Izaía 55:1 - O Mikanda Ikola

¹ Enu, oso muala ni dinhota izenu ku menha, nʼenu oso mua lémbua kitadi, izenu, sumbenu, mu die; eué, zenu, mu sumbe mu ngoho sé kitadi, né suilu, vinhu ni lete.

Izaía 55:1 ပူးပေါင်းရင်းမြစ်များ

Jisálamu 143:6

Ngi sunununa o maku mami ko kué, muenhu uami ua ku kala ni dinhota, kala mʼoxi iakukuta. (Selah.)

Jisálamu 63:1

Ngana Nzambi, tata, eie u Nzambi iami; eme ngi di meneka muene mu ku ku sota; muẋima uami ua ku kala ni dinhota; oʼxitu jami ja ku kala ni hânji iavulu, mu ixi iakukuta, iabhuila, iedi ni iene thokon! mua bhingi ki mu moneka menha.

Jisabhu 8:4

enu mu athu, enuʼenu ngala ku mi kolela! Dizui diami ngi di lungisa mu ku handekela anʼa athu.

Jisabhu 9:1

Unjimu uatungu kiá onzo iê, iambata sambuadi dia ngunji.

Jisabhu 9:5

Zenu, mudie ku mbolo iami, mu nue ku vinhu i nga lungisa kiambote phala enu.

Mukumbi ua Mikumbi 1:2

Ngi bhane nzóbole ku ditama ni jibeju ja dikanu dié; mukonda o henda ié kota o vinhu ndenge.

Mukumbi ua Mikumbi 1:4

Ngʼambate, tuie lusolo, kokué. Sobha ua ngi bokuesa mu xilu diê. Tua kà sanguluka, tua kènda ni kutanena momué; O henda ié tua kà beta ku i xinganeka o vinhu ndenge; kiene kia ku zolela oso a iuka o miẋima.

Mukumbi ua Mikumbi 5:1

Nga bokona kiá mu kadíbhia kami, phangʼiami ia muhatu, bhànga diami! Nga munu uasu uami ua sumuna ni ima iami ia mazumba; nga katula kixila kiami, eme nga ki di ni uiki; o vinhu iami nga i nu ni lete. Dienu, nuenu, enu mu makamba mami! Enu nga mi zola kiavulu, nuenu muene kioso ki mua tena!

Izaía 1:19

Se muandala, anga mu ngiʼvua, o mbote-phe iaʼxi iii mua-nda ku i dia muene.

Izaía 44:3

Mbata o uala ni dinhota nga-nda ku mu lunduluila menha, o mukáu uakukuta nga-nda ku u fuafuesa jingiji? nga-nda ku lundulula Nzumbi iami ku thanduʼa mbutu ié, luvualu lué ngi lu tuluila kubhanduluka.

Izaía 52:3

Mukonda Jihova Nzambi, uambe kiki: A mi sumbisa mu kingoho; a kà mi kula ue, sè kitadi.

Kuditenda 5:4

Menha etu a kúnua, tua mu a sumba mu kitadi; o jihuinhi ja kutelekela, tuala ku ji tambuila mu suilu iatokala.

Izekiiele 47:1

Kia bhiti imʼiii, ua ngi vutukisa bhu muelu ua Tembulu, mu kutala nga mono menha ala kutunda bhu kikota kia muelu ua Tembulu, a kungulukila ku tundila o dikumbi; mukonda o inzu iene ue ia lungila ku thunda, o menha a kexile mu kufuáfua koxi, ku mbandu ia kadilu iaʼnzu, o mbandu ia uombe ia Kalatódio.

Izekiiele 47:9

Hé ki kala-phe kuma, kima kioso-kioso kiá kia di bhange ni muenhu, kienda dízula, kia kà kola muenhu kuoso-kuoso kiá ku bhita o ngiji iii, anga kua kà kala nzungule ia jimbiji; o kuoso ku di texila o menha iá a kà toualesa o menha a kalunga; o muoso kiá mu bhita o ngiji iii, ima ioso i kola o muenhu.

Hozeia 14:4

Eme nga-nda kuilula o kuxibhaka kuâ ni kudianguka kuâ, anga ngʼa zola muene ni muẋima uoso, mukonda njinda iami ku thandu diâ ki iala-ku dingi.

Jouele 3:18

Kieneʼokio-phe milundu ia kà zunzumuka vinhu ia ubhe, tu thuthulundu tua kà bhubha lete, jingiji joso mua Juda ja kèzala menha, mʼonzo ia Jihova mua kà di bhanga otho ia menha, a kungulukila mu dikôlo dia Xitime.

Zakadiia 10:7

Anga akua Ifalaíme a kà di bhanga iiala ia mazonda; o muẋima uâ ua kà sanguluka muene kala muthu Uanu vinhu; o mu ku ki mona, anʼâ a kà sanguluka; o muẋima ua kà kala ni kutana mua Jihova.

Zakadiia 2:6

Jihova, uixi: Enu, tata! Ku ixi ia suku kindala lengenu-ku; mukonda nga mi muange mukua ni itembu i uana ia diulu; Jihova muene ua ki tange.

Zakadiia 9:15

Jihova dia Ilombo Ieta muene ua-nda ku a xitila; akua kubhânga ni jimbalafunda a-nda kua kà a jikinisa anga a a titidila muene bhoxi; o manhinga mâ a kà ma nua kala vinhu; a-nda kua kèzala kala jímbia ja sata, a kèla muene kiololo kala bhu jithungi ja Kalatódio.

Matesu 10:8

Sakenu jihaxi, fukununenu madifundu, disanzesienu akua dibhute, kaienu madimonho. Mua tambula ngoho, bhanenu ngoho.

Matesu 13:44

Utuminu ua Diulu ua difangana ni kitadi kiósueke ku mukáu; anga bhu kala muthu u ki bonga, hè u ki dinga. Mu kutana kuê anga uia, u sumbisa ioso iala na-iu, anga u sumba o mukáu uenhó.

Matesu 26:29

Ngi mi ambela-phe: Tunde kiki, ku sumu ia muvide ki ngà ka nua-ku dingi, katé ki nga kà i nua ia ubhe, ni enu kiá kumoxi, ku mbanza ia Tata iami.

Matesu 5:6

A zediua ió, o kubhanga ima ia iuka a ku kuatela nzala ni dinhota, mbata hádia ekuta.

Jipoxolo 8:20

Phetele-phe ua mu ambela, uixi: Phalata ié i texike ni eie-muene kumoxi mu infernu! Mukonda eie ua fika kuma usumba ujitu ua Nzambi mu kitadi?

Loma 3:24

Maji Nzambi mu kiadi kiê u a lungisa, kia vutuka, sé ku a bhinga kima, mukonda dia Jezú Kristu u tena ku a bhulula.

I Kolindo 3:2

Nga mi disa lete, kana kudia kua nguzu, kuma ki mu ku tenene luua. Katé ni kiki ki mu ku tena, kuma hanji muala mú laia ku mundu iú kala mu akua xitu.

I Phetele 2:2

Muila kala mu anʼ auisu a mi vuala-ke, mu sema jinga o lete ia disanze ia nzumbi, phala ki mu i nua, mu kole muenhu, mu kule.

Dijingunuinu 21:6

Anga u kumuna dingi, uixi: Maka ma zubha kiá kubhita! Eme ngi Alafa ni Omeka, ngi Dimatekenu ngi Dizubhilu. Uoso dinhota dia mu kuata, ngi mu bhana kunua bhʼotho ia menha ma muenhu, mu ngoho.

Dijingunuinu 22:1

Anju anga u ngʼidikiza ue o ngiji ia menha ma muenhu, mazele kala kidistalo, i fuafua bhu kiandu kia Nzambi ni kia Kambudi,

Dijingunuinu 22:17

Ni Nzumbi ni Dibhanga, edi: Izá! Uoso ue uívua imʼíii, ele: Izá! Uoso dinhota dia mu kuata, eze. Uoso uandala, a tambule o menha ma muenhu mu ngoho.

Dijingunuinu 3:18

Mu kiki, nga ku longesa kusumba kokuami, ulu ua bhiti mu túbhia, phala ni kidi kiene u kale u mvuama. U sumbe ue ni izuatu izela, mbé u di vunge, phala sonhi ki ji ku kuate ja tuẋi. Ni milôngo ia mesu, u di uaie mu mesu, nda u mone.

Lute 4:1

Bouaji anga u banda ku bhata, u tula bhu muelu ua kimbaka, u xikama. Mu nanga kathangana, ndandu iazukama u tena kukala mukudi ua kubhanga undundula kua Lute, kala kiambele Bouaji, u kala mu bhita. Muene anga u mu handekela, uixi: Xeie, ngânji! Iza hanji kunu, u xikame bhabha.