Izaía 51:2 - O Mikanda Ikola

² Talenu Mbalahamu, dia tatʼenu, ni Sala, ua mi vuala; kuma kia kexi ubhekʼélele uê, eme nga mu ixana, nga mu zediuisa, eme nga mu sokolola.

Izaía 51:2 ပူးပေါင်းရင်းမြစ်များ

Dimatekenu 22:17

Nga-nda ku ku zediuisa kiavulu muene, ngi ku sokolola kinéne-nene, mbutu ié i vula kala jithéthembua ku diulu, mukuâ ni museke bhu mbandu ia kalunga; mbutu ié i tambula mielu ia jinguma jâ;

Dimatekenu 24:1

Mbalahamu anga u kuka, ua sungu-ku kiá ku izuua, Jihova phe ua mu bhele kubhanduluka mu ima ioso.

Dimatekenu 24:35

O Jihova-phe ngana iami ua mu zediuisa kiavulu muene, kia mu bhekela kukala ni kijingo kia dikota; ua mu bhana ni ibhanga ia jimbudi ni ia jingombe, ni phalata ni ulu, ni abhika a mala ni a ahatu, ni jikamelu.

Izaía 29:22

Kala kiki, Jihova, muthu ua kula Mbalahamu, uambe kiki bhu kaẋi ni dibhata dia Jakobo, uixi: Kiki kiá Jakobo sonhi ki ja-nda ku mu kuata dingi, ka-nda kusonoka dingi pholo.

Izaía 41:8

Maji eie-phe, Izalaiele, u selevende iami, eie, u Jakobo, u muthu nga ku tungula, u mbutu ia Mbalahamu dia kamba diami,

Izaía 43:27

Tatʼenu ua diangele-ku uate kutuxi, o alombolodiʼê a ngi tondalela.

Izaía 48:1

Diembu dia Jakobo, ivenukiu, enu oso a mʼixana akua Izalaiele, enu mua tunda mbutu bhu otho ia Juda, muene kulokela mu dijina dia Jihova, muene kutumbula Nzambi ia Izalaiele, maji ki muene mu ki bhanga mu kidi ni mu uiukilu.

Izaía 60:22

Kamona kandenge, ua kà di-bhanga midi; o ua beta kutola u biluka kifuxi kionéne: Eme, ngi Jihova, bhu kumbi diê nga ka ki bhanga sé kufula.

Izaía 63:16

Maji-phe, eiʼeie u Tatʼetu, né-mbe hanji o Mbalahamu ka tu ijiia, o Izalaiele ue ka tu suu; Eie-phe, Ngana, u Jihova, eie muene u Tatʼetu; u Mukudi uetu tundé xahúlu, diene o dijina dié.

Izekiiele 33:24

Monʼa diiala, enhá a tungu mu ididi iii iala o jingùndu mua Izaliele, a mu zuela, exi: Mbalahamu ua kexidiê ngó muthu umoxi, o ixi iosuʼiii ia mu tokalele muene, maji-phe etu tua vulu; o ixi ienhiʼii ia a tu bhié-iu kiá ku i vua.

Matendelelu 1:10

Jihova Nzambi ienu ua mi sokolola kiá; xinganekenu kuma leluʼidi mua vulu kiá, muedi kiá kala mu jithéthembua bhulu.

Matendelelu 26:5

eie-phe anga u di hambelela kua Jihova Nzambi ié, uixi: Ku tanga o kidi, tatʼetu kia kexe mu Sídia, uakexe sébhue ngó, iú ua kulumukine mu Ijito, anga u kuata kubunganena muenhomo ni kafamília kófele ngó, kala nzuángiza ia hatu; o kuenhoko kuene kiá kua sokolokela, iú ua di bhange kifuẋi kiònene ni mu kusuína, ni mu kuvula.

Josuué 24:3

Eme-phe nga tungula-bhu tatʼenu Mbalahamu, ku sámbua dia ngijiʼoko eme nga mu katula-ku, eme nga mu endesa ni kunhunga-nê mʼoxi ioso ia Kanana; mbutu iê nga i sokolola ue, mu ku mu bhana Izake.