Izaía 54:9 - O Mikanda Ikola

⁹ Mbata o kiki kia kà ngi kala mukuâ ni dilúvio dia Noué; kala ki nga lokele kuila o sulumbembe ia menha ma Noué ki ia kà bita dingi kulu dia mundu; kiene ki nga loka kuila eme nuka dingi nga kà ku kuatela njinda, mba ku ku bazela.

Izaía 54:9 ပူးပေါင်းရင်းမြစ်များ

Dimatekenu 8:21

Ngana anga uívua dizumba diambote; Ngana anga uamba ku muxima uê, uixi: Ki ngi tona dingi, ixi ku i ta mázui mukonda dia muthu, kuma ilunji ioso ia ixinganeku ia muthu, iaiibha tunde mu undenge uê; ki ngi tena dingi ue o kubuikisa mienhu ioso, kala ki nga bhangʼiki.

Jobe 11:16

Mbata ni jihadi ji ua mono, ja-nda kuà ku jimba kiá, ua kà ji xinganeka ngó mukua ni menha a bhiti kiá.

Jisálamu 104:9

Ua a xindi ni mbambe iâ, ka tena ku i somboka; ka tena dingi kubobesa mikáu ku kanga.

Izaía 12:1

Mu kizuua kiná, eie ua kà kumbulula, kuamba: Jihova, nga ku sakidila, tata, mukonda, sumbala ua ngi kuatelele njinda, leluʼidi njinda ié iabhu, uala kiá ku ngi konda malamba.

Izaía 49:18

Bhetula-ze o mesu mé u kengelele mbandu ni mbandu, tala: ene-osoʼâ a bhongoloka a mu kuiza kokué; nga di-lokela muene, eme Jihova, kuila ene-osoʼâ ua-nda ku a zuata kala kizuatu kia makembu, anga u di-ẋiẋika-nâ kala u díbhanga.

Izaía 51:22

Ngana ié, Jihova dia Nzambi ié, muthu ua-nda kufundila o povo iê, uambe kiki; Eme o dikáu dia kubhendujukʼodio ngi ku tambula-diu kiá, bhu lukuaku lué di tunda-bhu, ni iẋiẋi ia dikáu dia kutema kuami; eie ki mungu dingi u nua-ku.

Izaía 51:6

Bhetulenu mesu menu ku maúlu, zongolenu mu ngongo bhoxi: kuma maúlu ma-nda kujimuka-ku kala dixi, oxi ue ia-nda kukuka mukuâ ni kizuatu; oso a tunga-mu a-nda ku di-fuila kiòmuene kala ki fua o jihamue; maji o ubhulukilu uami ua kà xalèla-ku, o uiukilu uami ki u xikina ku u buisa-ku.

Izaía 51:8

Kuma axikamena ku a kesa kala kabamba ki ka kesa o kizuatu, makèke ma-nda ku a dia kala kia dia o lã; maji o uiukilu uami ua kà xalèla katé ku hádia ni hádia; o ubhulukilu uami kutunda muiji kuiza muiji.

Izaía 55:11

kiene ue kià kala o kizuelu ki tunda mu kanu diami; kiene ki kia kà vutuka kia hatu kokuami, maji kia kà bhanga kioso kia ngi uabhela eme, kale kioso ki nga ki tumukixina kiene ki bhita.

Izaía 62:8

Jihova ua loka ni lukuaku luê lua dilu, ni lukuaku lua undanda uê, kuila nuka dingi a kà bhana o tiliku ié kukala huta ku jinguma jé, o akuʼaxi iengi ue ka kà nua dingi o maluvu mé u ua talela o hadi.

Jelemiia 31:37

Maji Jihova uambe kiki: Se maúlu a tena ku ma zonga katé ku thandu, o maxikamenu maʼxi nʼa ma zongo katé bhoxʼèlele, eme ue mbutu ioso ia Izalaiele ngi di tuna na-iu mukonda dia ima iâ ioso ia bhange, Jihova ua ki tange.

Izekiiele 16:42

Kienhiki, o njinda iami kokué ia kà tululuka kiá, o difuba diami ue kokué ngi di katula-ku, o ki nga-nda kuzubha ku ku bhanga iosuʼiii, anga ngi dixibhaʼmi kiá, ki mungu dingi nga-nda kuthathamana.

Izekiiele 39:20

Anga o ku meza mami, mua kʼèkuta ni jikabalu, ni makalu, ni mazonda, ni athu oso akua kúlua o ita, kiene kia tange Jihova Nzambi.

Izekiiele 39:29

Eme ue ki mungu dingi ngi sueka o pholo iami koku ʼâ, kioso ki nga-nda kulundulula o Nzumbi iami ku thanduʼa muiji ua Izalaiele, Jihova Nzambi ua ki tange.