Izaía 50:6 - O Mikanda Ikola

⁶ O dikunda diami ngi di bhakuila ió oso a ngi beta, oso a ngi vuza o muezu eme ngʼa ehela o matama; bhu kala o ku ngi tembula ni ku ngi thuthuina mathe, pholo iami ki ngi i sueka, kana.

Izaía 50:6 ပူးပေါင်းရင်းမြစ်များ

Nehemiia 13:25

Anga ngi zoka-nâ, hé ngʼa bhubhidila, ni ku a ta mázui, amoxi mudiʼâ ngʼa beta muene, ni ku a vuza o jindemba, anga ngʼa lokesa mu dijina dia Nzambi ngixi: Kana kubhana dingi anʼenu ahatu ku anʼâ a mala, ni enu ue ki mu sakane dingi o anʼâ ahatu, né ku abhenga phala anʼenu mba phala enu muene.

Jobe 16:10

Athu a ngi bhanena muene mu kanu, a ngi sebulula ni ku ngi bhana jihuxi ku matama; eneʼoso a di bhongolola mu kuzoka nʼeme.

Jobe 30:10

A ngi zembe muene kiavulu, kia ngi mona a lengela dikanga, ka fulu-phe ku ngi ta mathe mu pholo iami.

Jisálamu 129:3

Akua kudima ni alado, a ngi bhange mixinga ku kunda; o mixanda ia alado a i lebhesa muene.

Jisálamu 69:7

Mukonda eme nga bongo malebhu, mu ku ku dielela eie; nga sonoka muene pholo mukonda dia jisonhi.

Jisálamu 69:8

Muʼaxaxe ka phange jami nga dí bhange ngi muthu uengi, nga kituka ngi nzuángiza ku anʼa mamʼetu.

Izaía 53:5

Maji muene a mu kuama mukonda dia itondalu ietu, a mu tutujula mukonda dia ikuma ietu; O hadi i tu bhekela o kutululuka ni kubatama ia kexile ku thandu diê, o italakanha iê iene ia tu sake.

Izaía 53:7

O kia mu tatesele, ia a mu sebulula, muene ka jikula dikanu, kuma muene ka vutula kima; a mu sunga-sunga kala mbudi iia mu ku i jibha; uila mbudi kua ió u mu bhuta, idixibha, ni muene ue ka jikula ngó dikanu diê.

Kuditenda 3:30

A bhane ditama diê kua uoso u mu bha jihuxi; adie muene jindaka, ekute.

Mikeia 5:1

Kindala bhongolola o masoladi mé ku ibuka-ibuka, eie monʼa kilumba, a ku vuala kuala ilolo ia ita! Kuma a-nda ku tu kondela bhu kaxi; o mufundixi ua Izalaiele a-nda ku mu kuama ni mbangala ku jinganzuánzua.

Dialuilu 12:14

Jihova anga u ambela Mozé, uixi: Se tatʼâ ngó ua mu ṗhamena mathe mu pholo, keju kala ni jisonhi mu sambuadi dia izuua? A mu tubhule bhu kibangu mu sambuadi dia izuua, o ki-bhua izuua a bokonedingi.

Matesu 26:67

Anga a mu ṗhamena mathe mu pholo, a mu bhana jihome. Amoxi a mu bhana jihuxi, exi:

Matesu 27:26

Muène anga u a jituina Balaba; o Jezú-phe u mu bhesa jixikote, anga u mu thelekala phala ku mu jibha.

Matesu 27:30

Anga a mu ṗhamena mathe, a mu tambula dianga, a mu beta na-diu mu mútue.

Matesu 5:39

Eme-phe ngi mi ambela kuila: O dilebhu kana kubhânga na-diu. Uoso-phe u ku bhana huxi ku ditama dia kúdia, mu lunguluile ni diamukuá.

Marku 14:65

Amoxi-mu anga a kuata ku mu ṗhamena mathe. A mu futa o pholo, anga a mu bhana jihome, exi: Zambulaze uoso ua ku beta! Jifixiiadi anga ji mu tambulula ni jihuxi.

Marku 15:19

Anga a mu beta ni muxi mu mutue, a mu ṗhamena mathe, anga a fukama, he ela kala a mu mu bheza.

Nzuá 18:22

Kia zubha kuzuela kiki, pudixa imoxi uemana-nê u bhana Jezú huxi, uixi: Kiene ki u vutuila, o nganga ia dikotʼ okio?

Jihebeleu 12:2

Tu jizienu ni kusuua ngó Jezú, kuma muène o musonguedi ua kuxikana kuetu, tundé bhu dimatekenu katé bhu dizubhilu. Kala muène mu kusuua o ngalasa ia mu idikiza, ua kolokota ni dikulusu, ua tende o sonhi, o kiki ua xikama ku madilu bhu kiandu kia Nzambi.