi mu kiadi kia Nzambi, kana mu kutumaka ijila ia kutungula makudia. Kuma oso a tumaka o ijila ienʼiii, ka tena kubhanduluka-ku kima.