Izaía 50:9 - O Mikanda Ikola

⁹ Mua mono-ze, Jihova Nzambi, muene u ngi banda; o u ngʼelesa mukuahi? Tala-ze, ene-oso a kà kuka mukuâ ni kizuatu, a kà diua ku tubamba.

Izaía 50:9 ပူးပေါင်းရင်းမြစ်များ

Jobe 13:19

Nanhi u kuata phata nʼeme? Mukonda se eme nga di xibhile, kindala ngeji kutula muenhu.

Jobe 13:28

sumbala eme ngedi kiá kala kima kia bolo, kia mu diua, mukua ni kizuatu kia mu diua ku tubamba.

Jisálamu 102:26

Hádia ene a budika, eie-phe hanji u nangenena; a kà kuka muene kala kizuatu, ki bhinga ku ki zula, ua kà a futa-futa muene kala dikoza dia dibeka.

Jisálamu 39:11

Kuma eie ki u bazela muthu, mukonda dia kutondala kuê, o kuuabha kuê ku mu bhua, u kala kala kizuatu, a ki kesa kuala kabamba. Ni kidi kiene, muthu bá kingoho! Kikexilu kiê kifua mukua ni mbundu iiza-ku, kindala iaiê. (Selah.)

Jisálamu 54:6

Eme-phe ngi ku satela sata ku vondadi iami muene; ngi ximana jinga dijina dié, u Jihova, kuma dijina diambote.

Izaía 41:10

Kana kukala ni uoma, kuma eme ngala bhuamoxi nʼeie; kana kubhuuama, mbata eme ngala ngi Nzambi ié; eme ngi ku suinisa, hé ngi ku kuatekesa, anga ngi ku fikidila ni lukuaku luami lua kadilu, lua kuiuka kuami.

Izaía 54:17

Falamenda ioso-ioso iòbhange phala ku ku kuama, ia-nda kulueza; o dimi dioso-dioso di ku tatela eie mulonga, mu kufunda, eie ua kà di belesa; o iú uene undundu ua jiselevende ja Nzambi, kuene ue kulûnga kuâ ku tunda kokuami, eme ngi Jihova.

Tiiaku 5:2

Jimbongo jenu ja bolo, o izuatu ienu ia fina ia diua ku tubamba.