Izaía 51:7 - O Mikanda Ikola

⁷ Enu, muejiia kioso ki kala o kuiuka, ngʼivienu, enu mu athu mua zalela o ngonge iami mu miẋima ienu; o kizembu kia mundu ki ki mi kuate uoma, o kia mi xinga, ki mu a suue.

Izaía 51:7 ပူးပေါင်းရင်းမြစ်များ

Jisálamu 37:31

Ngonge ia Nzambi ií ku muẋima uê; kana dikanda diê di xangumuka.

Jisálamu 40:8

Nga sanguluka mu kubhanga ki ua mesena eie u Nzambi iami; xi, mbata, o ngonge ié ia ngi kala moxi dia muẋima.

Izaía 25:8

O kalunga ua ka kà bhuisa-ku muene nzaká, kienhiki Jihova ua kà kondona o masoxi mu pholo joso, inga mu ixi ioso u katula-mu o kusebuluka kua mundu uê, kuma Jihova muene ua ki tange.

Izaía 33:22

Mbata Jihova muene Mufundixi uetu; Jihova muene Mubhani-a-ngonge ietu; Jihova muene Muenexʼetu, muene ua kà tu bhulula.

Izaía 37:6

Izaia iu ua ambela, uixi: Ngana ienu kà mu jimbuidienu kiki: Eme Jihova uambe: Ku kale ni uoma ua maka mu uevu, ma ngi lebhula na-u abhika a sobha ia Asídia.

Izaía 51:1

Enu-oso mua ku ta muẋima ku ufundisilu ua kidi, ngʼivienu, nʼenu muala kusota Jihova, talenu ku ditadi kuoso ku a mi bamiune, talenu ku dikungu dia dibânda mu a mi kandele.

Izaía 54:4

Ku kale ni uoma, mbata sonhi ki ja-nda ku ku kuata; ku kale ni jisonhi, mbata kua-nda kukakuka; inda sonhi ioso i ua bhiti na-iu ku undenge ué ua-nda ku i jimba, môndo ua utudi ué kua-nda ku u xinganeka dingi.

Jelemiia 1:17

Eie-phe ndoko u di kute phonda mu mbunda, nda u balumuke u a tangele ioso i ngi ku tuma: kana ngó ku kala ni kekenha bhu pholo iâ, kuma eme nga kà bhangesa kuila eie kukala ni uoma bhu pholo iâ.

Izekiiele 2:6

Eie-phe, u monʼa muthu, kana ku a kuatela uôma, mba u kala ni uôma ua ioso ia zuela; né-mbe hanji o izuelu iâ i di-bhanga muxitu ua minha ni jisongo phala eie, eie anga u tunga ni jimvuanga, kana kukala ni uôma ua izuelu iâ, mba u teketa ki u mona o jipholo jâ, kuma ene ala dibhata dia ẋinuka.

Matesu 10:28

Ki mu kale ni uôma ua iá a jibha ngó o mukutu, maji o muenhu ka u tena ku u tambula. Inda Nzambi mu kuatedienu uôma, kuma ió uasoko-bho kubuikisa ni muenhu ni mukutu mu ifernu.

Matesu 5:11

Mua zediua enu, kia mi xinga, kia mi zukutisa, kia mi âmba ima iaibha iavulu ia makutu, mukonda diami eme.

Luka 6:22

Mua zediua, athu se a mi zembe, a mi katula mu ukamba uâ, a mi lebhula, a mi texi dijina dienu kuma exi mu athu aiibha, mukonda dia Monʼa Muthu.

Jipoxolo 5:41

Ene kieniokio, a tunda bhu pholo ia Kionge kia Jitata ni kusanguluka kuavulu, kuma Nzambi ua a kiti athu a fuama kutambula malebhu mukonda dia dijina didi dia Jezú.

II Kolindo 3:3

Kiene-phe! Kristu muene ua soneka o mukanda uenhú, iú ua u tumikisa nʼetu. Uene ki uòsoneke ni tinda, ku mabaia ma matadi, maji ku miẋima ia athu, ni Nzumbi ia Nzambi ia muenhu.

Matendelelu 6:6

Maka u ngala ku ku tendelela leluʼidi u ma lunda ku muxima ué.

Filipe 3:10

Mukonda ngendi ngó kuila Kristu ngi mu ijiia muene, ni nguzu ia kufukunuka kuê, ni ngi kale mu kisangela kia jihadi jê, ngende ni kudifangana-nê mu kufua kuê;

Filipe 3:8

Kidi kiene, ima iosololo ngi i kita kingoho mu ujitu ua kuijiia Kristu Jezú, Ngana iami. O mukonda dia muène, ima i nga kuatele, nga i texi dikanga, ioso ia di boto. Ememuene-phe nga i kiti dixilu, phala ngi nganhale Kristu, nda ngi kondamene kua Muène.

Jihebeleu 10:16

Kiene o kikutu hinu ki nga kà ta ni ene ki zubha kubhita o izuuʼoio, eme ngi Ngana. Nga kà ta o ijila iami mu miẋima iâ, anga nga kà i soneka mu ilunji iâ.

I Phetele 4:14

Kuma se a mi bhana malebhu mu kukaiela o dijina dia Kristu, mua zediua. Mukonda kia lombolola kuila o Nzumbi ia fuma, Nzumbi ia Nzambi, ua mi tula ku thandu.

I Phetele 4:4

O kiki-phe akua mundu a mi diuana, hé a kala mu ku mi tobhesa ni ku mi lebhula, kioso enu ki mu kamba kudibunda-nâ mu muenhu uâ ua ufusa ni kudianguka.