Izaía 5:5 - O Mikanda Ikola

⁵ Ngi mʼijidise-phe kindala kioso ki nga kane kubhanga o díbhia diami dia muvide: Kikanzo kiê ngi ki muanga, nda di kale kiá dikêla dia ibhaku; o kipena kiê ngi ki lundumuna, nda a ki titidile.

Izaía 5:5 ပူးပေါင်းရင်းမြစ်များ

Dimatekenu 11:4

Exi: Ndokuenu, tu bhange mbonge, tu iudike ni kathôndo ka vula matala, ka tute ku diulu, tu fumane dijina; phala ki tu di muangene mu ngongo ioso.

Dimatekenu 11:7

Ndokuenu, tu tuluke, tu a bhidike mu kuzuela kuâ, phala a lémbue ku dʼivua mudiâ.

Nehemiia 2:3

Anga ngʼambela sobha ngixi: Sobha lola muenhu ué ni ku hádia ni hádia! Abha eme ki ngi di suuata kiebhi o pholo, se o sanzala iala o kidindu kia jimbila ja jitata jami ia senguluka, ni mabhitu mê a mʼoha mu túbhia?

Jisálamu 89:40

Imbaka iê ioso ua i bula-bula; o jimbonge je joso ua ji sengulula.

Jisálamu 89:41

Oso a bhita njila, a mu bhûnda-bhûnda; ua sebuka bhu pholo ia athu a tungu-nê bhua zukama.

Jisabhu 24:31

talesa-ze nga sange díbhia dioso dia koboka mu minha, o kibende kioso kia takana ni kasau-sau, o lumbo luê lua matadi lua lundumukina bhoxi.

Ndongixi 3:3

Sai thembu ia kujibha, ni thembu ia kusaka (kutumba); thembu ia kubula, ni thembu ia kutunga.

Izaía 10:6

Nga-nda ku mu tuma ku balukila muiji ua akua-mangonha, ngi mu tuma kuzoka ni mundu uami a bholomona o njinda iami, phala ku a bhûnda ioso ia tundu mu unhanga ni ku a tambula o madibhundila, ni ku a ta bhoxi pahala ku a diata-diata, mukua ni mathatha mu nzunga.

Izaía 25:10

Mukonda lukuaku lua Jihova luanda ku tula ku mulundu uenhú; maji Mouabhe a-nda ku mu bhiatela muene bhu kididi kiê, kala kiene kubhiatela o ibhiáxi bhu dixita.

Izaía 28:18

O kubangana kuenu ni kalungʼangombe, a kà ku selula; o kikutu ki mua te ni inferno ki kia kà nangenena; o kioso ki bhita o kibetu kala mvula ia dilúvio, kia kà mi tatesa muene.

Izaía 28:3

O kitundu kia ukumbu ua jihólua ja Ifalaimi a-nda kuà ki titidila muene bhoxi ni inama.

Izaía 32:10

Kuma mu muvu ni izuua, a kà mi titidisa muene, enu ana-ilumba mua di fiiala kinéne, mukonda o kumuna kuà kʼabhua, o ki mua bhongolola-ku ki kia moneka.

Jelemiia 18:11

Kala kikiphe, ka tangele akua Juda kindala, ni akua bhata mu Jeluzaleme, uila: Eme Jihova uambe kiki: Talenu, nga mu funha divuua phala enu, eme ngala ku mi ta kikutu kia ufe; bilukenu-ze, kindala, kala muthu a xe njila iê ia iibha, mu iukise o jinjila jenu ni ibhangelu ienu.

Jelemiia 21:4

Jihova Nzambi ia Izalaiele, uambe kiki: Talesenu, eme nga-nda ku lungulula ikumba ienu ia ita i mua kuata bhu maku menu phala ku di lua ni sobha ia Babilonha, ni akua Kaldeia, oso a mi jinguluka kuema dia imbaka, anga nga a bhongoluela muʼaxaxi ka mbonge ienhiʼii.

Jelemiia 28:8

Jipolofeta ja tu diangelelè-ku, ni eme ni eie, tundé mʼukulu-kulu a zambula jinga ima ia kukanena jixi ja vulu ni mautuminu a makota, ita ni mavuua ni kipheku.

Jelemiia 45:4

Eie-phe u mu tangela kiki: Jihova uambe, uixi: Tala, kioso ki nga tungu, ngi ki bula; o kioso ki nga phaphe, ngi ki vuza; kienhiki muene mu ixi ioso muenhumu.

Kuditenda 1:15

Jihova ua diatela bhoxi o mazonda mami moso ma ita, ma kexile nʼeme mu dibhata muene; ua ngʼixanena nzungule ia mundu, phala ku ngi sosomuena o nzangi ia minzangala iami ia mala; Jihova ua zangula kilumba, monʼa Juda, iú ua mu tuzala kala mu ditangi dia kukamena o vinhu.

Kuditenda 2:6

Balaka iê ua mu budila-iu ni usuéia, kala fundu mu díbhia; ni ididi iê ia kionge ua mu senguluila-iu; Jihova, o jifesa jangene ni izuua ia sabha-lu mu Ziione ua i lâmbe-mu; njinda iê ki ia di vunza, ni sobha ni nganga ki ja mu kuatela dingi kima.

Kuditenda 4:12

O jisobha mu ngongo, ni athu a tunga ku mundʼuku, kana, ka ki fikile, kuila o kisuéia ni nguma a bokuena muene bhu mielu ia Jeluzaleme bhobho.

Daniiele 8:13

Kia bhiti kiki, anga ngivua-ku muthu uangene uazele iu ua zuela; o muthu uangene uaiuka ua mukuá, uambela ió uakexe kuzuela, uixi: O kisuma kia jisata ja izuua ioso, kiia katé bhebhi, ni kia kutondala ku buikisa, phala kubhakula o kididi kiangene, ni mundu uê, na u titidila?

Hozeia 2:12

O mivide iê ni mifiku iê nga ka i buikisa, ioio iambe muene, uixi: lene o futu iami ia ngi bhana kuala o jisaii jami. Eme-phe nga-nda ku i kitula mixitu, anga iama ia mukáu ia kà i dia.

Hozeia 2:14

Talesa, eme-phe nga-nda ku mu sunga, anga ngiia-nê ku mukáu mu kikangalakata, o kuenhoko anga ngi mu tela maka ma mu sungisa kilunji, a mu tula mu muẋima.

Luka 21:24

Mundu anda kubuila ku mazu a xibhata; amukuá kuia ku ubhika mu jixi joso. Jeluzaleme-phe ia kà xala mu ku i titidila kuala akua jixi jengi, a kambe kuijiia Nzambi, katé kia kà bhua o thembu ia akua jixi jengi.

Dijingunuinu 11:2

Maji o lumbu luê-phe, ku kanga dia Tembulu lu xale, kana ku lu zonga, mukonda a lu bhana o matumbu a-ndu kala mu kutitidila o Mbanza Iangene ikôla mu makuinhi auana a mbeji ni kiiadi.