Izaía 54:8 - O Mikanda Ikola

⁸ Mu kutema kuavulu nga ku suekela pholo iami mu kathangana kòfele; maji nga-nda ku ku lendukila ni henda ki iene kúbhua; kiene kia zuela Jihova, Mukudi ué.

Izaía 54:8 ပူးပေါင်းရင်းမြစ်များ

Jisálamu 103:17

Maji o henda ia Jihova-phe, ku i tunda, ku i ia, ki iene thembu; ia xalela ku thandu dia akua uoma uê; o ku kumbidila kuê ni ku mululu ni ku mulaula.

Jisálamu 103:4

u kula muenhu ué mu diela; hé u ku zuika kiadi ni henda kala kitundu.

Jisálamu 13:1

Mbambe bhebhi, Jihova tata? kifua ua ngi jimbila-ku? U suka katé bhebhi ni ku ngi suekela o pholo ié?

Jisálamu 27:9

Kana ku ngi suekela o pholo ié. Ngi mubhikʼe, kana ku ngi kaia ni njinda; ua ngi kuatekesa jinga mʼokulu, ni kiki kana ku ngʼambudisa, kana ku ngʼehelela, u Nzambi iami ia kibhamuenhu!

Jisálamu 30:5

Kuma o kutema kuê, ku nanga ngó kithangana; o kulenduka kuê ku bhixila bhu suka o muenhu ua muthu! Né-mbe mu usuku, ki ku vunda, tua didi masoxi, kusanguluka-phe kuiza ni kimene.

Izaía 14:1

Mbata Jihova ua kà kuatela Jakobo henda, u tona dingi kusola Izalaiele anga u a bheka mʼoxi iâ; jinzuángiza ue ja kà di bunda kumoxi ni ene, anga a kà di banda mu diembu dia Jakobo.

Izaía 26:20

Uila kiki, enu mu mundu uami, ndenu, mu bokone mu jinzu jenu, mu di jikile momo, mu suame ngó kathangana, katé ki somboka o njinda.

Izaía 40:27

Eie-phe, Jakobo, u ki tangela-hi, nʼeie u Izalaiele, u ki zuelela-hi, ni kulongolola kuamba: Manhi bhu ngala kubhitʼabha, Jihova kejiia-bhu; o mulonga uami uala ku di bhitila, Nzambi iami ua lémbua ku uijiia?

Izaía 45:15

Kia kidi kiene, eie-muène u Nzambi, ua di sueka, u Nzambi ia Izalaiele, u Kibhamuenhu.

Izaía 47:6

Nga thathamana kiavulu ni mundu uami, undundu uami nga u kasanesa, eme nga ku bhakuila-nâ bhu lukuaku lué; eie-phe ngué ku a kuatela jihenda, katé ni ikulakaji, akuka, ua a tuika kimbamba kia neme.

Izaía 48:17

Jihova, Mubhuludi ué, o Dilemba dia Izalaiele, uambe kiki: Eme Jihova Nzambi ié, u ku longa kioso kia uabha, hé u ku endesa mu njila i ua fuama kuenda mu ku di-tela.

Izaía 49:10

Ka kala dingi ni nzala, kà kala dingi ni dinhota, né muzukuta né muanha ki ua kà a kuama dingi; kuma muenhó mukua ku a lendukila, ua kà endesa, anga ua kà a batesa kilendu katé ku jifiẋi ja menha.

Izaía 49:13

Imbenu, mu maúlu, eie ue u ixi, sanguluka; enu mu milundu tenu nzôngo ia kutana, kuma Jihova lelu ua tululula o povo iê, jihukunhu jê ua ji lendukila.

Izaía 49:26

O ió a ku bhondeleka ngʼa dikila niʼxitu jâ-ene, a kà kodiua ni manhinga mâ kala maluvu; anga xitu ioso ia kejiia kuma eme ngi Jihova, ngi Mubhuludi ué, Ngi Mukudi ué, ngi Dizonda dia Jakobo.

Izaía 54:10

Kuma milundu hádia isondoloka, tuthuthu-lûndu tua kà tunguta; maji o kulenduka kuami ki kua kà ku sondoloka; o kikutu kia kutululuka kuami ki kia kà lunguluka, kiene kia tange Jihova, mukua ku ku lendukila.

Izaía 54:5

Mbata Mubhangi ué muene munumiʼé, dijina diê Jihova dia Ilombo Ieta; o Dilemba Ukôla dia Izalaiele, muene Mukudi ué; muene a kà mu ixana exi, Nzambi, Langela-Ngongo.

Izaía 55:3

Bhetekenu o mátui menu, nda mu ize kokuami; ividilenu, muenhu uenu ubhuluke; kuma nga-nda kuta nʼenu kikutu kixalela-ku, hé ngi mi bhana jimbote ja Davidi ki jene kufula.

Izaía 55:7

mukua-ituxi ehe o njila iê, o ua iibha muẋima a tule mabanzelu mê; a vutuke kua Ngana, u mu kuatela henda; nʼalukile kua Nzambi ietu, kuma muene mukua kuloloka kiavulu.

Izaía 60:10

O anʼa jithungiembu ene a kà ku tungila o imbaka ié, o jisobha jâ ja ka ku bhikila; mbata nga ku betele kia ngi kuata o kutema, maji mu kulenduka kuami nga ku kuatela jihenda.

Izaía 63:7

Ngi tumbula kulenduka kua Jihova, ngi tanga ue diximanu dia nzungule dia Jihova, dia soko ni ima ioso ia tu bhange Jihova; ni jimbote javulu joso jene kubhanga ku diembu dia Izalaiele, ja a bhange muene mu jihenda jê, kala kia soko o nzungule ja kulenduka kuê.

Izaía 64:7

Ki bhuala dingi u hingila o dijina diê, mba u phaphumuka nʼa kuatenene kokué; mbata eie ua tu suekela o pholo, eie ua tu bhangesa ku botomoka mukonda dia ikuma ietu.

Izaía 8:17

Eme ngi dielela kua Jihova, muene ngi mu xikamena, sumbala o dibhata dia Jakobo ua a suekela o pholo.

Jelemiia 31:3

Kithangana kiá kia bhiti-bhu tundé kia ngi tukulukila Jihova, uixi: Tala, nga ku zolo ni henda ki i moneka dizubhilu, nga ku sungu ue ni jihenda ja kulenduka, kokuami.

Jelemiia 33:26

kiene ue, eme nga-nda ku di tuna luvualu lua Jakobo, ni lua Davidi, mubhikʼami, mu kikexilu kia kuila o ku mbutu iâ, ki ngi katula-ku dingi uoso u tumina ku mbutu ia Mbalahamu, ni Izake, ni Jakobo; mukonda ubhika uâ nga-nda ku u bhuisa-ku muene anga ngʼa kuatela henda.

Jelemiia 51:5

Mukonda Izalaiele ni Juda ka ehelela luua kuala Nzambi iâ, kua Jihova dia Ifuẋi, némbe hanji oxi iâ izala ni ikuma bhu pholo ia ió Ukola mua Izalaiele.

Izekiiele 39:29

Eme ue ki mungu dingi ngi sueka o pholo iami koku ʼâ, kioso ki nga-nda kulundulula o Nzumbi iami ku thanduʼa muiji ua Izalaiele, Jihova Nzambi ua ki tange.

Habakuke 3:2

Jihova ngevu, maka mé mu uazuela, o uoma iu ua ngi kuata! Kikalakalu kié u Jihova, bhana-kiu dingi muenhu ku mivu ioso, o i uazuela enda ni ku i ijidisa dingi ku mivu ni mivu; kioso ki u thathamana jinga lembalala, Ngana, o kulenduka kué!

Zakadiia 1:15

Maji ni njinda ia vulu-phe, nga thathamena miji iene mu ku di dielela ienʼiê, kuma kioso eme ki nga thathamena Izalaiele bhuofèle ngó, ene a suina dingi mu kubhanga kiaiibha.

Zakadiia 1:16

Kala kiki, Jihova uambe, uixi: Jeluzaleme nga mu lungulukila dingi ni jihenda; o inzu iami a kà i tunga dingi muenhomo, o kuthandu dia Jeluzaleme à ka zeleka-ku kamukolo, kiene kia tange Jihova dia Ilombo Ieta.

Zakadiia 10:6

Nga kà suinisa o dibhata dia Juda; nga kà bhulula o dibhata dia Zuze; anga nga kà bhangesa kuila a vutuka dingi mbata nga kà a kuatela henda; anga a kèla kala eme ki ngi di tunine-nâ, mbata eme ngi Jihova Nzambi iâ, nga kà evua muene.

II Tesalonika 2:16

Kiki-phe, Ngana ietu Jezú Kristu muène, ni Nzambi, Tata ietu ua tu zola, ió ua tu bhana o kubhua uôma ni kukondoka o malamba sè kufula, ni kudielela kuambote mu kiadi kiê,

I Timote 1:16

maji o Nzambi-phe kiene kia ngi lolokela, phala ko kuami eme ngi dikota, Jezú Kristu edikize o kuxididika kuê kuoso kua ngi kala naku. Phala o kienhiki ki xalele mu kubhana kijimbuete kua enhó oso ku pholo a kènda ni ku mu xikana muène, nʼa tambule o muenhu ki uàbhua.