Izaía 52:12 - O Mikanda Ikola

¹² Kuma ki mua-nda kutunda ni lusolo, kana, ki mua-nda kuila kala mua lenge; mbata Jihova muene ua-nda ku mi tuamenena ku pholo, O Nzambi ia Izalaiele anga ua kà kala kuema dienu.

Izaía 52:12 ပူးပေါင်းရင်းမြစ်များ

I Malunda 14:15

Kia kà kala-phe kuila, eie kioso ki uívua o kulokosa kua mixindu ia athu a mu kuenda mu ivunda ia jimolela, tunda-phe kiá mu kúlua-nâ; mbata o Jihova ua kà tunda ku pholo iê, mu kubuidisa o kilômbo kia kifuẋi kia akua Fidíxia.

Makatukilu 12:11

Mu i dia kala kiki: Mua zuata, mua di bhadika, jihaii ku inama o mbangala bhu lukuaku; mu i dia ni lusolo; kuma iene o Phasu ia Jihova.

Makatukilu 12:33

O akua Ijitu anga a landameka o mundu, mbé a tunde mʼoxi iâ ni lusolo; kuma ambe exi: Etu oso tua-nda kúfua.

Makatukilu 12:39

Anga a kanga o jimbolo ja kambe o felemendu, ku ikose ia tundu na-iu mu Ijitu; kuma ka tele-mu luua felemendu, mukonda o kutunda mu Ijitu kifua ku a kaia, ka a bhana kithangana, ni huta ka i iudika dingi.

Makatukilu 14:8

Kuma Jihova ua kolesa o muxima ua Falaó, muenexiʼa Ijitu, anga u kaiela anʼa Izalaiele, mukonda muene ua fika kuma anʼa Izalaiele a mu baluka; manhi sai lukuaku lua nguzu lua a katula.

Izaía 26:7

O njila ia muthu uaiuka, iene ioso i sokelela kiambote. Eie, o uendelu ua muthu uaiuka, uene ku u zonga ni kuiuka kuoso.

Izaía 28:16

Kala kiki, Jihova dia Ilômbo Ieta uambe, kuma: Talesa, nga xikika ditadi mu Ziione, ditadi di zubha o phata, ditadi diate kiavulu, diene di kuatesa bhu thungi, nga di xikika dia kuata dia kolo; uoso u xikana ka kale ni kisuka.

Izaía 42:16

Anga ngi batesa o ifofo mu njila kiluua a ijiia, nga kà a bhitisa mu njila ia musanu; o kitombe nga kà ki bilula mukengeji bhu pholo iâ, o njila jala matadi nga ji iukisa. O ima ienhiʼii iene i nga-nda ku a bhanga, ki mungu dingi nga ehelela.

Izaía 45:2

Eme nga-nda ku ku tuamenena ku pholo, o jinjila jala ni jihonda ngi ji iukisa; o mabhitu ma ngôndo, nga kà ma bula, o jitiianga ja felu ngi ji bukujula.

Izaía 49:10

Ka kala dingi ni nzala, kà kala dingi ni dinhota, né muzukuta né muanha ki ua kà a kuama dingi; kuma muenhó mukua ku a lendukila, ua kà endesa, anga ua kà a batesa kilendu katé ku jifiẋi ja menha.

Izaía 49:11

Anga milundu iami ioso ngi i bhanga njila; o ikoka iami a kà i zangumuna.

Izaía 51:14

O hutile uoso a mu balakala-phe ka nangʼiê kujituka, ka kà fuila mu kaleia, lémbua; o kúdia kuê ki kuà kamba.

Izaía 57:18

Eme ngala kumona o jinjila jâ, phala ni ngʼa sake, ngʼa batesa ue, hé ngʼa bhana dingi o kukondama ni ene ni mundu uâ ua di-kuata o mukondo ua kudila.

Izaía 58:8

Kienhokio-phe kiene kia kà di-muika mukengeji ué kala kuma kuákie, o kuiluka kué-phe kuà keza lusolo; o kuiuka kué kua-nda kutuamena ku pholo ié, o kuema dié hé ku kaiela o kizunda kia Jihova.

Mikeia 2:13

Mukua kubula mazungu ua kà a diangela ku pholo: ene a kà mu kaiela a kà bokuena anga a kà tundila bhu muelu; sobha ià ua kà a tuamenena, Jihova muene ua kà a kala ku pholo.

Dialuilu 10:25

Mvela ia kibangu kia anʼa Dane anga i katuka kiua, ene kiá a sukinina ku ibangu ioso, anga a suluka ni ilombo iê; kilombo kiki ua ki kala ku pholo, Ahiiezele dia Amixadai.

Matendelelu 16:3

Bhu fesa ii kana kúdia mbolo i kala ni felemendu, sambuadi dioso dia izuua muenda ni kúdia jimbolo ja hângala, jimbolo ja dilamba, (mukonda mua tunda ni lusolo mʼoxi ia Ijito) jene ji mi lembalesa kizuua ki mua tundu ku Ijito; kienhiki nuka ki mi jimba, izuua ioso ia muenhu uenu.

Matendelelu 20:4

Mbata o Jihova Nzambi ienu muene uala kuia nʼenu mu kúlua ita ni jinguma jenu, phala ku mi bhulula.

Josuué 4:11

Kioso kia zubha kifuẋi kioso kuzaúka, ni álaka ia Jihova ue i zaúka kiua, ni jinganga ue ku mesu a kifuẋi kioso.

Josuué 6:9

Makuenze a maneka-phe, ene a tuamena, jinganga jala kuxika jimbungu a kaiela, a sukinina a kaiela ku álaka, jinganga ia enda, ia a xika.

Afundixi 4:14

Debola bhenhobho anga u ambela Balake, uixi: Balumuka kiá; mukonda o kizuua kia lelu kiene kia ku telekala Xixela bhu lukuaku lué kuala Jihova; manhi kua kʼijiia kuma Jihova muene ua ku tuamena kiá? Kienhiki Balake u kulumuka mulundu ua Tabola, ni kuinhi dia midi ia mala aia-nê kumoxi.