Izaía 50:10 - O Mikanda Ikola

¹⁰ Mukuahi mudienu uambe kuxila Jihova, ni kusuua dízui dia selevende iê? Muenhó se uala kubhita bhua vundu, anga bhu kamba ngó ni kamukengeji, a dielele mu dijina dia Jihova, a kuatenene kua Nzambi iê.

Izaía 50:10 ပူးပေါင်းရင်းမြစ်များ

II Samuuele 22:29

Kuma eie u Jihova u kandeia kami; Jihova muene u ngi muikina muʼavundu.

I Malunda 5:20

Anga a a kuatekesa mu kúlua-nâ, o akua Hangale ni oso kiá a kexile-nâ, ene oso hé a a bhana bhu maku mâ, mukonda a dikolele kua Nzambi, kiala mu kúlua o ita, Nzambi hé u a bhana mátui, kuma a dielela kua muene.

II Malunda 20:12

Ai! Nzambi ietu, tata! Manhi hádia eie kua kâ a fundisa? Mukonda momuetu sé-mu nguzu, mu kumona o kifuẋi kiosuʼiki kia mu tuʼendelʼetu. Ni kia kubhanga tua lémbua ku kʼijiia! Kuabhu! Maji-phe o mesu metu tua ma te kokué.

II Malunda 20:20

Mu kimenemene kia selu anga a balumuka, hé a tunda mu kuia ku kikangalakata kia Tekoua; kioso ene kia mu tunda, Jozafate u nzongamana hé u handekela, uixi: Ngʼivienu, eie Juda, ni enu mua tunga mu Jeluzaleme; xikanenu kua Jihova, Nzambi ienu, nda mu kale bhua kondama; xikanenu ku jipolofeta jê mua kà zediue.

Jobe 13:15

Né-mbe muene u ngi jibha, hanji nga kinga kua muene; sumbala kiene, maji jinjila jami ngi ji zokela kua muene.

Jobe 29:3

Kioso Muene kia ngi muikina jinga ni kandeia kê bhu thala ia mútue uami, eme hé mua vundu ngiia ni kuendela mu mukengeji uê.

Jisálamu 111:10

O kukala ni uoma ua Nzambi, muene muijiia unjimu; ene oso a mu tumaka, a kala muene ni kilunji kiambote, o diximanu diê dia kalʼê, katé ku hádia ni hádia.

Jisálamu 128:1

Ua zediua o muthu ió uoso ua kuata uoma ua Jihova, mukua kuenda jinga mu ʼnjila jê.

Jisálamu 145:21

Dikanu diami di sakalala mu kuximana Jihova; o xitu ioso, kutunda muiji kuiza muiji, i ximane dijina diê dikola.

Jisálamu 23:4

Né-mbe ngi bhita mu dikôlo dia kitombe kia kalunga, ki ngi kala ni uoma ua kima kiaiibha, mukonda eie uala ngi bheka; ni mbangala ié ni dikoue dié, ene a ngi bhuisa hele.

Jisálamu 25:12

Muthu uebhi uene ni uoma ua Jihova? Muenhó Jihova u mu longa njila ia fuama kusola.

Jisálamu 25:14

Ukamba ua Jihova u kala ni akua uoma uê; u a ejidisa kioso ki kala kikutu kiê.

Jisálamu 28:7

Jihova muene nguzu iami, ngubu iami; muẋima uami ua mu dielela muene, eme nga bhanduluka; kia bhangesa muẋima uami kukala ni ngalasa iavulu; ngi kuata muimbu ua ku mu ximana jinga.

Jisálamu 42:11

Eie, ua bhuidila-hi muẋima uami? ua zôndela-hi moxi diami? dielela kua Nzambi; kuma hinu ngi mu ximana dingi! Mukonda, muene o kusangumuka kua pholo iami, muene Nzambi iami.

Jisálamu 62:8

Enu mu mundu, di fiiadienu Nzambi mu thembu joso; lundululenu o mixima ienu kua muene; kuma Nzambi muene dilengelu dietu. (Selah.)

Ndongixi 12:13

Ku ioso i uene mu kuívua, zubhilu diê dienhidi: Xila Nzambi, u aluke o ijila iê, mukonda kiene kia fuama athu oso ku ki bhanga.

Izaía 10:20

Hé kia kà bhita bhu kumbiʼodio kuila, oso a subhuka mu Izalaiele, ni ió oso a bhulaka mu dibhata dia Jakobo, ka kà dielela dingi enhó a a tolola, kana; inda o kudielela kuâ kuà kala ngó mua Jihova, Dilemba dia Izalaiele mu kidi.

Izaía 12:2

Talesa-ze, Nzambi muene ubhulukilu uami; eme, muene ngi mu dielela, ki ngi kalʼami ni uoma; mukonda o Ngana Nzambi, muene nguzu iami, muene mukumbi uami, iu lelu ua di-bhange kibha-muenhu kiami.

Izaía 26:9

Mʼusuku uenhú, nga ku-indi mu muenhu uami; ni nzumbi ia ngi kala moxi, nga-nda ku dimeneka ku ku sota; kuma matetuluilu mé nʼa kala mu ngongo, akua-xi kulu dia mundu a di-longa o kidi.

Izaía 42:1

Talesenu, selevende iami iú, nga mu fikidila eme, muthu uami nga mu solo, ua ngi uabhela ku muẋima; Nzumbi iami nga i te ku thandu diê; muene ua kà fundisa mu kidi akua matumbu.

Izaía 50:4

Jihova Nzambi ua ngi bhana dimi dia uanji, phala uoso ua bhuila ngʼijiie ku mu tela tumaka tua mbote tu mu nhohesa bhu thembu ia tokala; muene mukua ku ngi phaphumuna imene ioso, uphaphumuna dítui diami ni dʼivue, kala ki kala a-di-longi.

Izaía 53:11

Kienhiki, muene ua-nda kumona kikalakalu kia lukuaku luê, anga u tana; Selevende iami, Muthu Uaiuka, mu kuijiia kuê kuene na-ku, ua-nda kulungisa athu a ndumba; mukonda muene ua-nda kuambata o ikuma iâ ku thandu diê.

Izaía 59:9

Mukonda dia kienhiki, o kuiuka kua tu kala dikanga, o kulúnga ki ku tu bhixila; tuendile mukengeji, maji tala, kua tu iza ngó kitombe; tuendile kubenha, maji tua mu kuendela mua vundu.

Izaía 8:17

Eme ngi dielela kua Jihova, muene ngi mu xikamena, sumbala o dibhata dia Jakobo ua a suekela o pholo.

Izaía 9:2

O mundu a xikamene mu kitombe a mono mukengeji uònene; o athu a kexi mu kuendela mu kididi kia kizenji kia Kalunga, kuaki mukengeji uâ.

Kuditenda 3:2

Muene ua ngi zangula iú ua ngí batesa mu kitombe, ki mu mukengeji, kana.

Daniiele 3:28

Nabukodonozolo bhenhobho uzuela, uixi: A tane-ku Nzambi ia Sadalake, ni Mizake, ni Abede-neko, ua tumu anjo iê iú uakudila jiselevende jê, a mu dielela, mbata o ngonge ia sobha a i bulu muene, iá a bhakula o mikutu iâ, mu kuiengesa kubheza jinzambi jengi, kikale ngó o Nzambi iâ.

Nahumu 1:7

Ngana uaiuka, muene dilengelu dietu mu thembu ia phaxi; Jihova uejiia oso a mu dielela muene.

Sofoniia 3:12

Nga ka xisa muʼaxaxi kê ió oso a di tululula, ka moneka izala mba ukumbu, o jingadiama; ene a kà kala jinga thembu joso mu dielela o dijina dia Jihova.

Ajeu 1:12

Bhenhobho Zolobabele, monʼa Selatiiele, ni Josuué monʼa Jozadake, nganga ia dikota, ni mundu uoso evua anga a xikina o dízui dia Jihova Nzambi iâ, ni maka ma polofeta Ajeu, kala Jihova Nzambi iê kia mu tumu ku a tangela; o mundu-phe a kala ni uôma bhu pholo ia Ngana.

Malakiia 3:16

Maji kienhiki-phe akua kuxila Jihova enda ni ku di kunda-kiu mudiâ muthu ni mukuá; Jihova anga ua a suua; ua evua; anga u ki soneka mu divulu kuma dilembalelu bhu pholo iê, kua iá akua uoma uê; iá ene mu kuxila Dijina diê.

Nzuá 12:46

Eme ngeza kuma ngi mukengeji mu ngongo, phala uoso u ngi xikana, ka kale dingi mua vundu.

Nzuá 8:12

Jezú anga u kuata kua ambela dingi, uixi: Eme ngi mukengeji ua mundu. Uoso u ngi kaiela eme, kʼ ende mu ʼitombe, maji u kala ni mukengeji ua muenhu.

Efezo 5:8

Kuma enu-enu mʼ ukulu mua kexile mu kitombe, maji o kiki muala kiá mu mukengeji mua Ngana. Endenu-phe ni kuenda kala anʼa mukengeji.

Jihebeleu 5:9

O kia zubha ku di longʼ iki, ua di bhange Kibhamuenhu u tena o kubhulula oso a mu tumaka, katé kia zubha.

I Phetele 5:7

Héle ienu ioso xilenu-iu Nzambi, kuma muène ua mi kuatela muanu.

I Samuuele 30:6

Davidi anga u tata kiavulu, kuma mundu a tele maka a ku mu bûba ni matadi, mukonda muẋima ua mundu uoso uala ni malamba, kala muthu uala mu kuxinganeka anʼê a mala ni a ahatu. Maji Davidi-phe u di kolesa muẋima mua Jihova Nzambi iê.