Izaía 52:13 - O Mikanda Ikola

¹³ Talesa, Selevende iami ua-nda ku kalakala ni unjimu; a-nda ku mu zangeleka anga u banda ditala dia kota dia kijingo.

Izaía 52:13 ပူးပေါင်းရင်းမြစ်များ

Izaía 42:1

Talesenu, selevende iami iú, nga mu fikidila eme, muthu uami nga mu solo, ua ngi uabhela ku muẋima; Nzumbi iami nga i te ku thandu diê; muene ua kà fundisa mu kidi akua matumbu.

Izaía 49:1

Ngʼivienu, mu ikolo, enu mu athu muene ku makanga batekelenu: Jihova ua ngʼixana hanji kioso ki ngala mu mala, eme hanji mu divumu dia manhiʼetu, muene-phe ua tumbula kiá o dijina diami.

Izaía 49:3

Iú ua ngʼambela: Eie u selevende iami; u Izalaiele, momué muene mu nga-nda kutambuila o fuma.

Izaía 53:12

Mukonda dia kiki, nga-nda ku mu katuila dikânda diê ku athu a vulu, sumbala muene ua-nda kuuana o madibhundila kumoxi ni mazonda; mbata ua lundulula o muenhu uê muʼalunga, a mu bundile kumoxi ni ifumbe; maji muene ua di tuika o ituxi ia athu avulu; iú uala kudiondela akua-ituxi.

Izaía 57:15

Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Jelemiia 23:5

Jihova uixi: Talesenu, kua-nda kuiza izuua, Davidi nga kà mu balumuina Mbutu ia Iuka; kuma muene sobha, ua kà tumina hé u bhanduluka kiavulu, anga u bhanga ima ia tokala ubatuilu ua kidi ni uiukilu mu ngongo

Izekiiele 34:23

Anga nga kà jʼimikina mubidi umoxi ngó u kala ku thandu diâ, muene hé ua kà jʼinga; o mubhikʼami Davidi muene ua-nda kua kà jʼinga; muene ua-nda kukituka kafunga kâ.

Zakadiia 3:8

Ivua-phe, Josuué, u nganga ia dikota, eie ni akuenu a mu xikama bhu pholo ié, kuma mu ala mu azambuidi; eme-phe nga kà bhangesa kuila mubhikʼami uà kèza, Luthangu lua Ubhe.

Matesu 28:18

Jezú anga uiza, u a ambela, uixi: O kutena kuoso a ngi bhana-ku eme, ni mu diulu, ni mu ngongo.

Nzuá 3:31

Ió ua tundu bhulu, uala ku thandu dia oso, o ua tundu bhoxi, ua tokala bhoxi, u zuela ima ia bhoxi. Uoso ua tundu bhulu, uala ku thandu dia oso.

Jihebeleu 1:3

O Mona, muène o kimuikinu kia kubenha kua Nzambi, muène ue kilomboluelu kia kidifua kiê, muène u kuatesa o ima ioso mu ngongo, ni kizuelu kia nguzu iê. O kia zubha kuzelesa athu ku ituxi iâ, iú ua xikama ku diulu, ku lukuaku lua kudia, lua Nzambi Tata Uatena ioso.