Izaía 52:8 - O Mikanda Ikola

⁸ Ivua dízui dia alangidiʼé, iá kola, a mu tanena kumoxi; mbata a-nda ku ki mona mesu ni mesu, kioso Jihova kia kà vutuka dingi mu Ziione.

Izaía 52:8 ပူးပေါင်းရင်းမြစ်များ

Jisálamu 102:22

kioso kia kà bhongoloka o mundu ua di muange, ni ilômbo ioso phala kubhikila Jihova.

Mukumbi ua Mikumbi 3:3

Kienhokio alangidi a kexi mu langa mbonge, a ngi sange; eme hé nga ebhula, ngixi; O ió a mu zola kuala o muenhu uami, enu mua mu mono?

Mukumbi ua Mikumbi 5:7

Alangidi a kexile mu kulanga o mbonge, a ngi sange, a ngi beta, a ngi kuama. O thanga iami, akua kulanga imbaka, a ngi katula-iu.

Izaía 24:14

Iá a-nda kuzangula dízui diâ, anga emba ni ngalasa; a-nda kuta nzôngo, tunde ku musanza, mukonda dia fuma ia Jihova.

Izaía 26:1

Mu kizuuʼokio mʼoxi ia Juda à kala mu kuimba mukumbi iú exi: Tuala ni mbanza ia di-fikidila! Nzambi ua i bhana ubhulukilu, ua di bhange malumbu ni imbaka!

Izaía 27:2

Mu kizuuʼokio, bhua-ndu kala díbhia dia mivide ia vinhu ila nguí; anga a kèla, exi: Enu, muʼimbidienu!

Izaía 30:26

O mueji ua mbeje ua kà soka ni muanha, o muanha uene ua kà di bandekeza lusambuadi mu kútua, mukuâ ni muanha ua sambuadi dia izuua ua di lunjika kumoxi; kiki ki bhita bhu kizuua kia Jihova, kia-nda ku sokejeka o mundu uê ua budijika, ni kia tumba o kilônda kiâ.

Izaía 35:10

O jihule ja Jihova a kà vutuka, hé a kèza mu Ziione ni kuimba mimbu ia kutana; o kusanguluka, ki kuene kúbhua kua kà kala ku mítue iâ, a kʼèzala ni kutana ni kusanguluka, o dilamba ni mikemu ia kà a lenga kiá!

Izaía 40:9

Eie, tata u muboke-a-njimbu iambote kua Ziione, banda-phe, ku mulundu ua di leka. Eie, tata, u muboke-a-njimbu iambote kua Jeluzaleme zangumuna dízui dié ni nguzu ioso; zangula-diu muene, ku kale ni uoma, u tangele o madiembu ma Juda, uixi: Talesenu, Nzambi ienu iú bhabhʼú!

Izaía 48:20

Tundenu mu Babilonha, muʼaxaxi ka akua Kaldeia lengenu-mu. Kolenu-kiu ni nzôngo ia kikóue; kiki ivisenu-kiu, mu ki ambate muene katé kua suku oxi, muexi: Jihova ua kula selevende iê Jakobo.

Izaía 56:10

Alangidiʼâ oso ala ifofo, kʼejiia kima; a di bhange jímbua ja mabubu, ja lémbua kubuza; jaii ku kilu, ja zeka, ja uabhèla kubôua.

Izaía 58:1

Dikole ni dízui dia suina, ku dixibhe, zangumuna dízui dié kala koloneta, uidikize athu ami o kikuma kiâ, o dibhata dia Jakobo ue idika-diu o ituxi iâ.

Izaía 62:6

Jeluzaleme, tata, nga tula-ze alangidi ku thanduʼa imbaka ié, enhá muanha ni usuku ka tena kudixibha; enu mu akua kutumbula Jihova, momuenu ki mu kale ku dixibha;

Jelemiia 31:12

Kienhiki-phe, a kèza hé a kà sanguluka bhu ditala dia Ziione, a kà lengela ku mbote ia Jihova, ku tidiku ni ku makúnua, ni ku maji, ni ku tumbudi, ni tungombe; anga muenhu uâ ua kèla kala jindombe jʼòtekele, ki mungu dingi enda ni mukondo.

Jelemiia 32:39

Anga ngʼa bhana ene oso muẋima umoxi, ni njila imoxi, nʼa ngi kuatela uoma izuua ioso, phala mbote iâ ene ni mbote ia anʼâ, a-nda ku a bhingana.

Jelemiia 33:11

Hanji a-nda kuívua-mu o mbimbi ia kukemba, ni mbimbi ia kusanguluka; mbimbi ia ngaiala, ni mbimbi ia dibhanga; ni mbimbi ia iá a mu tanga, exi: Ximanenu Jihova dia Ifuẋi, kuma Jihova mukua mbote, mukonda o kulenduka kuê ki kuene kúbhua; ni mbimbi ia iá a mu kuiza mu ku bheka diximanu monzo ia Jihova; mbata o kikexilu kia ixi nga-nda ku ki lungulula uila ku dimatekenu, kiene kia tange Jihova.

Jelemiia 33:7

Nga kà songolola uhutile ua Juda ni uhutile ua Izalaiele, anga nga kà a tunga dingi kala ku dimatekenu.

Jelemiia 6:17

Nga mi tela ue alangidi, ngixi: Ividilenu dízui dia koloneta: ene-phe exi: Ki tua-nda kuividila.

Izekiiele 3:17

Eié monʼa muthu: Eme nga ku bhana u kale u mulangidi ua dibhata dia Izalaiele; eie uenda ni kuívua o maka a tunda mu dikanu diami, anga ku mbandu iami uenda ni ku a dimuna.

Izekiiele 33:7

Eie-phe, monʼa diiala, tata, nga ku bhange u mulangidi ua dibhata dia Izalaiele; eie ua-nda kuívua jinga o kizuelu kia dikanu diami, anga ku mbandu iami ua kà a dimuna.

Sofoniia 3:9

Kuma kienhokio-phe ifuẋi ioso nga kà i bhana mizumbu ia zele, phala ene oso a tene ku hingila o dijina dia Jihova, phala ene oso a mu bhikile ni muẋima umoxi.

Zakadiia 12:8

Bhu kumbiʼodio Jihova ua kà ongeka iá a tunga mu Jeluzaleme; o uoso ua tolo nguzu mu kaxi kâ, bhu kumbi dieneʼodio ua kà kala mukua ni Davidi; o dibhata dia Davidi dia kèla kala Nzambi, mukuá ni anju ia Jihova bhu pholo iâ.

Jipoxolo 2:1

Kizuua kia Pendekoxi ki kia zubhile kubhiẋila, ene oso a kala bhu kididi kimoxi ni muẋima umoxi.

Jipoxolo 4:32

Kifuẋi kioso kia iá a xikana anga a kala muenhu umoxi, ni muxima umoxi. Kana-bhu muthu ua tena kuila ku jimbongo jê u jijila-ku kimbamba kuma kiê-muène, maji ene oso a kala ni ima ioso mu kisangela, anga enda ni ku di uanena na-iu ene oso mudiâ.

I Kolindo 1:10

Nga mi diondo-phe, jiphange, mu dijina dia Ngana ietu Jezú Kristu, kuila mu dʼivua jinga kiambote mu kuzuela, ki mu kale mu kudiuana-uana ku ibuka-ibuka mudienu. Inda mu kala kumoxi kiambote mudienu, mu kala ni kilunji kimoxi, mu fika kiene kimoxi.

I Kolindo 13:12

Ki tualʼ iki tu muena mu lumuenu lua fefetela, maji kithanganʼ okio-phe tua kà mona pholo ni pholo. Kiki ngejiia ngó mbandu, kienhokio-phe nga kèjiia kiambote, uila eme-muène ki a ngʼ ijiia kuala Nzambi.

Jihebeleu 13:17

Enió oso a mi kala ku pholo a tumakienu, mu itaie ioso ia mi mesena ku bhanga. Kuma ene a mi lange o mienhu ienu, mbata athu a bhinga hinu a kà ki bhela konda kua Nzambi. Se enu mu a tumaka, ene o kikalakalu a ki bhanga ni ngalasa, kuma se o kikalakalu a ki bhanga ni malamba, enu ki kala kima kia kuxixima kuenu.

Dijingunuinu 18:20

Eie u diulu, mu olele, mukonda dia kusenguluka kuê! Ni enu oso mu akua-Ngana, mu jipoxolo, mu jipolofeta, mu oledienu! Sangulukenu, kuma Nzambi ua batula! Mu ioso ia mi bhange, ua mi bhela-nê kaxtiku!

Dijingunuinu 19:4

Bhenhobho o makuinhi aiadi a kikulakaji ni iuana, ni iama iuana ia muenhu, anga a di bhala, a bheza Nzambi ua xikama bhu kiandu, exi: Amén! Ximanenu Nzambi!