Izaía 51:15 - O Mikanda Ikola

¹⁵ Mbata eme Jihova, Nzambi ié, ngene kutandula o musanza ua kalunga, anga o mabhuku mê ma dizumina. Dijina diê Jihova dia Ilombo Ieta.

Izaía 51:15 ပူးပေါင်းရင်းမြစ်များ

Nehemiia 9:11

Eie anga u bula o musanza ua kalunga bhu pholo iâ, ene hé a bhita mu kaẋi ka kalunga, bhoxi diòkukutu; a kexile mu kuiza ni ku a kaiela, anga u a bobesa mu dikungu dia zongo, mukua ni ditadi dia sonokena mu mafutʼa menha.

Jobe 26:12

Musanza ua kalunga u u tandula ni nguzu iê, ni kutongoloka kuê, nguma u i diotela muene bhoxi.

Jisálamu 107:25

Kuma u tuma, hé u bheka-ku o kitembue kia suína, anga ki balumuna o mabhuku mê.

Jisálamu 136:13

Ua tena kubatula Kalunga Kakusuka mu kaẋi; kuma kulenduka kuê ki kuene kúbhua.

Jisálamu 74:13

Eie ua batula o kalunga mu kaxi ni nguzu ié; eie ua bulu o mítue ia midikixi mu menha.

Makatukilu 6:7

eme anga ngi mi tambula kukala mu mundu uami, anga ngi kala ngi Nzambi ienu; hinu mu kʼijie kuma eme Jihova, Nzambi ienu, nga tena ku mi katula bhoxi dia imbamba ia mi xina akua Ijitu.

Izaía 47:4

Kiene kia tange ió uala ni Jina dia Kibhamuenhu kietu, Jihova dia Ilombo Ieta, Dilemba Dikola dia Izalaiele.

Izaía 48:2

A di-luka muene o dijina dia mbanza ikôla, anga a xamenena kua Nzambi ia Izalaiele; o dijina diê Jihova dia Ilombo Ieta.

Izaía 51:10

Ki eie-muène ua kukutisa o menha mu musanza ua kalunga, o menha ma mukiukuluku uonéne, o mu nzongolo ia kalunga anga u bhitisa-mu njila phala o jihule muene mua bhitila?

Izaía 54:5

Mbata Mubhangi ué muene munumiʼé, dijina diê Jihova dia Ilombo Ieta; o Dilemba Ukôla dia Izalaiele, muene Mukudi ué; muene a kà mu ixana exi, Nzambi, Langela-Ngongo.

Jelemiia 10:16

O dikanda dia Jakobo-phe, ki dia di fuangana ni iá; kuma muene-muène mubhangi a ima ioso, o Izalaiele muene mbangala ia undundu uê; Jihova dia Ilombo Ieta, diene o dijina diê.

Jelemiia 31:35

Kienhiki kia tange Jihova mukua kubhana o dikumbi phala mukengeji mu muanha, ni itumu ia mbeji ni jithéthembua phala mukengeji mu usuku, Io u jikula makungu mu kalunga anga u bhangesa mabhuku mê kuzuma; Jihova dia Ilombo Ieta diene o dijina diê.

Jelemiia 51:5

Mukonda Izalaiele ni Juda ka ehelela luua kuala Nzambi iâ, kua Jihova dia Ifuẋi, némbe hanji oxi iâ izala ni ikuma bhu pholo ia ió Ukola mua Izalaiele.

Ijila 11:44

Mbata Eme ngi Jihova Nzambi, ienu; di bhakienu-phe ni kuzela kuma Eme nga zela; kana ku di kasanesa o muenhu uenu ni tubamba tuoso tu zanzala ni kuendela ku mavu bhoxi.