Izaía 5:6 - O Mikanda Ikola

⁶ Ngi di bilula kikangalakata; ki bhua-nda kukala dingi ku di sola jithangu; ku di tela ue mavu bhu ixina, kana dingi; inda mu sabhuke kiá isasa ni misonge ia minha; ngʼa mbela ue matuta, phala ka noke dingi mvula ku thandu diê.

Izaía 5:6 ပူးပေါင်းရင်းမြစ်များ

I Jisobha 17:1

Bhenhobho Elija, mukua lumono mu akua Ngiliiade, uambela Akabe, uixi; Ngana kuene kuala, Nzambi ia Izalaiele, uavu o pholo iê bhu ngala, kuma mivu iii ki kua-ndu suka mbundu mba kunoka mvula, kale kʼeme nga ki zuela.

I Jisobha 8:35

Kioso o diulu ki di jika, anga mvula i kamba kunoka, mukonda ene a ku tela kituxi, ene anga eza kusamba mu kididi kiki, ni kuximana o dijina dié, anga a diela ku ituxi iâ, kia mona kuila eie ua a tatesa,

Jobe 31:40

bhu kididi kia tidiku muʼime minha; bhu kididi kia sevada, muize iangu. Kuzuela kua Jobe kuabhu. Mahezu!

Jisabhu 24:31

talesa-ze nga sange díbhia dioso dia koboka mu minha, o kibende kioso kia takana ni kasau-sau, o lumbo luê lua matadi lua lundumukina bhoxi.

Izaía 24:12

Mu mbanza mua xala ngoho ngunzu mu ngunzu; o mabhitu a budijika ni kubanza.

Izaía 30:23

Kienhokio-phe Jihova ua-nda ku ku bhana o mvula ku mbutu ié i u kuna bhoxi, u ku bhana ue mbolo, o phèmbele jaʼxi; mavu iá a-nda kuima muene kiasoko; mu kizuuʼokio ibhaku ié ia kà dila jinga mu mâkela madixala.

Izaía 32:10

Kuma mu muvu ni izuua, a kà mi titidisa muene, enu ana-ilumba mua di fiiala kinéne, mukonda o kumuna kuà kʼabhua, o ki mua bhongolola-ku ki kia moneka.

Izaía 49:19

Kuma ni mu ikangalakata ié, ni mu manhana mé, ni mʼoxi ié ioso ia buika, muene muoso mua-nda kutunga athu a vulu, katé a di xina-xina, o ió a kexe ku ku kunha, a-nda kuendelela dikanga.

Izaía 55:13

bhu kididi kia musonge, bhua kà sabhuka mufaia; o bhu kididi kia musuna, bhua kà sabhuka mumurta; anga kia kà fumanesa dijina dia Jihova, kià kala kijimbuete kinangenena ki kia kà bua-ku dingi.

Izaía 7:19

Anga jiza, jibutama mu makôlo a iphenza, ni mu mitanji ia matadi, ni mu minha ni mu matutu oso.

Jelemiia 14:1

Kizuelu kia Jihova kieza kua Jelemiia kia tumbula hàmba ia dikota.

Jelemiia 14:22

Manhi ku ima ia kingoho ia jijila o matumbu, kuala ki tena kunokesa o mvula? inga maúlu ma tena ku di bhela mvula? Kʼeie muene ngó, u Jihova, Nzambi ietu? Kala kiki tua kinga kokué, mbata eie uene ku bhanga ima iosuʼiii.

Jelemiia 25:11

O ixi ioso iii ia kà di bhanga kikangalakata i kituka kima ki bheka uoma; anga o miji iii ia kà bhikila sobha ia Babilonha mu makuinhi sambuadi a mivu.

Jelemiia 45:4

Eie-phe u mu tangela kiki: Jihova uambe, uixi: Tala, kioso ki nga tungu, ngi ki bula; o kioso ki nga phaphe, ngi ki vuza; kienhiki muene mu ixi ioso muenhumu.

Kuditenda 2:6

Balaka iê ua mu budila-iu ni usuéia, kala fundu mu díbhia; ni ididi iê ia kionge ua mu senguluila-iu; Jihova, o jifesa jangene ni izuua ia sabha-lu mu Ziione ua i lâmbe-mu; njinda iê ki ia di vunza, ni sobha ni nganga ki ja mu kuatela dingi kima.

Hozeia 3:4

Mbata anʼa Izalaiele a-nda kukala ue muene izuua ia nzungule ka moneka sobha, ka moneka dikota, kene ni sata, kene ni kiteka mu dibhata, mba ngó efodi.

Hozeia 9:6

Mukonda nga mono kuila ene ai mbé o kulenga kibuika, maji o Ijitu-phe ua-nda ku a tambulula, o Mefize ua-nda ku a funda mu kina; o phalata ia solele miẋima iâ, ia kà kituka undundu ua ngene ua kasau-sau, o mu jinzo jâ mua kà sabhuka minha.

Jouele 1:7

Mivide iami a i sengulula, miẋi iami ia jifiku ka i xi ni ibalabala; ioso muene a i zula ia a i takuila bhoxi; thangu ja indemvuna ja phenzuluka.

Amoji 4:7

Ku thandu dia kiókio, mvula nga mi katula na-iu ki kua kambe ngó mbeji jitatu phala ku muna idima; nga nokesa mvula mu sanzala iii maji mu sanzala ja mukuá, lémbue! Ngedi díbhia didi dia nokena, o díbhia dia mukuá ki di nokena, idima ia kukuta!

Luka 21:24

Mundu anda kubuila ku mazu a xibhata; amukuá kuia ku ubhika mu jixi joso. Jeluzaleme-phe ia kà xala mu ku i titidila kuala akua jixi jengi, a kambe kuijiia Nzambi, katé kia kà bhua o thembu ia akua jixi jengi.

Matendelelu 29:23

Mù kuila mua bhiti mbòmbe ia xofidi ni môngua oxi ioso ia seluka iazubha, kuma ia lémbua kuima, ia lémbua kusabhukisa ngó dife dimoxi; mbambe ni kia bhitile mu Sodoma, ni Ngomola, ni Adama ni Nzebouime, a a buikisile kuala Jihova kia mu kuatele o njinda ié ni kutema kuê.

Dijingunuinu 11:6

Enhá a kôla, kuma a a bhana kutena kua kuxita ku diulu, mbé ki ku sonoke mvula mu izuua iâ ia kutanga o Njimbu ia Ngana. A a bhana ue kutena kua kukitula o menha nʼa kale manhinga. A tena ue kubuikisa o ngongo ni dibhebhu dioso-dioso, kioso kia mesena ene, mu lukuxi luoso luendi.