Izaía 51:20 - O Mikanda Ikola

²⁰ O anʼéambuka kiá, usanga a tandelela mu mabokuenu ma jinjila joso, edi kala jisoko jafu mu uanda; a bhondalala, ni kutema kua Jihova, ni kibazu kia a bazela Nzambi ié.

Izaía 51:20 ပူးပေါင်းရင်းမြစ်များ

Izaía 29:9

Kokolokenu, mu diuane! Sangulukenu, mu dikole! A kodiua, maji ki vinhu ia a kodiuisa! A bhendujuka muene, maji ki ualende ua ki bheka.

Izaía 40:30

O minzalngala a zonda, a bhuila; o makuenze a mala ni kidi muene a di bala, a lémbua muene toko-toko.

Izaía 49:26

O ió a ku bhondeleka ngʼa dikila niʼxitu jâ-ene, a kà kodiua ni manhinga mâ kala maluvu; anga xitu ioso ia kejiia kuma eme ngi Jihova, ngi Mubhuludi ué, Ngi Mukudi ué, ngi Dizonda dia Jakobo.

Izaía 5:25

Ki kia bhangesa o njinda ia Jihova ku uama ku thandu dia mundu uê, iú ua sunununa lukuaku luê, iú ua a bhana kaxitiku, katé ni milundu ia teketa; o imbi iâ iedile kala maxita muʼaxaxi ka nzunga; ku thandu dia iosuʼiii, njinda iê ki ia suku, maji lukuaku luê hanji ua luʼoleka.

Izaía 51:17

Phaphumuka, phaphumuka, u balumuke, Jeluzaleme, tatʼeie! Uanu dikáu dia njinda ia Nzambi, dia tundu bhu luakuaku luê; dikáu dia kubhendujuka eie ua di zunzumuna muene, ni iẋiẋi iê ua i xibhi.

Izaía 51:21

Kienhiki-phe, ivua-ze koko, eie ua bhondalala, ua kodiua, maji ki kukodiua kua vinhu.

Izaía 66:15

Mbata, talesa-ze, Jihova ua-nda kuijiia mu túbhia; o makalu mê mu kuenda mukuâ ni kitembu kia kita-phe-phe nʼa kà bilula njinda iê anga i uama, o kibazu kiê milengo ia túbhia.

Izaía 8:21

Mu ngongo a kà bhita-mu ni hadi ia vulu ia ku a tatesa, ni nzala; o kia-nda ku a bhondeleka o nzala, njinda ia a kuata, o kia tala bhulu, a kà lebhula sobha iâ ni Nzambi iâ.

Jelemiia 14:16

O mundu ua mu zambuila ene, a-nda ku a takuila mu jinzunga ja Jeluzaleme, mukonda dia nzala, ni dia xibhata; ki bhua-nda kumoneka muthu u tena kufunda akajiʼâ, ni anʼâ a mala ni a ahatu; ikuma iâ hinu nga a lunduluila-iu kienhiki ku thandu diâ.

Jelemiia 14:18

O ki ngiia ngiie ku mukáu, talesa athu afu ku xibhata, iá; o ki ngiia ngi bokone mu mbonge, a benguka ni nzala, iá; katé-ze ni misesedi ni jinganga, a kondoloka ixi ni kubungana, ni kua di tela kejiia-ku.

Kuditenda 1:15

Jihova ua diatela bhoxi o mazonda mami moso ma ita, ma kexile nʼeme mu dibhata muene; ua ngʼixanena nzungule ia mundu, phala ku ngi sosomuena o nzangi ia minzangala iami ia mala; Jihova ua zangula kilumba, monʼa Juda, iú ua mu tuzala kala mu ditangi dia kukamena o vinhu.

Kuditenda 1:19

Makamba mami nga exana kiua, maji ene a ngi koloka; jinganga jami ni ikulakaji iami azunzumukina mu mbonge muenhumu; kioso ene kia di tele mu sota kia kúdia phala kuximbakatesa o muenhu uâ.

Kuditenda 2:19

Balumuka, udikole muene mʼusuku, bhu diandekelu dia ilangidilu: Lundulula o muẋima ué kala menha bhu pholo ia Jihova Leka maku mé kua muene, u diondele o muenhu ua tuana tué; a kuata kuambukila ngó mu jiphambu-a-njila ja jinzunga joso, kingumba o nzala!

Kuditenda 4:11

Jihova ua kumbidila o njinda iê, ku muẋima kua mu zele kiua; uaiukula o mualala ua njinda iê ia uamesa túbhia mu Ziione katé ni ku madisesa bhoxi.

Kuditenda 4:2

Anʼa Ziione, a kôla ku kijingu mukuâ ni ulu uafina, o kiki asokʼuâ kiá ni itutu ia utuma, a di bhange kala kikalakalu kia mumbi-a-jímbia, tata!

Kuditenda 5:13

Minzangala a i jijidika exi, kale mu huhila bhu ditadi; o anʼa-ndenge bhendu-bhendu ni ita ia jihuinhi.

Izekiiele 12:13

O uanda uami ue nga kà u tandeleka ku thandu diê hé a mu kuata mu dibhebhe diami; anga nga kà mu bheka ku Babilonha, o ixi ia akua Kaldeia, maji ka kà i mona mesu, sumbala ua kà fuila momo.

Izekiiele 17:20

Anga nga kà zeleka o uanda uami ku thandu diê, hé ua kà fua mu dibhebhe diami; hé nga mu ambata ku Babilonha, o kuenhoko kuene ku nga fundila-nê o milonga, mukonda dia kubaluka kuê kua ngi balukila na-ku eme.

Izekiiele 39:19

Anga mua kà dia o maji hé a mi kuma, mua kà nuá o manhinga katé ki mu kodiua, ene o maji ni manhinga a sata iami i nga sate mukonda dienuʼenu.

Matendelelu 14:5

o ngulungu, o mbambi, o mvidi, o hoha, o songe, o phakasa, ni muhanda.

Matendelelu 28:20

Jihova ua kà ku tumikisa mázui ni lusébu ni kubhondalala ku ima i u bhanga, o ku ua kà sukʼoko usekumuka muene, anga utukumuka uajimi o mbutu mu kathembu kófele ngó, mukonda ua di bhange phulu mu ku ngi ta dikunda ni ikalakalu ié ia iibha i uala kubhanga.

Dijingunuinu 14:10

muenhó hinu u nua ku vinhu ia Nzambi, o vinhu ia njinda iê, a i lundulula ia hatu ni nguzu ioso mu kopho ia kutêma kuê! Kuma muthu uoso u bhanga kiki, a kà mu tatesa ni túbhia ni xofidi bhu pholo ia ji-anju jikôla, ni bhu pholo ia Kambudi.