Izaía 51:4 - O Mikanda Ikola

⁴ Athuʼami, ngʼivienunu muene, enu mu kifuxi kiami, ngi bhanienu mátui; mbata kokuami kuene kua-nda kutunda o kitumu, o uiukilu uami nga kà u xikika, ukala mukengeji ua ifuẋi ia athu.

Izaía 51:4 ပူးပေါင်းရင်းမြစ်များ

Jisálamu 106:5

Phala eme ngi mone ue o kubhanduluka kua athu é angene, mbé ngi sangulukile kumoxi ni mundu ué; phala eme ue ngi zangalale ni undundu ué.

Jisálamu 147:20

Kana-ku dingi mbutu iʼathu ua a bhange kiki; ki u a ebhula o jiphangu jê, ene ka jʼijiia. Ximanenu Jihova.

Jisálamu 33:12

Ixi ioio i zediua, avu Jihova kuma Nzambi iâ; ni mundu uoso ua solo muene, kuma undundu uê.

Jisálamu 50:7

Ivenu, enu mu mundu uami, ngi zuele; u Izalaiele, ngi ku bhela umbangi: eme-muène ngi Nzambi, Nzambi ié ua ku vu.

Jisálamu 78:1

Bhulakanenu, enu mu mundu uami, ngi mi bhane phangu; bhanenu mátui, ngi mi tela maka.

Makatukilu 19:6

Enu-phe mu ngi kala mu utuminu ua jinganga jami, mu mundu uami uazele. Enhá ene o maka u ua kà tangela anʼa Izalaiele.

Makatukilu 33:13

Kiki-phe, nga ku diondo, se nga sange ngalasa ku mesu mé, ngʼidikize jinjila jé ja ku di tuma ni athu, phala ngʼijiie uendelu ué, ngi sange ngalasa ku mesu mé; ni u tongolole kuma muiji iú uene o mundu ué.

Jisabhu 6:23

Kuma kitumu kandeia, o ngonge mukengeji; o kubazela kua ku ku iukisa, iene o njila ia muenhu.

Izaía 1:27

Ziione ngà ka mu kula mu kidi, osoʼalukila kua muene mu kidi, a lunga.

Izaía 2:3

Miji iavulu, ia kèza anga ia kà zuela: Zenu tu bande ku mulundu ua Jihova, kuʼbhata dia Nzambi ia Jakobo, phala a tu longese kioso kiene o jinjila jê, nda tuendele mu jihoka jê; mbata kitumu kia kà tunda mu Ziione, maka ma Jihova ma kèjiia mu Jeluzaleme.

Izaía 26:2

Jikulenu mabhitu, phala mu bokone kifuxi kia athu a iuka, kiene ku kuata o kidi.

Izaía 26:8

Eie Jihova, tuala ku ku kingila katé ni mu jinjila ja matetuluilu mê; o ku ku tumbula dijina ni ku ku-inda, iene o vondadi ia miẋima ietu.

Izaía 33:22

Mbata Jihova muene Mufundixi uetu; Jihova muene Mubhani-a-ngonge ietu; Jihova muene Muenexʼetu, muene ua kà tu bhulula.

Izaía 42:21

Jihova ua mu zolela ngó mukonda dia henda ia kuiuka kuê; ua mu jingisila ku kitumu, iú ua mu fumanesa.

Izaía 42:6

Eme ngi Jihova, nga ku ixana mu kuiuka kuami, nga-nda ku ku kuata mu lukuaku, anga ngi ku bhaka, hé ngi ku bhana u kale u kikutu kia akua jixi joso ni u kale u mukengeji ua akua-matumbu.

Izaía 49:6

Muene uambe dingi: O kukala ngó u selevende iami, phala kubhangulula ibuka ia Jakobo, ni ku ngi bhekela dingi o masubhu ma Izalaiele, ki kia soko; maji nga ku xikika, nʼu kale u Mukengeji ua akua-matumbu; ua a bhekela kubhuluka, katé ku maẋokololo aʼxi.

Izaía 55:3

Bhetekenu o mátui menu, nda mu ize kokuami; ividilenu, muenhu uenu ubhuluke; kuma nga-nda kuta nʼenu kikutu kixalela-ku, hé ngi mi bhana jimbote ja Davidi ki jene kufula.

Izaía 63:8

Kuma muene uambele, kuila: Ene povo iami mu kidi, ana ka tange makutu, kiene kia di-bhangela Mubhuludi uâ.

Mikeia 4:2

Kua kʼàia muene miji iavulu, exi: Izenu, tu bandienu ku mulundu ua Jihova, ku dibhata dia Nzambi ia Jakobo. Muene nda a kà tu longe o jinjila jê, etu phala tuendele mu jihoka jê. Mukonda o kitumu hádia ki tunda mu Ziione, o maka ma Ngana ma kà tunda mu Jeluzaleme.

Luka 2:32

mukengeji u londekesa o njila ia Nzambi ku akua matumbu. Ni kubhana fuma ia mundu ué ua Izalaiele.

I Kolindo 9:21

Kiene kimoxi ue kioso ki ngi kala mu ʼaxaxe ka ió ki Jijudé, a kambe o Kitumu kia Mozé, eme uami ngi kala ku kanga dia Kitumu, phala ngi tene kunganhala ió ki Jijudé. O kiki, ki mukonda eme nga fulu kutumaka o Kitumu kia Nzambi, mukonda ni kidi kiene eme ngala bhoxi dia Kitumu kia Kristu.

Matendelelu 18:18

Talesa-phe, Eme nga-nda kubalumuna kiá polofeta muʼaxaxi ka phange jé, mukua ni eie, anga ngi mu ta o maka mami mu kanu diê, muene anga u a jimbuila ioso i ngi mu tuma.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.