Izaía 54:11 - O Mikanda Ikola

¹¹ Eie, mukua-hadi, u muthu ua takujuka ku mabhuku, mukua kikote! Talesa-ze, kuma o matadi mé ngi ma sokeka ni makembu moso, anga ngi ku xikika ku disesa dia matadi ma safídia.

Izaía 54:11 ပူးပေါင်းရင်းမြစ်များ

I Jisobha 5:17

Sobha anga utuma kuila eza ni matadi a makota, ni matadi ate kiavulu, ni matadi a kuseta phala kuta o disesa dia Tembulu.

I Jisobha 6:30

O bhoxi ue uaxiia-bhu ni ulu, ni moxi ni kukanga, kutale mu tembulu, uixi mu dibhezelu.

I Malunda 29:2

Eme-phe, ni nguzu iami ioso, nga iudika kiá phala inzo ia Nzambi iami, ulu phala ikalakalu ia ulu, phalalata, phala o ikalakalu ia phalata, kobidi, phala o ikalakalu ia kobidi, ni felu, phala o ikalakalu ia felu, ni miẋi ia thungu, ni matadi a saldonika, ni matadi osete, ni matadi a kusokejeka, ni matadi oso a fina, ni matadi a nzungule a málmole.

II Malunda 3:6

O inzu iene ue anga u i kembesa ni madiiamande; o ulu-phe, o ulu ió ua Palavaíme.

Jobe 28:16

O ku ta kuê ki ku xikina ku ku sokesa ni ulu ua fina ua Ofidi, mba o matadi a te kiavulu a onixe, mba a safídia.

Jisálamu 34:19

Uaiuka u mona jiphaxi javulu; maji o Jihova-phe u mu kudila mu jiphaxi jê jene joso.

Makatukilu 2:23

Mu kubhanga-phe izuua iavulu, muenexiʼa Ijitu u fua; anʼa Izalaiele anga a kema mukonda dia ubhika uavulu, a dikola, o kudikola kuâ anga ku banda kua Nzambi, mukonda dia ubhika uavulu.

Makatukilu 24:10

anga a mona Nzambi ia Izalaiele, kala inama ua i tula ku mateia ma azulu, mukuâ ni matadi ma safídia, mesu a bhitakena kala uala mu tala o diulu.

Makatukilu 3:2

Mukunji ua Jihova anga u mu tukulukila mu mulengu ua túbhia, ua uamena mu kaẋi ka kisasa; sui, kuala Mozé, o kisasa kia uama túbhia, maji o kisasa ki kia mu jokota.

Makatukilu 3:7

Jihova anga u zuela dingi, uixi: Nga mono kidi muene o phaxi ia ifuẋi iami iala mu Ijitu, ngevu o kudikola kuâ, mukonda dia abhondeleki ala ku a bhikisa kiavulu; mukonda eme ngejiia o malamba mâ.

Mukumbi ua Mikumbi 5:14

O maku mê medi kala malenge ma ulu, a a sokeka ni ditadi dia jasindu. O mala mê ni thulu iê a zele kala mazu ma nzamba ezala ni matadi a jisafídia.

Izaía 14:32

O jiphunga ja tundu ku mundu-phe, tu a vutuila kiebhi? A vutuile kiki: Jihova ua tunga Ziione, nda o jihukunhi ku athuʼê, muene mua sanga o dilengelu.

Izaía 28:16

Kala kiki, Jihova dia Ilômbo Ieta uambe, kuma: Talesa, nga xikika ditadi mu Ziione, ditadi di zubha o phata, ditadi diate kiavulu, diene di kuatesa bhu thungi, nga di xikika dia kuata dia kolo; uoso u xikana ka kale ni kisuka.

Izaía 44:28

Anga ngi tanga Silu kuila: Muenhó kabhila kami, muene ua kà kumbidila o vondadi iami ioso ia ngi uabhela; ngambela ue Jeluzaleme ngixi: Tunga-soma; o Tembulu, ue, ngixi: Tunga dingi o madisesa mé!

Izaía 49:14

Maji Ziione, uixi: Jihova ua ngʼehelela kiá, Ngana iami ua ngi landuka.

Izaía 51:21

Kienhiki-phe, ivua-ze koko, eie ua bhondalala, ua kodiua, maji ki kukodiua kua vinhu.

Izaía 51:23

Inda nga kà di tula bhu maku ma ió a ku tatesele, ambelele o muenhu ué, xi: Bhetama, tua-nda kubhita ku kunda dié; anga eie u ta dikunda dié kala mavu ma kudiata, kifua mbambe ni njila phala jingenji.

Izaía 54:12

Nga-nda ku ku bhangela jinjanena ja kidistalo, o mabhitu mé ue ma matadi a phelu ia nzaji, o mbambe jê joso jà kala ja matadi a lekujuka.

Izaía 54:6

Mbata Jihova ua ku ixana kala muhatu a mu ambudisa, iu uene ni kikote ku muẋima; kala muhatu a tundu-nê undenge; ia a mu ehelela, kiene kia zuela Nzambi ié.

Izaía 60:15

Bhu kididi kia ku kuehelela, ni ku ku buakulula bhua ku tula, kia bhingi ki bhu kexile u bhita momué, eme-phe nga kà ku bhangesa kukala ni kuzangalala ku nangenena, kutana muene, kutunda muiji kuiza muiji.

Jelemiia 30:17

Mukonda o kudisanza kué nga-nda ku ku vutuila-ku anga ngi saka o itoto ié, eme ngi Jihova, kuma ala ku kuixana: Na kahukunhu, ni kuila exi: Na Ziione, mukonda ka moneka dingi muthu u muʼibhula.

Kuditenda 1:21

Athu ia evua muene kioso ki ngala kukema, maji o u ngi konda malamba ka moneka; jinguma jami joso kievu o jiphaxi joso ji ngala kubhita na-ju, a tana-phe, mukonda kima kia ngi tundu kokué eie; maji, kioso kia kèza o kizuua ki ua tangeʼokio, ene ua bhu ngatelʼabha hiun eza-bhu.

Izekiiele 1:26

O kuthandu dia muthandu ua kexile kulu dia mítue iâ, kua kexile kima kia di-fuangana kala kiandu, kiedi kala tadi dia safídia; o kuthandu dia kiandu kua kexile kala kidifua kia muthu, ua di-nenge kuthandu diê.

Izekiiele 10:1

Kienhokio-phe ki nga tale nga mono kuila ku diulu dia kexile ku thandu dia mítue ia jixelube kua tukuluka ku thandu diâ, kima kala ditadi dia Safídia, kia moneka kala kídifua kia kiandu.

Mikeia 7:11

Dikumbi di dʼiza di nga kà tona kutunga dingi o imbaka iê, mu kizuuʼokio o ngonge ia kà kala hanji dikanga.

Matesu 8:24

Talesa-phe, ku balumuka kitembu kiavulu mu kizanga, katé mabhuku eza ku thanduʼ a bote. Muène-phe uaiê ku kilu.

Nzuá 16:33

Nga mi ambela imʼiíi phala enu ki mu kala kumoxi ni eme, mu kale ni kutululuka ko kuami. Mu ngongʼumu mua-ndu kala ni hadi, maji kuatenu-phe muanu, ngongo iíi eme nga i tolola kiá.

Jipoxolo 14:22

Ene anga a kala mu kukolesa o miẋima ia jixibulu ni ku a longesa kujijila o kuxikana. A kala ue mu longa kuma tu bhinga tu bokona mu Utuminu ua Diulu mu kubhita ni malebhu mavulu.

Efezo 2:20

Enu muedi kala mu inzo iotunge. Mua tunguiua ku thandu dia disesa dia te o Jipoxolo ni Jipolofeta. O Kristu Jezú muene o ditadi dia dikota dia kuatesa bhu thungi ku inzu ienʼ iii.

Matendelelu 31:17

Mu kizuua kienʼokio bhene-phe kiá bhua-ndu uamena o kutema kuami, anga ngʼa ehelelela, pholo iami ngi i lungisa kiá kuengi, phala a a jikinise; a-nda kutala hadi ni jiphaxi javulu, anga a kʼèla: O hadi ioso iii ia tuʼijila mukonda Nzambi ietu muʼaxaxi ketu kʼala-mu, ki kiene?