Izaía 53:12 - O Mikanda Ikola

¹² Mukonda dia kiki, nga-nda ku mu katuila dikânda diê ku athu a vulu, sumbala muene ua-nda kuuana o madibhundila kumoxi ni mazonda; mbata ua lundulula o muenhu uê muʼalunga, a mu bundile kumoxi ni ifumbe; maji muene ua di tuika o ituxi ia athu avulu; iú uala kudiondela akua-ituxi.

Izaía 53:12 ပူးပေါင်းရင်းမြစ်များ

Dimatekenu 3:15

Nga-nda kuta unguma bhu kaẋi ké eie ni muhatu, ni bhu kaẋi ka mbutu ié-eie ni mbutu iê-muène; muene ua kà ku bula o mutue, eie ua kà mu numata o kasende.

Jobe 30:16

O kiki, muenhu uami ua mu ngi zunzumuka moxi, izuua ia dilamba ia ngi kondo!

Jisálamu 2:8

Ngi bhinge, phalʼeme ngi ku bhane akua jixi ku avua, a kale undundu ué, katé ku maẋokololo mu ngongo.

Jisálamu 22:14

Nga ẋamuka kala menha, ifuba iami ioso ia ngi sokomoka; muẋima moxi ua ngi botomoka, ua sengumuka muene kala sela.

Makatukilu 15:9

Kuala o nguma: Ngi kaia, ngi kuata, tu uane o mbole; nga kà a bhanga kia ngi kala ku muxima katé kia kumu; xibhata iami ngi i tomona, o lukuaku luami lua kà a buikisa.

Izaía 49:4

Eme-phe, ngixi: Nga tale ngó hadi mu ku kalakala, nguzu iami nga i zange mu kingoho, i ia di-boto. Maji né kieneʼokio, kulûnga kuami kuala kua Jihova, o kisakidilu kiami kiala ni Nzambi.

Izaía 52:13

Talesa, Selevende iami ua-nda ku kalakala ni unjimu; a-nda ku mu zangeleka anga u banda ditala dia kota dia kijingo.

Izaía 52:15

Mu kiki, muene uà kʼeẋika ifuẋi ia ndumba ku dibônzo, o jisobha a kà jika makanu mâ mukonda diê-muène; kuma kima ka a tangelele na-kiu a kà ki mona, kima ka kʼivile luua, kia kà a jimbulukila muene.

Izaía 53:6

Etu oso tua kexi mu kuenda kala jimbudi ja jimbidila; kala muthu u di-texila ni njila iê; maji-phe o mulonga ua tu tokala etu-oso, Jihova ua mu xina-u kiá muene ku thandu diê.

Izaía 53:8

Tembu ia mu tobhesa mu kufunda, a mu fudisa o kulunga. Mu phaxi ni milonga ki bhuala ua mu katula-mu; o izuua ia muenhu uê nanhi ua-nda ku tanga? Kuma muenhu uê a u batula mu ngongo; mukonda o kitondalu kia mundu uami kiene kia mu jibhisa.

Daniiele 2:45

Kiene ki ua muena kuila ku mulundu kua bamuka ditadi, maji ki maku ma di bamuna, dieneʼdi dia sasujula o felu, ni ngôndo, ni utuma, ni phalata, ni ulu, Nzambi, Kutende uadimuna sobha, phala ku kuijidisa ima ioso hádia ia-nda kuiza ku pholo ki zubha kubhita iosuʼiii; o nzoji ia kidi, o dijimbuluilu diê dia kidi.

Matesu 26:42

Anga lua kaiadi dingi uia, u samba, uixi: Tata iami, se kia bhingi kuila dikáu dia phaxi didi ki di tena ku ngi somboka, katé ki ngi di nua, kioso ki ua solo Eie ki bhite.

Marku 15:27

Anga a mu-ta kumoxi ku makulusu ni ifumbe iiadi. O iú ku madilu, o iu ku kiasu. [

Marku 15:28

Anga ki bhita kala kiosoneke mu Madivulu a Nzambi, exi: Muene a mu bundu kumoxi ni ingumba.]

Luka 22:37

Mukonda ngi mi ambela, kima kiosonekeʼ okio mu Mikanda Ikôla, kia bhingi ki bhita muene, kuma exi: Muène a mu bundu kumoxi ni ingumba. Eme-phe, ngi mi ambela kuma, ima ioso iíi ia bhingi ngi bhita na-iu, mbata iene ioso ia ngi tokala, iòsoneke, ia-nda ku di kumbidila.

Luka 23:25

Anga ueha iú a mu tele mu ʼaleia mukonda dia kubaluka ni kujibha, kuma muène a mu bhingi. O Jezú u mu bhana mu ku mu bhanga o vondadi jâ.

Jipoxolo 26:18

Phala ua kà a tonese mesu, a xie mua vundu, a biluke ku mukengeji, a tunde mu ubhika kua Satana, eze kua Nzambi. O mu ku ngi xikana eme, a tambule muloloko ua ituxi iâ, mbé a kale kiá muʼ axaxe ka kibuka kia athu a Nzambi òsole.

Loma 8:34

Nanhi dingi u tena kua êlesa? Muène Kristu Jezú ua fuile, mba inda ngambe ngixi, ua fukunuka mu ʼalunga, kiki iú uala ku madilu ma Nzambi muène, mu ku tu diondela.

II Kolindo 5:21

Kristu kia kexi, ka moneka kituxi, maji Nzambi ua mu tambuisa mbandu ku ituxi ietu, phala etu, mu kisangela ni Muène, tu tambule uetu mbandu mu kulûnga kua Nzambi.

Filipe 2:17

Kuma sumba anda ku ngi zunzumuna o manhinga, o muenhu uami anga a u bhana kala sata iòbhakuile kua Nzambi mukonda dia kuxikana kuenu. O kieniiki se ki bhita, eme ngi ki tanena, hé ngi sanguluka kumoxi ni enu oso.

Kolose 2:15

O jinguzu ja maukota ni maungana ji fudisa mu nzumbi, Kristu ua ji tolola, ku dikulusu diê. O maukota ni maungana enhó a fudisa mu nzumbi, iú ua a bhake mu kanga ni ku a tadika ku jisonhi kioso kia kola o kikoue ku dikulusu dienhodio, ni ku a bhanga jihutile jê.

Tito 2:14

Muène muthu ua di bhele bhu kididi kietu, mu ku tu kula ku mangonha, ni ku tu zelesa, ni tu kale tu mundu uê ua ngene, mundu ua suina mu kubhanga ima ia mbote, ua mu tokala muène.

Jihebeleu 12:2

Tu jizienu ni kusuua ngó Jezú, kuma muène o musonguedi ua kuxikana kuetu, tundé bhu dimatekenu katé bhu dizubhilu. Kala muène mu kusuua o ngalasa ia mu idikiza, ua kolokota ni dikulusu, ua tende o sonhi, o kiki ua xikama ku madilu bhu kiandu kia Nzambi.

Jihebeleu 7:25

Uila kiki, muène ua soko-bho kubhulula katé kia zubha, ene oso ejiia kua muène, ni a bhixile kua Nzambi. Kuma Jezú ua kalé kiá ku muenhu mu ku a diondela jinga.

Jihebeleu 9:24

Kuma Kristu ka bokona mu Kididi-Kikôla kiokalakale ku maku ma athu, ki fikisa ngó mu kidi o Kididi-Kikôla. Maji ua bokona muene ku kidi mu diulu, iú ua tu imanena kindala bhu pholo ia Nzambi mu ku tu diondela.

Jihebeleu 9:26

Hé kiene, hinu ueji ku tona jinga luavulu o kutala hadi tundé ku dimatekenu dia ʼxi. Maji inda o muène ua tukuluka lumoxi-elêle kunu kua suku o jithembu, phala kukatula o ituxi ni sata ia mukutu uê muène.

Jihebeleu 9:28

Kiene ue, Kristu kia di lumba lumoxʼ iki kala sata, mu kukatula o ituxi ia mundu. Hádia ua kà tukuluka lua kaiadi, kana dingi mu kufuila ituxi, maji phala kubhulula ió oso ala ku mu kinga muène.

I Nzuá 2:1

Tuana tuami, tata, nga mi sonekena imʼiii phala ki mu te ituxi. Se bhu kala muthu-phe u ta kituxi, sai Mubhângedi uetu kua Tata, Jezú Kristu, Muthu ua kuiuka.

I Nzuá 2:12

Enu tuana tuami, nga mi sonekena, mukonda o ituxi ienu ièloloke mu dijina dia Kristu.