Izaía 51:9 - O Mikanda Ikola

⁹ Phaphumuka, phaphumuka, u maneke ukuenze, eie u lukuaku lua Jihova; phaphumuka muene kala mu thembu ia xahulu, kala ki ua bhanga jinga mu miji iòkulu. Abha, ki eie-muène ua batujula Lahabe, anga unemeka o mudikixi?

Izaía 51:9 ပူးပေါင်းရင်းမြစ်များ

Jobe 26:12

Musanza ua kalunga u u tandula ni nguzu iê, ni kutongoloka kuê, nguma u i diotela muene bhoxi.

Jobe 9:13

Nzambi ka kà fudisa kutema kuê o akuatekexi a di zangeleka a kà bhetamena muene bhoxi.

Jisálamu 21:13

Zangalala, Jihova, mu nguzu ié; etu tu kale mu ku ku imbila, ni ku ximana o uzonda ué.

Jisálamu 44:1

Etu tua kʼivila jinga mu mátui metu, Ngana Nzambi, jitata jetu ja kexe ku tu tangela o malunda, kioso eie ki ua kalakala jinga mu izuua ia ene, mu izuua ia xahulu.

Jisálamu 44:2

Kioso o lukuaku lué ki lua kaia o matumbu, a kambe kuijiia Nzambi, anga u a phapha ene bhu kididi kiâ; ni kioso akuaʼxi ki ua a takula, hé a muangana; o ene-phe, a kuata, a zande.

Jisálamu 44:23

Phaphumuka-ze, Ngana! Phala-hi, uila kala uaii ku kilu? Balumuka! Kuile kala ua tu zembelà-ku!

Jisálamu 44:24

Phala-hi pholo ié u i sueka, ki tu ku mono dingi, anga o usébhue uetu ni ubhika uetu hé u ku jimba?

Jisálamu 59:4

A di iudika muene, hé a lenga mu ku ngi kuata, eme muene ki nga bhange ngó kiaiibha. Phaphumuka! Ngana, u ngi sange, phala u ki mone.

Jisálamu 7:6

Balumuka, u Jihova, mu njinda ié; imana mu bateka ió asaluka ni ku ngi seia; phaphumuka mu ku ngi zuelela, kuma mulonga uami eie-muène ua ku tokala.

Jisálamu 77:5

Ngi kuata ku xinganeka o izuua iókulu, ngi banza muene o mivu ia xahulu, ngixi:

Jisálamu 78:65

Bhenhobho Ngana u phaphumuka kala muthu uele ku kilu, kala dizonda di dikola, dia tundu ku vinhu.

Jisálamu 87:4

Ngi tungula-bhu Lahaba ni Babilónha, ku iá oso a ngʼijiia; iala-ze! enu mu Fidíxia, ni Tilo, ni Etiiópia, a kà mʼila, exi: Iú ni iú kuene kua tundu mukonda kuene kua a vuala.

Jisálamu 89:10

Mudikixi ua mu diota-diota, kala ua mu kuamena kúfua; o nguma jé ua ji muanga-muanga ni lukuaku lué lua nguzu.

Jisálamu 89:11

Diulu dié eʼmuène, ixi ue ié eʼmuène, mu ngongo ni ima ioso iala-mu eie-muène ua i iudika.

Jisálamu 93:1

Jihova ua hingi ungana uê! Ua zuata kijîngo! Jihova ua zuata, ua di kutu uzonda: ixi ua i kuatesa bhu kididi kiê, ka tena ku i sendumuna.

Makatukilu 6:6

Kala kiki, ambela anʼa Izalaiele, kuma: Eme Jihova, mu imbamba ia mi xina akua Ijitu nga-nda ku mi katula-mu, ngi mi jituna mu ubhika uâ, ngi mi kula ni lukuaku lua sununuka, hé ngi londekeza ubatuilu ua kidi ni isunji ia makota;

Izaía 27:1

Mu kizuua kienhókio, Jihova ua kà sunga xibhata iê ia kolo, iónene, ia nguzu, iene ia kà bhana na-iu o njumbu kua Leviatane, o kinhoka ki lenga lusolo, ni kua Leviatane, muene kinhoka kia di jinga lukata, anga o mudikixi uene muʼalunga ue, nʼa u jibhe.

Izaía 30:7

Kuma Ijitu ua-nda ku a banda ngó makutu; ka a bhandulula kima; o kienhiki nga ki kola kiá, ngixi: Inda mu ku di xibha, muene muala o nguzu ienu.

Izaía 51:17

Phaphumuka, phaphumuka, u balumuke, Jeluzaleme, tatʼeie! Uanu dikáu dia njinda ia Nzambi, dia tundu bhu luakuaku luê; dikáu dia kubhendujuka eie ua di zunzumuna muene, ni iẋiẋi iê ua i xibhi.

Izaía 51:5

O uiukilu uami ua zukama; ubhulukilu uami iú tomboka kiá; maku mami mene ma-nda kutetuluila o mundu; ikolo ia-nda ku ngi xikamena ni kukinga, ene a-nda kudielela kubhandulukila ku lukuaku luami.

Izaía 52:1

Phaphumuka, phaphumuka eie Ziione, u zakele uzonda ué; Jeluzaleme, u diembu diangene, zakela kuma momué nuka dingi mua ká bokona muthu kʼa mu saie mba kifusa.

Izaía 52:10

Jihova ua funha lukuaku luê lu kôla bhu pholo ia ifuẋi ioso; o maẋokololo moso maʼxi ma-ndu mona ubhulukilu ua tundu kua Nzambi ietu.

Izaía 53:1

Nanhi ua xikana o maka metu? Nanhi muene kua mu tukulukila o lukuaku lua Jihova?

Izaía 62:8

Jihova ua loka ni lukuaku luê lua dilu, ni lukuaku lua undanda uê, kuila nuka dingi a kà bhana o tiliku ié kukala huta ku jinguma jé, o akuʼaxi iengi ue ka kà nua dingi o maluvu mé u ua talela o hadi.

Izekiiele 29:3

Zuela, kuamba: O Jihova Nzambi uambe kiki: Emʼiú, mu kuzoka nʼeie Falaó, sobha ia Ijitu, u kimudikixi kionéne, ua butama muʼaxaxe ka jingiji jé, eie ua mu kuila, uixi: O ngiji iami, iami eme-muène, kuma eme nga i bhange phala eme.

Mikeia 7:15

Eme nga kà edikiza madiuanu, kala u nga kuidikisile mu izuua i ua tundu mu Ijitu.

Habakuke 2:19

Kokolo dia ió uambela o muẋi, uixi: Balumuka! o ditadi dia kambe o dikanu dia kuzuela anga u di ambela, uixi: Phaphumuka! Manhi kiteka ki tena kulonga? Sumbala a ki bhange kiua ni ulu ni phalata, maji moxi diê ki muala nzumbi, lémbua.

Habakuke 3:13

Eie ueza phala ubhulukilu ua povo ié, Eie ueza phala ubhulukilu ua ió ua mʼundu ni maji; o inzu ia mukua phulu, eie ua i bukula o mukambu ua hongo, eie ua i vulumuna o madisesa mê katé koxi.

Zakadiia 10:11

Kalunga ka musanza ua Ijito a kà mu bhita ni dilamba, o mabhuku ma musanza Jihova ua kà ma batamesa, honga joso ja Nilo ja kà kukuta katé bhu hôle; kienhókio Asídia izala ia kà mu bhua, o Ijito mbasá ia ungana ia kà mu katuka.

Zakadiia 2:13

Xitu ioso i di xibhe bhu pholo ia Jihova, kuma muene ua balumuka mu kibuta kiê kikôla.

Luka 1:51

Ua bhange ima ia nguzu ni lúkuaku luê, ua muanganesa akua izala mu ikutu ia miẋima iâ.

Nzuá 12:38

Phala o maka ma polofeta Izaia ni ma bhite, uixi: Ngana, nanhi ua xikana ku maka metu? Nanhi muene a mu tukuluila o kutena kua Ngana?

Jipoxolo 7:7

Nzambi anga uila dingi, uixi: Akua ʼxi ioio-phe oso a kà a bhikisa, nga kà a bhana kaxtiku, eme ngi Nzambi, o ki ki zubha o kubhita, a kà tunda mʼoxi omo, hé a kéza ku ngi sedivila bhu kididi kiki.

Matendelelu 4:34

Inga kua kexi kiá Nzambi ua xikina o kutambula kifuẋi phala muene nuʼaxaxe ka athu engi, ni jipolova ni isuma, ni madiuanu, ni kúlua mvunda, ni lukuaku lua suina, lua sununuka, ni ima iavulu i kuatesa uoma kala ia bhange Jihova Nzambi ienu, ku mesuʼenu, mu Ijito?

Dijingunuinu 11:17

exi: Eie Ngana Nzambi, Muteni-a-Ioso, kiki uenié-ku, tunde ukulu Eie ua kàle! Tua ku sakidila, mukonda Eie ua tambula o kutena kué kuonéne, ua hingi ungana, Eie ua mateka kiá o kutumina.

Dijingunuinu 12:9

Kimudikixi kia dikota anga a mu takuila ku kanga! A mu kaia, na Kinhoka Kiokulu, a mu ila Diabhu, a mu ila Satana, mukua kunganala o mundu uoso. A mu lundumuina mu ngongo, ni ji-anju jê a ji lundumuina-nê kumoxi.

Afundixi 6:13

Ngidiione anga u mu ambela, uixi: Ngana iami tata, Jihova se uala ni etu, ima ioso iii ia tu ijila-hi? o ikalakalu iê ia madiuanu ii kuebhi, ia kexi mu tu kunda adiʼetu, exi: Manhi ki Jihova muene ua tu katula mu Ijitu? Kikiphe Jihova ua tu ambudisa, iu ua tu bhakula bhu lukuaku lua Midiiana.