Izaía 5:27 - O Mikanda Ikola

²⁷ Muʼaxaxi kâ, ki muà kala muthu ua bhuila mba u tenguna; ki muà koxila muthu, mba uia ku kilu; ka kà mu jituna phonda mu mbunda, o mbâla ja haii jâ, ki ja kà batuka.

Izaía 5:27 ပူးပေါင်းရင်းမြစ်များ

I Jisobha 2:5

Kima kiamukuá eie ua kʼijiia kioso kia ngi bhanga Jouabe, monʼa Zeluia, kioso muene kia bhanga o kabhitangu jiiadi ja ifuẋi ia Izalaiele, Abinele monʼa Nedi, ni Amasa monʼa Jetele, ua a jibha, iu ua ẋamuna o manhinga ma ita mu thembu ia paze, iú ua ta o manhinga ma ita ku phonda iê ia zuata mu mbunda, ni mu jisabhatu jê ja te ku inama.

Jobe 12:18

Ungana ua jisobha uene mu u zubha-ku, anga o mukolo u a kondoloka mu mbunda.

Jobe 12:21

U takuila o ilamba mu lusebu, o phonda ia mazonda u i zozesa.

Jisálamu 18:32

Nzambi muene ua ngi bhana o ukuenze, muene mukua ku ngi xitunuina o njila iami.

Jisálamu 93:1

Jihova ua hingi ungana uê! Ua zuata kijîngo! Jihova ua zuata, ua di kutu uzonda: ixi ua i kuatesa bhu kididi kiê, ka tena ku i sendumuna.

Jisabhu 3:23

Kienhokio-phe njila ioso i uenda, ua-nda ku i enda ni kudielela sè hele, o kinama kié ki kia-nda ku dibhukana.

Izaía 11:5

O kubatula kua iuka kuene kua kà di bhanga o phonda ia mbunda iê, o kidi kiene kia kà kala phonda ia kinhonga kiê.

Izaía 45:1

Jihova uambe kiki, kua muthu uê a mʼundu ni maji, muene Silu, muthu nga mu kuata mu lukuaku lua dilu, phala muene a ngi toluele o ifuẋi bhu pholo iê, anga jisobha ngi ji sokomona miongo, phala ku mu jikuila mabhitu; mabhitu a bhingi kuila ka kà ma jika dingi.

Izaía 45:5

Eme-muène Jihova, kana-ku uengi; bhu nga kambe eme, ki bhu kala dingi Nzambi; Kuma eme nga ku zuika ni nguzu, sumbala eie kua ngʼijiia.

Daniiele 5:6

Anga kienhokio pholo ia sobha ikituluka, ilunji ia mu tandanganha katé ni miongo ia mu botomoka, jiphuna jiteketa, ji di-ṗhuṗha-ṗhuṗha bhuamoxi.

Matesu 3:4

Nzuá muenhú u kala mu zuata thanga ia ndemba ja kamelu, u di kuta phonda ia kibha mu mbunda; o kúdia kuê mahoho, ni uiki ua ditutu.

Matendelelu 32:25

Anga mu ila: ku kanga xibhata i ídia, dia, moxi kimbuua kijeja. Ki kala o munzangala ua diiala, ki kala o mona-kilumba kiluua ejiia diiala; ki kala o mona bhu maku, ki kala o velu mukua jinvi,