Izaía 52:6 - O Mikanda Ikola

⁶ Mukonda dia kiki, o mundu uami ua kʼèjiia dijina diami, mu kizuua kiná; kuma ememuène nga-nda kuila: Emeʼamiʼú.

Izaía 52:6 ပူးပေါင်းရင်းမြစ်များ

Jisálamu 48:10

Kala kia fumana o dijina dié, Ngana Nzambi, kiene ue kiende o diximanu dié, katé ku maẋokololo a jixi; o lukuaku lué lua kúdia, luezala kubatula kua kidi.

Makatukilu 3:13

Mozé anga u ambela Nzambi, uixi: Ki ngalʼiki-phe, ki ngiia ku anʼa Izalaiele ni nga kèla kuma Nzambi ia jitata jenu ua ngi katula iú ua ngi tumu kokuenu, ene-phe kia kà ngʼibhula exi: Muene o dijina diê nanhi? Nga kêla kiebhi?

Makatukilu 33:19

Uixi: Nga-nda ku bhangesa kuila kuuabha kuami kuoso ku ku bhita ku pholo, hé ngi kola o dijina dia Jihova bhu pholo ié, hé ngi lendukila uoso nga tokala ku mu kuatela henda.

Makatukilu 6:3

Nga tukulukila jinga Mbalahamu, ni Izake, ni Jakobo, kala ngi Nzambi, Muteni-a-ioso; maji ka ngʼijidile mu dijina diami dia Jihova.

Izaía 40:9

Eie, tata u muboke-a-njimbu iambote kua Ziione, banda-phe, ku mulundu ua di leka. Eie, tata, u muboke-a-njimbu iambote kua Jeluzaleme zangumuna dízui dié ni nguzu ioso; zangula-diu muene, ku kale ni uoma, u tangele o madiembu ma Juda, uixi: Talesenu, Nzambi ienu iú bhabhʼú!

Izaía 42:9

Talesenu o ima iòtange mʼokulu ia bhiti; ngi mi tangela kiá ima ia ubhe, ngi mʼivise-iu kiá kiosuʼiki kiluua i tomboka ku mukengeji.

Izaía 49:23

O jisobha a kà ku sasela ana; ana ilumba a jisobha a kala iledi ié; a kà ku diundila jinga ni pholo bhoxi, a kà ku lesa jinga o fufuta ia inama ié, bhene bhu ua-nda kuijidila kuma eme-muène Jihova, oso a ngi dielela eme, ka tena kukakuka.

Izaía 60:16

Eie ua-nda kuámua o lete ia akua jixi, anga u di-dikila ni ima i tunda ku mele ma jisobha; anga u kʼijiia kiambote kuma eme ngi Jihova ngi Mubhuludi ué, Mukudi ué, muene Dizonda dia Jakobo.

Jelemiia 31:34

Ki kua kà kala dingi muthu u longa mukuá, mba muthu uambela phangiʼé, kuila: Ijiia Jihova; mukonda ene oso a-nda kua kà ngʼijiia, tundé ku monʼa-ndenge mudiʼâ katé ku muadiakimi, Jihova ua ki tange. Mukonda nga-nda kuloloka o ikuma iâ, o ituxi iâ ki nga kà i xinganeka dingi.

Izekiiele 20:44

Hé kia kà mʼindukila kiua, kuila emiʼeme ngi Jihova, kioso ki ngi mi tekujula ni henda mukonda dia dijina diami, anga ngi fula o ku mi bhanga kala kia fuama mu jinjila jenu jaiibha, ni ibhangelu ienu ia phulu, eie u dibhata dia Izalaiele, tata! Jihova ua ki tange.

Dialuilu 23:19

Nzambi ki muthu, kuila u ta makutu. Ki monʼa muthu, kuila u zuela luiadi. Kima kiambe, u kamba ku ki bhanga? Kia mu bhiti bhu dimi, u aluluka?