Izaía 54:13 - O Mikanda Ikola

¹³ Anʼé oso a kala maxibulu a Jihova; o kutululuka kua anʼé kua kà di-xala.

Izaía 54:13 ပူးပေါင်းရင်းမြစ်များ

Jisálamu 119:165

Kutululúka kuavulu ku kala kua ió oso a zola o ngonge ié; phala ene, kana-ku kima ki tena ku a diangula.

Jisálamu 119:33

Ngi longe, u Jihova, o njila ié kioso ki ua i xinda, eme ngi i kuate muene katé ku ia suku.

Jisálamu 147:14

Muene ua ku bhana o kutululuka katé kua suku o mbambe ié, muene ua ku bhana o kuikuta ni tiliku ia fina.

Jisálamu 71:17

Eie, Ngana Nzambi, ua ngi longo tunde mu undenge; katé bhu ngezʼabha, mukumbi uami u ngene mu tanga, o kukalakala kué kua madiuanu.

Izaía 11:9

Ka kà bhanga-mu kiaiibha mba phulu ioso-ioso, mu mulundu uami uoso, u nga kôlesa; mukonda oxi ioso ia kèzala ni kuijiia Nzambi, kala o menha kiezalesa kalunga.

Izaía 2:3

Miji iavulu, ia kèza anga ia kà zuela: Zenu tu bande ku mulundu ua Jihova, kuʼbhata dia Nzambi ia Jakobo, phala a tu longese kioso kiene o jinjila jê, nda tuendele mu jihoka jê; mbata kitumu kia kà tunda mu Ziione, maka ma Jihova ma kèjiia mu Jeluzaleme.

Izaía 26:3

Eie, Jihova, uoso ua te muẋima ua tenena kokué, eie ua kà mu bhaka ni kutululuka kua kidi, mukonda muene ua ku dielela eie.

Izaía 28:9

O kiki-phe unjimu a u longa nanhi? Kima kia dʼivisa kiá, kia tokala ku kʼijidisa dingi mukuahi? Ió uoso uasumuka kiá ku lete, inga uoso a mu thathumuna ku mele a mamʼâ?

Izaía 29:24

O oso a tondala mu nzumbi, ia ela kuengi, a kà tambula kilunji; o akua kulongolola, a kèjiia ulongelu, kuma a kà xikina kiá ku a longa.

Izaía 48:18

Uaué! Tamanu ua bhele mátui ku ijila iami! O paze ié ieje kuila kala ngiji, o kulunga kué kueje kuila kala mabhuku ma Musanza ua Kalunga.

Izaía 50:4

Jihova Nzambi ua ngi bhana dimi dia uanji, phala uoso ua bhuila ngʼijiie ku mu tela tumaka tua mbote tu mu nhohesa bhu thembu ia tokala; muene mukua ku ngi phaphumuna imene ioso, uphaphumuna dítui diami ni dʼivue, kala ki kala a-di-longi.

Izaía 54:12

Nga-nda ku ku bhangela jinjanena ja kidistalo, o mabhitu mé ue ma matadi a phelu ia nzaji, o mbambe jê joso jà kala ja matadi a lekujuka.

Izaía 55:12

Mbata enu mua kà katuka ni kusanguluka, anga a kà mi endesa ni uembu; o milundu iònene ni iòfele ia kà dikola ni kutana bhu pholo ienu, o miẋi ioso ku mukáu ia kà bhabha jimbanda;

Izaía 66:12

Mbata Jihova uambe kiki: talesaze, nga-nda ku mu sanzumuina o kutululuka ku thandu diê mukuâ ni ngiji, ngi mu lunduluila ue o fuma ioso ia akua-jixi mukuâ ni honga ia ẋamujuka ni menha; kienhokio mua kʼámua kala kamona bhu jihata, a mi ambatela bhu maku, a mi lela bhu jihata.

Jelemiia 31:34

Ki kua kà kala dingi muthu u longa mukuá, mba muthu uambela phangiʼé, kuila: Ijiia Jihova; mukonda ene oso a-nda kua kà ngʼijiia, tundé ku monʼa-ndenge mudiʼâ katé ku muadiakimi, Jihova ua ki tange. Mukonda nga-nda kuloloka o ikuma iâ, o ituxi iâ ki nga kà i xinganeka dingi.

Jelemiia 33:6

Maji tala-ze, nganda ku bheka ku thandu diâ, kudisanza ni kuiluka anga ngʼa saka muene, anga ngʼa tukuluila jinzungule ja kutululuka ni ja kidi.

Izekiiele 34:25

Hé nga kà ta na-ju kikutu kia paze, o iama iaiibha mu ngongo nga kà i zubha-mu, o jene hé ja kà tunga ni kukondama mu kikangalakata, hé ja kà zekʼé muene mu matutu.

Izekiiele 34:28

Ki ja-nda kukituka dingi mbole ia uiii ua akua matumbu, mba ji diua dingi ku iama ia ngongo; hé ja kà tunga ni kutululuka kua soko, ki bhu kala dingi muthu u ji sasumuisa.

Izekiiele 37:26

Anga nga kà ta-nâ kikutu kia uembu; kiene ue kia kà kala kikutu ki nangenena; nga kà a phapha muene, nga kà a sokolola, o kididi kia dibhezelu diami hé nga kà ki tula muʼaxaxe kâ katé ku hádia ni hádia.

Hozeia 2:18

Mu kizuua kiná o mahamba mê nga-nda ku a tesela kikutu ni iama ia mukáu, ni jinjila ja bhulu, ni iama i huhutila bhoxi ku mavu; o mufula ni xibhata ni ita nga kà i buikisa-ku mu ngongo ioso. Anga ene nga kà a zekesa muene ni kukondama kuoso sé muthu ku a kuatesa uoma.

Mikeia 4:2

Kua kʼàia muene miji iavulu, exi: Izenu, tu bandienu ku mulundu ua Jihova, ku dibhata dia Nzambi ia Jakobo. Muene nda a kà tu longe o jinjila jê, etu phala tuendele mu jihoka jê. Mukonda o kitumu hádia ki tunda mu Ziione, o maka ma Ngana ma kà tunda mu Jeluzaleme.

Zakadiia 10:7

Anga akua Ifalaíme a kà di bhanga iiala ia mazonda; o muẋima uâ ua kà sanguluka muene kala muthu Uanu vinhu; o mu ku ki mona, anʼâ a kà sanguluka; o muẋima ua kà kala ni kutana mua Jihova.

Matesu 16:17

Jezú u kumbulula, uixi: Eie ua zediua, Ximá dia Jona! Mukonda o kidi kienhiki eie kua kʼijidila ku xitu ni manhinga, maji a ku bhana-kiu kuala Tata iami uene mu diulu.

Luka 24:45

Bhenhobho anga u a jikula o ilunji, mu kutetulukila o kuívua kiambote o Madivulu a Ngana, uixi:

Nzuá 16:33

Nga mi ambela imʼiíi phala enu ki mu kala kumoxi ni eme, mu kale ni kutululuka ko kuami. Mu ngongʼumu mua-ndu kala ni hadi, maji kuatenu-phe muanu, ngongo iíi eme nga i tolola kiá.

Nzuá 6:45

Kiôsoneke mu divulu dia Jipolofeta, exi: Ene oso à kala òlonge kua Nzambi. Kienhiki, uoso uevu kua Tata, iu ua di longo kiá kua muène, uiza ko-kuami.

Jipoxolo 2:39

Kuma o kizuelu kiê kia bhana, kia mi tokala enu, ni anʼ enu, ni oso ala ku makanga, oso kiá a kà exana kuala Nzambi, Ngana ietu.

Loma 14:17

Kuma o Utuminu ua Nzambi ki ua kudia ni kunua, maji ua kuiuka, ni kutululuka, ni kusanguluka ku bhana o Nzumbi Ikôla.

Loma 15:13

O kiki Nzambi mukua ku tu bhana o kudielela, a mʼ izalese ni ngalasa ni paze, mu kuxikana ku mua mu xikana Muène, phala o kudielela kuenu kuende ni kukula dingi mu nguzu ia Nzumbi Ikôla.

Loma 5:1

Kia tu xikina Nzambʼ iki mu kuxikana, tuala ku paze ni muène mukonda dia Ngana ietu, Jezú Kristu.

I Kolindo 2:10

Maji etu-phe Nzambi ua tu tukuluila-iu kua Nzumbi iê. Kuma o Nzumbi u tungulula ima ioso, katé ni ima ia zongo ia sueka Nzambi.

Ngalásia 5:22

Maji o ibundu iima o Nzumbi-phe, henda, ngalasa, kutululuka, kuxididika, kulenduka, kubhanga mbote, kukala fiiele,

Efezo 4:21

Kuzuela o kidi, enu mu evu kioso kia mu tanga jinga, o ki mua bokona mu kisangela kiê, mua di longo o kidi, kiene mua Jezú.

Filipe 4:7

Bheniobho o kutululuka kua Nzambi kua somboka o kitongoluelu kioso kia muthu, kuanda ku mi bateka miẋima ni ilunji, mu ukamba ni Kristu Jezú.

I Tesalonika 4:9

O kia kukala ni henda ia jiphange a xikana, ki mu bhingi ngó muthu ku mi sonekena-kiu. Mbata enʼuenu mua di longo kiá kua Nzambi o ku di zola mudienu.

Jihebeleu 8:10

O kikutu-phe hinu ki nga kà ta ni mundu ua Izalaiele, eme ngi Ngana, izuua ieniʼoio,—kia kà kala kiki: Nga kà ta o ijila iami mu thulu iâ, anga nga kà i soneka mu miẋima iâ. Eme nga kà kala ngi Nzambi iâ, ene a kà kala mundu uami.

Jihebeleu 8:11

Kà kala dingi mu kuila muthu ulonga mukua diembu diê, mba u longesa pange iê, a tungu-nê, uixi: Ejiia Ngana. Kuma ene oso a kà ngʼijiia, tunde ku ndenge katé ku dikota.

I Nzuá 2:20

Maji enu-phe Kristu ua mi lunduluila o Nzumbi Ikôla ku thandu dienu, enu muejiia enhoso o kidi.

I Nzuá 2:27

Maji enu-phe Kristu ua mi lunduluila o Nzumbi Ikôla ku thandu dienu. Kiosuʼiki ió mua mu tambula kua muène ua tungu moxi dienu, ki mua bhingi dingi muthu ku mi longa. Mukonda o Nzumbi Ikôla muène u longa mu ima ioso, kuma muène o kulonga kuê kua kidi ki kua makutu, kana. Kala kiki, kioso kiá kia mi longo o Nzumbi Ikôla, ʼkiene ki mu kuata, mu jijile o kudiongeka ni Kristu.