Izaía 5:7 - O Mikanda Ikola

⁷ Mbata o díbhia dia muvide ua Jihova dia Ilombo Ieta phe, o dibhata dia Izalaiele; o athu êne mu Juda, ene o phaphu iambote ia phaphe-mu; Jihova phe ua dielelele kuila ende ni kubhanga ima ia kuiuka, maji talesa hanji o ungumba uâ! Bhua kingile o kidi, o kuiuka, bheza ngó jingololo!

Izaía 5:7 ပူးပေါင်းရင်းမြစ်များ

Dimatekenu 4:10

Kuala Ngana: Eie ihi i ua bhange? Dízui dia manhinga ma phangʼié dia dikola kokuami tundé mu mavu.

II Samuuele 7:10

Mundu uami ua Izalaiele nga a bhana kididi, nga-nda ku a phapha phala a tunge a some, ka bhingi dingi kutáula; isuéia ki i kala dingi mu ku a tatesa kala mʼokulu,

Jobe 34:28

Mu kubhanga kiki, a bhangesa o kudikola kua ngadiama kubanda katé kua Nzambi, muene iú uevu o kuditenda kua phulungu.

Jisálamu 147:11

Ki uabhela Jihova athu a mu kala ni uôma uê, ni athu oso a dielela jihenda jê-muène.

Jisálamu 149:4

Kuma Jihova u sanzuka ni mundu uê; muene ua-nda ku uabhesa abelesela ni ubhulukilu uê.

Jisálamu 80:15

Kixina kia muvide u ua phaphe ni lukuaku lué lua kúdia, ni thangu jê ji ua sase katé ki ja kolo.

Makatukilu 3:7

Jihova anga u zuela dingi, uixi: Nga mono kidi muene o phaxi ia ifuẋi iami iala mu Ijitu, ngevu o kudikola kuâ, mukonda dia abhondeleki ala ku a bhikisa kiavulu; mukonda eme ngejiia o malamba mâ.

Jisabhu 21:13

Uoso u xita o mȧtui mê ki dikola ngadiama, muene ue hinu u dikola, maji ka-nda ku mu ivua.

Ndongixi 4:1

Anga ngi lunguluka dingi, hé ngi tongolola o kubhondeleka ni kutatesa kuoso kuala mu kubhanga athu kulu-dia-mundu; anga ngi mona o masoxi ma ió oso a a tatesa, ni masoxi ma iá oso a kambe uoso u a konda o malamba; o kusuína kuala ku mbandu ia atatexi maji o ene-phe a a tatesa, a lémbua ngó uoso ua konda o malamba!

Mukumbi ua Mikumbi 7:6

Eie ua uabha, tata, eie ua uabha! Eie u sèndula kinéne, eiʼ na Jihenda ja makembu!

Izaía 1:21

Mbonge iami ia kexe fiiele, ia biluka kiebhi kidianzunga, tata! O ki ia kexe, kuiuka kuvula! O kufundisa mu kidi kua tungile moxi diê, maji leluʼidi mueza ijibhanganga.

Izaía 1:6

Tundé ku makànda a inama katé ku mútue ki kuala kima kia disanze; kuala ngó jifidila, ni ijimbu, ni ilonda ia sotama, ki iótumbe, ki iókute, mba bhu kala ngó kilonda kimoxi kiózaze tumaji.

Izaía 27:2

Mu kizuuʼokio, bhua-ndu kala díbhia dia mivide ia vinhu ila nguí; anga a kèla, exi: Enu, muʼimbidienu!

Izaía 3:14

Jihova iú uiza phala kufundisa o ikulakaji ia mundu uê ni ilamba iâ; mukonda enu muene mua jikinisa o dibhia didi dia mivide; o ima i mua nhana ku jingadiama, iii mu jinzo jenu.

Izaía 3:15

Jihova, Nzambi ia Ifuẋi, uixi; Ihi ia mi kuata, enu mua mu kuenda ni kutatesa o mundu uami, ni kututujula o pholo ia jingadiama?

Izaía 3:17

Kala kiki, Jihova, anailumba mu Ziione ua-nda ku a ta ingûmba mu mítue, Jihova ua-nda ku a zula, a kala tuẋi-a-thâkala muene.

Izaía 30:12

Mukonda dia kienhiki Dilemba dia Izalaiele uambe kiki: O ki muedi kizuelu kiki mua di tunu-kiu, enu mua dielela o ungumba ni phulu, enu kuenhuku kuene kiá ngó ku mua xamenena.

Izaía 46:12

Ngivienu, enu mua kola o muẋima, enu o kuiuka kua mi kala dikanga.

Izaía 5:2

Ua di kondoluesa kikanzo, matadi ua ma sengulula-mu, iú ua phaphe-mu mivide ia mbutu iambote; o muʼaxaxi ka díbhia dia muvide ua tungu-mu inzu ia matala, iú ua iudika-mu ue ditangi dia kuketela vinhu; iú uene kudielela kuila muvide uima ji-uva jauabha, maji uene ua bhana ikola-kola.

Izaía 59:13

Tuedi ni kulueza, ni ku ta makutu mu ku bilukila Jihova, ni ku ta dikunda kua Nzambi ietu, tuexi ni kuzuela kua ungumba ni kubhukumuka, ni kuimita ni kulusa maka ma mangonha ku muẋima.

Izaía 59:14

Kienhiki o ufundisilu ua kidi ua vutuka kuema, o kuiuka kua di takula dikanga, mukonda o kidi mu nzunga kia muia ni ku-dibhukana, o ku sokelela ki ku xikina ku bokona.

Izaía 59:4

Ki bhuala muthu u dikola mu ku sota kulûnga, kana-bhu ue muthu u tukuluka mu kufunda phala kusota o kidi, a di-fiiala kingoho, o kuzuela kuâ o makutu; emita milonga, avuala ikuma.

Izaía 62:5

Kala munzangala ua diiala kia sakana ni kilumba, kiene ue anʼé kia-nda kusakana nʼeie; kala ngaiàla kia sendukila o dibhanga, kiene ue Nzambi ié kia-nda ku ku sendukila eie.

Jelemiia 12:10

Abidi a nzungule a ngi senguluila o mulenga uami ua mivide, a diata-diata díbhia diami, o díbhia diami di ngʼene mu kuinda a di kitula kikangalakata kia hatu.

Jelemiia 24:2

Kinda kimoxi, kia kexile ni jifiku ja uabha muene, kala jifiku ja kisonaxi; maji o kinda kia kamukuá kia kexile ni jifiku ja ibha kia vulu, ki ji xikina ku ji dia, mukonda dia ku ibha kuê ku ja ibha.

Jelemiia 50:46

Ixi ia teketa ku kinuminu kia Babilonha kioso kia mu tolola; o kudikola kuê a kuʼivu mu kaxi ka miji ioso.

Izekiiele 22:29

A bhondeleka muene kiavulu o mundu uala mu ixi, enda ni kunhana, a bhanga kusuina ku phulungu ni iú ua tate, o ua tundu dikanga a mu bhondeleka muene, sè kikuma.

Hozeia 10:1

Izalaiele ua di bhange muvide ua di zandela, uala kuima ngó ibundu phala muene; kia vulu ibundu iê, kiene ue kia di vudixila jikalatódio jê; kala kia uabha oxi iâ, kiene ue kia di iudikila o iteka iâ ia matunda.

Mikeia 6:12

Kuma o jimvuama jenu jezala kusuína, o akua diʼembu diê a zuela makutu, o dimi mu kanu diâ diejidila o kulunguluka ni kunganala athu.

Mikeia 6:8

Muene ka kuambela kiá, eie u muthu ua-kimi, kioso kia uabha, kia fuama, kia solo Ngana kuma kiene ki u bhanga, kuila ubhanga jinga kuiuka ni kubatula mu kidi, uzola kubhanga o mbote, ukala jinga mu kuenda bhu pholo ia Nzambi ié ni ku di tululula?

Habakuke 1:3

Phalahi u ngi muesa o ufusa ni lusebu, anga u ngi bhangesa kutala ungulungumba? Kuma ku pholo kua ngi xikamena kibuika ni kubhondalala; sai ue a vulumuna jimvunda ni ku kuata kuzoka.

Sofoniia 3:17

O Jihova, Nzambi ié, uala muʼaxaxi ké, u ku bhulula ni kutena kuê, Muene ue u kala jinga mu sangulukila momué-eie; u batama jinga mu henda iê ia ku kuatela kizuua ni kizuua, u tana jinga momué ni ngalasa iavulu, kala mu izuua ia fesa.

Matesu 23:23

Lamba dienu mu jimesene ja kulonga o Kitumu ni enu mu jifalizeu, mu akua mangonha! Kuma mu bhana kua Nzambi o dijimu katé ni dia olatelá, ni tu máfue dingi tua kutoua ni tua kominhu; maji ima-phe ia kidi, ia kate, ku Kitumu, o kufundisa mu kidi, o kukuatela henda, o kukumbidila, mu kamba ku i bhanga; hinu o iíi mua i bhange, o ioio ue ki i kambe.

Luka 18:7

Abha, Nzambi u kamba kufundisa athuʼê ua a sola, a di kola-kola kua muène mu muanha ni mu usuku, anga ua zokelela mu milonga iâ? Manhi u kokoloka mu ku a banda?

Nzuá 15:2

Thangu ioso iala mo muami, maji i kamba kubhana ibundu, muène u i batula. Maji o thangu ioso i bhana ibundu, u i solala, hé u i zelesa, ni i bete o kubhana.

Matendelelu 15:9

Aluka-phe, kuehele Kadiaphemba ku ku fuetela mu muxima ué, kuamba: O muvu ua kasambuadi, ua ufuôlo, iú zukama; anga diesu dié di kitukila phangʼié uala ngadiama, uixi ki ngi mu bhana kima, kuma kiendelela; o muene-phe na di tende kua Jihova, eie-phe momué mua-nda kukala kituxi.

Tiiaku 5:4

o futu ia jingunza ja kalakala mu mabhia menu, mua emina-iu. O mu kuditenda kuâ ivenu kia-lu dikola! O mitendu ia enhó a munu o mabhia menu, ia bokona mu matui ma Ngana Nzambi, Muteni-a-Ioso.