Izaía 54:14 - O Mikanda Ikola

¹⁴ Nga kà ku xikika ku thanduʼa uiukilu; o kubhondalala kua kà ku kala dikanga, kuma eie kuà kala dingi ni kekenha ia kima; kimbuua ki ku bhue, kana-ku dingi kizuelu kia kà ku bhixila.

Izaía 54:14 ပူးပေါင်းရင်းမြစ်များ

Jisabhu 3:24

O kioso ki u zeka, uzeka muene sè uoma; kidi-ze, u nhoha muene, o kilu kié kʼila muene nzué!

Izaía 1:26

Hé ngi ku vutuila dingi afundixiʼé, kala kia kexe mʼukulu; ngi ku vutuila dingi jindongixi jé, kala mu xahulu; kiene kia kà ku luka exi: Diembu dia Uiukilu, mbanza ia fiiele.

Izaía 1:27

Ziione ngà ka mu kula mu kidi, osoʼalukila kua muene mu kidi, a lunga.

Izaía 14:4

Kieneʼokio o mukumbi iú ua kà uimba muene mu kuâmba sobha ia Babilonha, uixi; Mbé o kingumba lelu ki zumbukʼâ! Lelu o ungumba uabhu, o mbanza ia kembele ni ulu lelu ia budikʼâ!

Izaía 16:4

Oso atungani ami, a a balakala, enzela-u a tunge muʼaxaxi kaʼxi ié; akua Mouabhe kioso ki a oseka kuala abhundi, eie-phe kala kiá u dilengelu diâ; mbata kiluami ua-nda ku kala ni sukilu diê; o dibuikilu di sasuka hé di bhua, abhondeleki a jima mbutu kulu dia mundu.

Izaía 2:4

Muene ua kà tetuluila akua-jixi, ua kà bazela miji ia nzungule; enhá, kuila a xikina kia a bazelʼiki, jixibhata jâ a kà ji kitula matemu, jisosa jâ a kà ji kitula jimvo; ki bhua kà kala dingi ku-di-zengela jixibhata kifuxi ni kifuxi, né ku di-longa dingi kúlua ita.

Izaía 26:2

Jikulenu mabhitu, phala mu bokone kifuxi kia athu a iuka, kiene ku kuata o kidi.

Izaía 32:17

O ibundu ia kuiuka ia kà kala kutululuka; o ukalakelu ua kuiuka o kunhoha ni ku kondama mu thembu joso.

Izaía 33:18

O muẋima ué ua-nda kuxinganeka mu kulembalala kioso ki kala kimbuua, uixi: O kiki-phe musoneki iú kuebhi? O mukua kutambula lubhaku iú kuebhi? mukua kualula tuthôndo iú kuebhi?

Izaía 45:24

A kà ngi zuela kuila: Mua Jihova ngó ubhèkelele uê, muene muala o kuiuka ni kutena; a kèza kua muene; ene oso a kà mu lungulukila, sonhi ja kà a kuata; a-nda kukakuka.

Izaía 49:26

O ió a ku bhondeleka ngʼa dikila niʼxitu jâ-ene, a kà kodiua ni manhinga mâ kala maluvu; anga xitu ioso ia kejiia kuma eme ngi Jihova, ngi Mubhuludi ué, Ngi Mukudi ué, ngi Dizonda dia Jakobo.

Izaía 51:13

Anga u jimba Jihova ua ku bhanga, uoleka o maúlu iu ua xikika oxi, anga kumbi dioso dia kambàmba uizalʼé ngó kimbuua kia mubuikixi, kia di iudika phala kubuikisa? o kiki-phe, o njinda ia ió uoso ua ku tatesele, ii kuebhi?

Izaía 52:1

Phaphumuka, phaphumuka eie Ziione, u zakele uzonda ué; Jeluzaleme, u diembu diangene, zakela kuma momué nuka dingi mua ká bokona muthu kʼa mu saie mba kifusa.

Izaía 54:4

Ku kale ni uoma, mbata sonhi ki ja-nda ku ku kuata; ku kale ni jisonhi, mbata kua-nda kukakuka; inda sonhi ioso i ua bhiti na-iu ku undenge ué ua-nda ku i jimba, môndo ua utudi ué kua-nda ku u xinganeka dingi.

Izaía 60:18

Mʼoxi ié ki mungu dingi evua-mu o kuhâma, o mu jimbambe jé ki muà kala jingùndu mba kibuika; maji o malumbu mé ua kà mʼexana Kubhuluka, o mielu ié Diximanu.

Izaía 60:21

Ene oso ku mundu ué a kà kala athu aiuka; ene a kà lundula oxi katé ku hádia ni hádia; a kà kala thangu ja ubhe ji nga phaphe eme, kikalakalu kia maku mami, phala eme a ngi ximane.

Izaía 61:10

Nga kà sangulukila kiavulu mua Jihova, muẋima uami u tanena mua Nzambi iami; mukonda ua ngi zuika ni izuatu ia kubhuluka, ua ngi vungu dibeka dia kuiuka, mukuâ ni ngàiala ua kembela ubhanga, kala dibhanga dia di-zakela ni makembu mê.

Izaía 62:1

Mukonda dia henda ia Ziione ki nga-nda ku dixibha, mukonda dia henda ia Jeluzaleme ki ngi ximbakata luua; katé ki tomboka o kuiuka kuê kala kubenha, o ubhulukilu uê uiza kala sama ia túbhia ia uama.

Izaía 9:4

Mbata o jungu ia a xinine, eie ua i bukujula, ni mbangala ia kexi mu ku a batujula na-iu o dikunda, katé ni mbasá ia mubhikixi uâ, kala mu izuua ia akua Midiiane kia a tolola.

Izaía 9:7

O kukula kua ulamba uenhú, ki kuene mbambe; o kutululuka kuê ki kuene kúbhua; ua tulama bhu kiandu kia Davidi ni ku usobha uê, phala ku u kuatesa bhu kididi, ni ku u fikidila mu kutetuluka ni mu uiukilu, tunde kiki katé ku hádia ni hádia; o muanu ua Jihova dia Ilômbo Ieta uene ua-nda ku bhanga kienhiki.

Jelemiia 30:10

Ku kale-phe ni uoma, eie mubhukʼami Jakobo, Jihova ua ki tange, eie ue Izalaiele, kana kusasumuka; kuma, tala, nga-nda ku ku bhulula ku jixi ja makanga, ni muiji ué ku ixi ia uhutile uê; anga Jakobo ua kà vutuka dingi, hé ua kà nhoha, ua kà kala muene bhua kondama; ki bhua kà kala u mu kuatesa uoma.

Jelemiia 30:20

Hé tuana tuâ tua kèla kala mu jithembu ja xahulu, o kionge kiâ kia kà di fikidila muene bhu pholo iami, hé ngi bhana kaxtiku kua ene oso a muia ni ku a bhondeleka.

Jelemiia 31:23

Jihova dia ifuẋi, Nzambi ia Izalaiele, uambe kiki: Kizuelu kiki a-nda ku ki tanga hanji mʼoxi ia Juda ni mu mabhata mê, kioso ki nga-nda kuzubhaku o ubhika ua uhutile uê, kuila: Jihova a ku zediuise, eie dibhata dia kubatula o milonga mu kidi, eie u mulundu uê ukola!

Hozeia 10:12

Kunenu jimbutu jenu ja kuiuka phala mu bhongolole ja henda; bakenu mavu enu a maxinde, kuma thembu iii ia kusota Ngana, katé muene kieza, nʼa mi nokene ima ia kuiuka kala mvula.

Zakadiia 8:3

Jihova dia Ifuẋi uambe kiki, uixi: Ziione nga kà mu vutukila. Nga kà tunga mu kaxi ka Jeluzaleme. Jeluzaleme a kà mu ixana exi: Mbanza ia ujitu, mulundu uangene ua Jihova dia Ilombo Ieta, mulundu uê ukôla.

Zakadiia 9:8

Anga inzu iami nga kà i xitila mu jimbandu ku ifuẋi ia ita phala ki bhu bhite muthu mba u vutuka; phala o nguma mukua ku a bhondeleka, ka a bhite dingi ku thandu; mukonda o kiki nga di muena-kiu ni mesu mami.

II Phetele 3:13

Maji etu-phe, tua kinga, uila kia bhana Nzambi muène o kizuelu, maúlu mʼobhe, ni oxi iʼobhe, muà tunga ubatuilu ua kuiuka.