Izaía 51:16 - O Mikanda Ikola

¹⁶ Eme-phe ngi ta maka mami mu kanu dié, hé ngi ku vungina ni kilembeketa kia lukuaku luami, phala kuxikika o diulu, phala ue kusoma oxi, ni kuambela ue Ziione kuma: eʼmuène u povo iami.

Izaía 51:16 ပူးပေါင်းရင်းမြစ်များ

Jisálamu 75:3

Ixi né ia botomoka ni ene athuʼê a tungu momo, eme-phe eme-muène ngi kuatesa o jingunji jê. (Selah.)

Jisálamu 91:4

Muene u ku vungina ni jisala jê, o moxi a mabhabha mê, muene mu u suamena; o kidi kiê ki di bhanga ngubu ni ibhakatu.

Jisálamu 92:13

Oso a a phaphe mʼonzo ia Jihova, a jîngila muene ku malumbu ma Nzambi ietu.

Makatukilu 33:22

Kioso-phe ki bhita o kujinga kuami, ngi ku bhaka mu ṗhudi ia ditadi, anga ngi ku vungina ni lukualu luami, katé kioso ki ngi zubha kusomboka.

Makatukilu 4:15

Eie-phe ua kà zuela ni muene, u mu ta maka mu kanu diê; eme-phe ngi kala ni dikanu dié, ni dikanu dia muene, anga ngʼenda ni ku mi longesa ioso i mu bhanga.

Izaía 45:18

Kuma kiene kiambe Jihova, ua bhanga o maúlu; Nzambi ua tenene kumba oxi, iú ua i iudika; ua i xikika, ka i ʼxia kiṗhulungunzu kia hatu, kana; ua i bhanga phala athu ku tunga-mu, uixi-phe: Eme-muène ngi Jihova, ki kuene uengi.

Izaía 48:13

Lukuaku luami ue luene lua te o madisesa ma oxi, o kadilu kami kene ka zonga o maúlu ku makandʼa maku; kioso ki nga kà exana ene hé a kʼejiia bhuamoxi.

Izaía 49:2

Dikanu diami ua di kitula xibhata iatu, ua ngi vungina ni kivule kia lukuaku luê; ua ngi bhange ngi ditoma dia seke kiambote; iu ua ngi sueka mu kizu kiê.

Izaía 49:8

Jihova ua zuela kiki: Sai thembu ia tokala i nga kuividila, sai kizuua kia kubhuluka ki nga ku kudila, nga-nda ku ku langa, nga-nda ku ku bhanga u kikutu kia mundu, phala u bhangulule oxi, maubhinganu ma buikisile u ma bheka dingi bhu maku ma athu oso ma a tokala.

Izaía 50:4

Jihova Nzambi ua ngi bhana dimi dia uanji, phala uoso ua bhuila ngʼijiie ku mu tela tumaka tua mbote tu mu nhohesa bhu thembu ia tokala; muene mukua ku ngi phaphumuna imene ioso, uphaphumuna dítui diami ni dʼivue, kala ki kala a-di-longi.

Izaía 57:19

Ibundu itunda ku mizumbu eme-muène ngi i iudika; ngi bhana paze kua ió ala ku makanga, ni kutululuka kua ene ala bhua zukama, eme Jihova, eme-muène nga kà a bhana o kudisanza.

Izaía 59:21

Kienhiki, kiene kikutu kiami eme ki ngi ta-nâ, eme ngi Jihova: O Nzumbi iami ia ku tula ku thandu, ni maka mami, u nga-te mu kanu dié, ka kà tunda-mu né mu kanu dia mbutu ié, né mu kanu dia mbutu ia mbutu ié, a xalela muene tundé kiki katé ku hádia ni hádia, kiene kia tange Jihova.

Izaía 60:21

Ene oso ku mundu ué a kà kala athu aiuka; ene a kà lundula oxi katé ku hádia ni hádia; a kà kala thangu ja ubhe ji nga phaphe eme, kikalakalu kia maku mami, phala eme a ngi ximane.

Izaía 61:3

ni kubhana ngonge kuamba akua-malamba mu Ziione a a zuike izuatu ia makembu bhu kididi kia utôkua, bhu kididi kia malamba a a uese majiʼa kutana; bhu kididi kia kikote kia muẋima a a zuike kizuatu kia diximanu; nda a a luke kuila miẋi ia uiukilu, iòphaphe kua Jihova, phala fuma iê.

Izaía 65:17

Talesa, kuma eme ngi iudika kiá maúlu mobhe ni oxi iobhe; o ima ia bhiti kiá ki bhu kala dingi ku i banza, né ngó kuiza mu kilunji, lémbua.

Izaía 66:22

Kuma, mukuâ ni maúlu mobhe, ni oxi iobhe, i nga-nda kuiudika, a xalela bhu pholo iami, eme ngi Jihova, kiene ue kia kà xalela o mbutu ienu ni dijina dienu.

Jelemiia 1:9

Jihova iú ua sunununa o lukuaku luê, anga u ngi tuta ku dikanu; anga Jihova u ngambela uixi: Tala, ngi ta maka mami mu kanu dié.

Jelemiia 24:7

Anga ngʼa bhana muẋima phala nʼa ngʼijiia, mbata eme ngi Jihova; ene a kà kala mundu uami, eme nga kà kala ngi Nzambi iâ; mbata a kà bilukila kokuami ni muẋima uâ uoso ua muvimba.

Jelemiia 31:33

Maji o kiki kiene o kikutu ki nga-nda kuta ni bhata dia Izalaiele, kia-nda kúbhua o izuuʼoio, Jihova ua ki tange: Nga kà ta o kitumu kiami mu thulu iâ, nga kà ki soneka muene ku muẋima uâ; eme nga kà kala ngi Nzambi iâ ene a kà kala mundu uami.

Jelemiia 32:38

Ene a kà kala athuʼami, eme ngi kala ngi Nzambi iâ.

Zakadiia 13:9

Anga mbandu ia katatu iii nga kà i bhitisa mu túbhia, nga kà i zelesa mukua ni kiene kuzunza o utadi ua phalata, hé nga kà i lola kala kiene ku lola o ulu. Iene ki ia kà diundila dijina diami, eme ue nga kà ivua muene. Eme nga kà i ambela, ngixi: Iú uene o mundu uami; o iene ue ia kèla iexi: Jihova muene o Nzambi iami.

Zakadiia 8:8

Nga kèza-nâ; a kà tunga muʼaxaxi ka Jeluzaleme. Ene a kà kala mundu uami, eme nga kà kala ngi Nzambi iâ, mu kidi ni mu kufundisa kua iuka.

Nzuá 17:8

Mbata eme nga a bhana o maka oso u ua ngi bhele, o ene a ma tambulula, ia a kʼijiia kidi kuma eme nga tundu ko kué. Ene a xikana, kuma eie ua ngi tumu.

Nzuá 3:34

Uoso a mu tumu kuala Nzambi, u zuela maka ma Nzambi, kuma muène kia mu bhe o Nzumbi, Nzambi ka mu bhana Nzumbi ni ku i zonga.

Matendelelu 18:18

Talesa-phe, Eme nga-nda kubalumuna kiá polofeta muʼaxaxi ka phange jé, mukua ni eie, anga ngi mu ta o maka mami mu kanu diê, muene anga u a jimbuila ioso i ngi mu tuma.

Matendelelu 33:27

Nzambi kene mbambe, akale muene o disuamu dié. Bhoxi dié, maku manangenena, ma ku fikidile. Muene a kà kaie Nguma ku pholo ié, nda a ku bhue ku mesu, Muene uila: A buikise muene!

Jihebeleu 8:10

O kikutu-phe hinu ki nga kà ta ni mundu ua Izalaiele, eme ngi Ngana, izuua ieniʼoio,—kia kà kala kiki: Nga kà ta o ijila iami mu thulu iâ, anga nga kà i soneka mu miẋima iâ. Eme nga kà kala ngi Nzambi iâ, ene a kà kala mundu uami.

II Phetele 3:13

Maji etu-phe, tua kinga, uila kia bhana Nzambi muène o kizuelu, maúlu mʼobhe, ni oxi iʼobhe, muà tunga ubatuilu ua kuiuka.

Dijingunuinu 1:1

Divulu dia dijingunuinu dia Jezú Kristu dia bhana Nzambi phala kuidikiza jiselevende jê, ima ia bhingi i bhita kindala. Jezú iu ua tumu mukunji uê ku i ijidisa selevende iê Nzuá,