Izaía 5:26 - O Mikanda Ikola

²⁶ Muene ua kà leka Dibandela diê muʼaxaxi ka miji ia makanga, hé u a kà exana ni muixi, tundé ku maẋokololo maʼxi; anga a kèza ni malusolo.

Izaía 5:26 ပူးပေါင်းရင်းမြစ်များ

Jisálamu 60:4

Akua uoma ué eie ua a bhana dibandela, maji a a bhesa lusolo kuala akua mifula. (Selah.)

Jisálamu 72:8

Utuminu uê u tunda ku musanza katé ku musanza ua mukuá, mbambe o ngiji ia dikota katé ku maẋokololo maʼxi.

Izaía 10:3

O kiki-phe enu mua-nda kubhanga kiebhi, mu kizuua ki nga-nda ku mi endela, anga kuiza o kibuika ki tunda makanga? Mua kà lengela kua nanhi mu sota o disuamenu? O kijingo kienu ue muanda kuá ki tula bhebhi?

Izaía 11:12

Ua kà leka o mvela muʼaxaxi ka akua jixi; akua Izalaiele a a balakalele ua kà a ongeka, u bhongolola ue akua-Juda a di-muangene tunde ku hota jiuana jaʼxi.

Izaía 13:2

Tudikenu mvela ku mulundu uoso ua di-leka, a handekedienu; lekenu lukuaku mu a bhalule, phala a bokuene bhu mielu ia Ilamba.

Izaía 13:3

Nga uanena kiá jingonge ku mundu uami uòsole; kiene muene, o mazonda mami ue, ngʼa exana kiá, ene ku ngi banda kioso ki ngi kuata njinda, ió ene mu sanguluka mukonda dia ungana uami.

Izaía 13:4

Milôlo ia kifuxi ia dʼivisa kiá ku milundu, kala kibulukutu kia mundu uavulu; diene o dízui dia minumango ia jimbanza ni ifuẋi ia di-phopho kiá. Jihova dia Ilômbo Ieta iú bhita ni kukindana o ilômbo ia ita.

Izaía 13:5

Iú uiza kiá ku ixi ia dikanga ni kuxindumuka tunde kua suku o diulu, muene Jihova ni falamenda ia njinda iê uiza na-iu, phala kusengulula oxi ioso ieneʼoio.

Izaía 18:3

Enu oso mua tunga kulu dia mundu, nʼenu mu akua-bhata mu ngongo, kumbi di bhekela o bandela ku milundu, mu ki monenunu; o kia kà xika ue o mbungu, mu kʼivenunu.

Izaía 30:16

Mukonda enu-phe muambe, muexi: Lémbue! Sembele tua di te ku jikabalu ni tu lenge; kiene kia-nda ku mi lengesʼokio; muexi, tu mondala kiá jingelenge; kiene-phe kianda kusakalela ue o jinguma jenu mu ku mi bhesa o lusolo.

Izaía 31:9

Muene ua kà di-texila ku ndanji iê ia dilengelu, maji iene ka kà i mona mukonda dia uoma; o ilamba iê ia kà bhondalala ni uoma, kia kà mona mvela: Kiene kiʼambe Jihova, mukua túbhia tuene mu Ziione, ni dijiku diê mu Jeluzaleme.

Izaía 39:3

Bhenhobho-phe, polofeta Izaia uiza kua sobha Ezekiia, anga u mu ambela, uixi: Mala ianhá a ku ambela kima kiabhi? ene-phe a tundu kuebhi? Kuala Ezekiia: Enhó a tundu kʼoxi ia dikanga, ià eza kokuami, ku Babilonha ku a tundu.

Izaía 7:18

Mbata kià kala kiki: Jihova, mu kizuua kiókio, ua kà xika muixi mu kuixana o jihamue, jène kua suku o jihonga ja Ijitu kumoxi ni jinhuki jène mʼoxi ia Asídia.

Jelemiia 4:13

Talesa, muene ua-nda kuiza ni kubanda mukua ni matuta, ni makalu mê mukua ni ngûngu; ʼkabalu jê mu sangama jiholokoko ndenge ku lusolo. Kokolo dietu, etu tua buikʼó!

Jelemiia 5:15

Talesa-ze, eie u dibhata dia Izalaiele, nga-nda ku mi solomuena kifuxi ki tunda makanga, Jihova ua ki tange; kifuxi kia nguzu. Kifuxi kia xahulu, kifuxi kia bhingi eie o mbimbi iâ kuanda ku ijiia; kioso kia zuela eie kua-nda kutena ku kʼivua.

Jelemiia 51:27

Lekenu o mvela mu ngongo, mbungu xikenu-iu mu kaxi ka akua jixi; akua jixi a di zelese phala kuzoka-nê; bhongololenu mautuminu ma Alalate, ni Mini, ni Xikena, mu kuzoka-nê; mu kuzoka-nê katulenu kilolo, o jikabalu ji muʼendele muene mukua ni uombe ua salumuna.

Kuditenda 4:19

Akua ku tu bhesa lusolo, a betele kusangama o jinjila ji bhita bhulu ndenge. Mu ku tu landameka kuâ, o ki tuila tuia ku milundu, tuala-nâ; o ki tuia mu kikangalakata, míkala iâ tua i sange.

Izekiiele 38:17

O Jihova Nzambi, uambe kiki: Eie kʼeie-muène ió nga mu tange mu izuua iókulu, ku ukunji ua abhikʼami, o jipolofeta ja Izalaiele, ió a tange o upolofeta mu ndumba dia mivu mu izuuʼomo, ngixi, nga-nda ku ku bheka mu kuzoka-nâ?

Jouele 2:7

Kia kà lenga, a kà lenga ni uzonda uoso, mu ku sambela ku imbaka ela kala iiala ia manekena kuia ku ita! Mu kuenda, muthu ni njila iê, muthu ni njila iê, maji ku muxinda kuala ka kà tunda-ku.

Habakuke 1:8

O jikabalu jâ, mu ku bhebhuluka ni ku sangama, jingu ndenge; mu ku dimuka ue kota, o itôto mu ngoloxi ndenge; o a mondala-ku enda ni ku di muangena kuene kuoso; kiene muene, amondadiʼê a kà tunda makanga, a di leka lusolo mu kubhita bhulu mukua ni jiholokoko ki jilengela ku mbole mu kúdia.

Zakadiia 10:8

Eme nga kà exana ni supiia, nga kà a bhongolola kuma eme nga a kula kiá; anga a kà di sokolola dingi kala kia di sokoluele mu ukulu.

Malakiia 1:11

Kuma tunde bhu tundila dikumbi katé bhu di fuila, o Dijina diami dia kà kala kima kionéne ku miji ioso. Mu ididi ioso Dijina diami a kà di ohela uasu ua dizumba ni ku di bhela jisata ni maujitu mazele kiambote. Mukonda Dijina diami dionéne mu miji ioso. Kiene kia tange Jihova dia Ifuẋi.

Matendelelu 28:49

Jihova ua kà ku kasela muiji ua akua makanga ku jihota jʼaxi, uijiia bhulu mukuâ ni holokoko ia di ambatesa ni kuôna; muiji ua athu a dingula a bhingi o dízui dia zuela eie ku tena ngó ku dʼivua;