Izaía 50:11 - O Mikanda Ikola

¹¹ Talesa, enu oso mua bambula túbhia, mua di-ẋiẋika jisoso ja túbhia tu mua uika, endelenu mu milengo ia túbhia tuenu, ni muʼaxaxi ka jisoso jenu ji mua bambula; bhu lukuaku luami bhene bhua tundu ima iosuʼiii, hé mua kà zeka mu kialala kia kalunga.

Izaía 50:11 ပူးပေါင်းရင်းမြစ်များ

Jisálamu 16:4

Malamba mâ mʼaia ni kusokoloka, oso a bhakuila nzambi iengi; kiamenga kiâ eme ngi dituna ku ki bhana, majina mâ ngó ki ngi xikina ku a tumbula ni mizumbu iami.

Jisálamu 32:10

Abhukumuka a kala ni malamba avulu; ua dielela Jihova-phe, henda iê i mu konda mbandu ni mbandu.

Jisabhu 26:18

Ki kala o dilaji di takujula o iẋinji ia túbhia, ni misongo ibhekela kalunga,

Izaía 55:2

Kitadi kienu mua mu ki zangela-hi ku ima ia ngoho ki kúdia? O ima i tunda mu ikalakalu ia maku menu anga mu i zangela ngoho mu ioio ki i tena kuikutisa? Kuatenu kilunji mu ngʼivue, nda mu die kiauabha, o muenhu uenu u tane ni ima ianete.

Izaía 8:22

O kia tala mu ngongo, a mona-mu mukondo ni kitombe kila muene buí, o mu thulu mua kà a xita ni kikote, anga aia ni ku a lundujuila mua vundu, muedi buí.

Izaía 9:18

Kuma o phulu ioso-lolo i uama kala túbhia, iximika katé ni ivunda ni misonge. Kiene muene, i bambula katé ni mixi ioso ia di-bhidijika ku muxitu, anga dixi diê di bhana matuta a xiketela bhulu.

Jelemiia 17:4

Eʼ muenhé-phe ua di bhange-kiu, eie ua-nda ku di kakula ubhinganu ué, u nga ku bhele, anga ngi ku bhangesa ku bhikila o jinguma jé, mu ixi kua ijiia; kuma o túbhia tu ua bambula ku njinda iami tuà uamena-ku muene katé ku hádia ni hádia.

Izekiiele 20:39

Enu-phe, tata, mu dibhata dia Izalaiele, eme ngi Jihova, ngʼambe: Ndé-nu, muthu ni muthu a kà bhikile o iteka iê, mukonda, eme, nguenu ku ngʼivua; maji-phe o dijina diami di kôla ki mu di sebulule ni maujitu enu ni iteka ienu.

Amoji 4:10

Nga mi tumikisa dibhebhu dia kipheku mukuâ ni mu Ijitu; minzangala ienu ia mala nga a jibha ku mazu a xibhata; o jikabalu jenu nga jʼehela o ku ji kuta ni ku ji bhûnda ia aii na-ju; o dizumba dia kibuzu kia ifuẋi ienu nga di tukumuna muene ni ku mazulu enu tute; maji Jihova uixi: Né kieneʼokio ue, enu mua lémbua kudiela ni mu bhiluke kokuami.

Amoji 4:9

Nga mi kuama ni kiaúla ni fuluja; o ndumba ni ndumba dia jindombe jenu ni mivide ienu, mifiku ienu ni midivua ienu a i di ku kihoho; maji Jihova uixi: Né kieneʼokio-phe, enu nguenu kudiela ni mu bhiluke kokuami!

Jona 2:8

Oso a kaiela ukumbu ua kubheza iteka, ió a lueza, kuma a sanduka bhuʼotho ia henda ié ia kidi.

Habakuke 2:13

Abha, ki kiejila kua Jihova dia Ifuẋi, kia kuila o mundu ukalakala ngó phala túbhia, o ifuẋi iʼathu na iokojoke mu kingoho?

Matesu 22:13

Sobha anga uambela jiselevende jê, uixi: Mu kutienu o maku ni inama, mu mu texi ku kanga, kua vunduʼoko; kuene kuà kala o kudila ni ku di kokota ku mazu.

Matesu 8:12

Maji ana ene avu o ungana uâ-phe, a kà a kaiela ku usuku ua kanga, kuenhoko kuene kuà kala o kudila ni ku di kokota ku mazu.

Nzuá 8:24

Kiene ki nga ki zuelela kuma muandʼ ufua mu ituxi ienu. Mbata se mua kambe ku ngi xikana eme, muandʼ ufua mu ituxi ienu.

Nzuá 9:39

Jezú anga u zuela, uixi: Eme ngeza mu ngongʼ umu mù fundisa; phala oso ala ifôfo, ka mono, a mone; o oso a mu mona, a biluke ifôfo.

Loma 10:3

Edi ni kukamba kuijiia o kulunga kua Nzambi kuijiia mu kuxikana, ni kubhindamanea o ku di lungisa mu kidifua kiâ ene, iá a ditunu kubelesela o kidifua ki bhangesa Nzambi kuẋikina muthu ni, ku mu lungisa.

Tiiaku 3:6

O dimi, tubhia. Diene ubheka uê, diala ni nzungule ia usuéia! Dia tambula kididi mu idiandu ietu ioso, hé di kasanesa o mukutu uetu uoso, o dimi dienhidi! Dia di bhange mukuâ ni tubhia tua mu tunda mu infernu, diene di ta o mukutu uetu uoso mu mulengu.

Dijingunuinu 19:20

O kiama anga a mu bhanga pelezu, ni polofeta ia makutu kumoxi, ió ua bhanga jinga iphata bhu mesu mê. (Kuma o iphata ienhoio iene ia bhombele na-iu oso a tambuile o kidimbu kia kiama, ni ió a bhezele o kitèka kiê). O kiama ni polofeta ia makutu, ene kiiadi kiâ, anga a a takula ni muenhu uâ mu kizanga kia túbhia kia uama ni xofidi.

Dijingunuinu 20:15

Uoso a mu mono, ua kambe ku mu soneka mu divulu dia muenhu, a mu takula ue mu kizanga kia túbhia.