Izaía 5:25 - O Mikanda Ikola

²⁵ Ki kia bhangesa o njinda ia Jihova ku uama ku thandu dia mundu uê, iú ua sunununa lukuaku luê, iú ua a bhana kaxitiku, katé ni milundu ia teketa; o imbi iâ iedile kala maxita muʼaxaxi ka nzunga; ku thandu dia iosuʼiii, njinda iê ki ia suku, maji lukuaku luê hanji ua luʼoleka.

Izaía 5:25 ပူးပေါင်းရင်းမြစ်များ

I Jisobha 14:11

Uoso kua Jelobouamu u fuila mu sanzala, a kà mu dia ku jímbua; o uoso u fuila mu iangu ku mikáu ia hatu, ua kà diua ku jinjila ji bhita bhulu, mbata Jihova ua ki tange.

I Jisobha 16:4

Muthu uoso ua tokala kua Bahasa, u fuila mu sanzala, jímbua ja kà mu dia; o uoso mukua bhata diê u fuila mu iangu ku mukáu a kà mu dia ku jinjila ji bhita bhulu.

I Jisobha 21:24

Mukua Akabe ió u fuila mu sanzala, a kà mu dia ku jímbua, uoso u fuila mu iangu, jinjila ji bhita bhulu jene ja kà mu dia.

II Jisobha 13:3

Anga o njinda ia Jihova i uama ku thandu dia Izalaiele; Nzambi hé u a bhakula bhu lukuaku lua Hazaiele, sobha ia Sídia, ni bhu lukuaku lua Benehadade, monʼa Hazaiele, izuua ioso ieneʼoio.

II Jisobha 9:37

O kimbi kia Jezabele kia kà kala mukuâ ni ditobe ku thandu dia mavu mu kiẋimbu kia mukáu ua Jizeleiele; kia kà bhonza ku muʼila, exi: Iú muene Jezabele.

II Malunda 36:16

Maji ene-phe, o jiphunga ja Nzambi a ji bhange kasekelu, a kambe kusuua o maka mê, o jipolofeta jê aia ni ku ji sebulula, katé o njinda ia Jihova ki ia bande kinéne ku mundu uê, ni milôngo dingi ia kubhanga ki i moneka.

Jobe 9:13

Nzambi ka kà fudisa kutema kuê o akuatekexi a di zangeleka a kà bhetamena muene bhoxi.

Jisálamu 106:40

Kia bhangesa o njinda ia Jihova kuuama kala túbhia, kia tala ku povo iê; ni undundu uê ua mu kuata fokoso.

Jisálamu 114:7

Teketa muene u ixi ia kimi, bhua ku tukulukila muene Ngana, bhu ua mono o pholo ia Nzambi ia Jakobo.

Jisálamu 18:7

Bhenhobho ixi i tunguta, hé i teketa; madisesa ma milundu ma setuka bhu kididi; kua teketa mukonda njinda ia mu kuata.

Jisálamu 68:8

Ixi i kala mu tunguta, ku diulu ku sonoka mvula, mu kumona Nzambi ua tukuluka; Sinai iú u teketa iuná mu kumona Nzambi, Nzambi ia Izalaiele.

Jisálamu 77:18

Dízui dié dia kunumina a dʼivila mu kibhungu; kutelaka kué kuazelesa mu ngongo ioso; o ixi i zamba, i tunguta.

Jisálamu 78:38

Muene-phe mu kulenduka kuê, u a loloka o kubhukumuka kuâ, ka ẋikina ku a buikisa; u ki bhanga, u tona, kia kusosolola o njinda iê, né ua vunzuka ni kutema kuê, ka zubha.

Jisálamu 83:10

A buidila bhu Endodi, imbi iâ anga i biuluka ditobe dia mavu.

Makatukilu 7:19

Jihova anga u ambela Mozé, uixi: Ambela Alá, uixi: Kuata mbangala ié, u sununune lukuaku lué ku thandu dia menha ma Ijitu, ni ala mu jihonga, ni ala mu milombo, ni ala mu mazanga ni mu majiia, ene oso a kituke manhinga; ku kale manhinga mʼoxi ioso ia Ijito ni mu itutu ia miẋi, ni ia matadi.

Izaía 10:4

Ni mu kambe ku di buila-buila muʼaxaxi ka jihutile ni kubuila ngambo muʼaxaxi ka iimbi? Ku ima ioso iii, njinda iê ki bhene bhu ia suku, maji hanji kia sunununa o lukuaku luê.

Izaía 10:6

Nga-nda ku mu tuma ku balukila muiji ua akua-mangonha, ngi mu tuma kuzoka ni mundu uami a bholomona o njinda iami, phala ku a bhûnda ioso ia tundu mu unhanga ni ku a tambula o madibhundila, ni ku a ta bhoxi pahala ku a diata-diata, mukua ni mathatha mu nzunga.

Izaía 14:19

Eie-phe mbila ié ia ku lusu kala thangu ia bolo, mukuâ ni kizuatu kia iimbi iafu ku xibhata; uedi kala athu a seiela mu phudi ia matadi, ua di-fuangana mukutu ua muthu uafu ia a mu u diota-diota.

Izaía 23:11

Muene ua senununa lukuaku luê ku musanza ua kalunga, mautuminu ua ma titidisa; Jihova ua bhana ngonge ia kúlua Kanana, phala o jimbonge jê jiie bhoxi.

Izaía 25:11

Anga ua kà zanza maku muʼaxaxi kâ, kala kiene ku ma sanzumuna o muzoui phala kuzôua; kuma muene-phe ua-nda ku a katula o ku di-tudika kuâ, ni kusakalala kua maku mâ.

Izaía 29:2

Hanji-phe, Adiiele nga-nda ku mu ta bhu kíbhidi, bhuà kala ngololo, bhuà kala mukondo; diembuʼidi dia-nda ku ngi kala kiua Adiiele ia kidi!

Izaía 42:25

Kiene kia bhangesa Jihova ku a lunduluila o kutema kua njinda iê, ni kusuina kua ita, iu ua a te mukonda ua milengo mu jimbandu; maji hanji-phe a ẋinukʼâ; iu ua a oha-phe, maji ene-phe ki kia a kuatela kima, a lémbua ku ki ta o muẋima.

Izaía 51:20

O anʼéambuka kiá, usanga a tandelela mu mabokuenu ma jinjila joso, edi kala jisoko jafu mu uanda; a bhondalala, ni kutema kua Jihova, ni kibazu kia a bazela Nzambi ié.

Izaía 64:3

Kala kiná ki ua kexe kubhanga madiuanu a bhingi kiluua tua a mona, ki tua a kingile, kioso ki ua tuluka jinga, milundu anga i di keleka mukonda dia pholo ié.

Izaía 66:15

Mbata, talesa-ze, Jihova ua-nda kuijiia mu túbhia; o makalu mê mu kuenda mukuâ ni kitembu kia kita-phe-phe nʼa kà bilula njinda iê anga i uama, o kibazu kiê milengo ia túbhia.

Izaía 66:24

Ene-phe a kà tunda mu kutala, anga a kà mona imbi ia athu oso a bhangele ima ia ku ngi bhumina; mbata dibhuka diâ ki dia kà fua, o túbhia tuâ ki tua kà jima dingi; anga enhá a kà kala kisunji ki kuatesa uoma ku xitu ioso.

Izaía 9:11

Kala kiki, o Jihova ua-nda ku mu fundumuina jinguma ja Lejime, o nguma jê ue muene ua-nda ku ji funhisa.

Izaía 9:16

Mbata asonguedi a mundu iú akua-mangonha, oso ala ku a kaiela, a kà buila.

Izaía 9:17

Kala kiki o Jihova ka tena ku kala ku ngalasa ni minzangala iâ, o jihukunhi jâ ni atudiʼâ, Jihova ka xikina ku a kuatela henda, mbata ene-oso akua-mangonha, akua-phulu, makanu mâ mazuela ulaji uoso. Ku ima iosuʼiii-phe, njinda iê ki bhene bhu ia suku; maji hanji kia sunununa lukuaku luê.

Izaía 9:20

O kia sutunuina ku mbandu ia dilu, nzala ki i bhu, o kia dila ku kiasu, kekuta luua: Kala muthu ua kà dia xitu ia lukuaku luê.

Izaía 9:21

Manasa ni Ifalaimi, Ifalaimi ni Manasa, kiiadi kiâ a balukila Juda; ku ima iosuʼiii-phe, njinda iê ki bhene bhu ia suku, maji hanji kia sunununa o lukuaku luê.

Jelemiia 15:3

Kuma nga-nda ku a endela ni mavuua ma uana, eme ngi Jihova, ngiia ni xibhata phala ku jibha, ni jimbua phala ku a koka, ni jinjila ja bhulu ni iama ia bhoxi, phala ku a zokonona ni ku a jikinisa.

Jelemiia 16:4

Kuma a-nda kúfua ni mahaxi ma xixima, ki bhuanda kuẋikina ku a dila mba ku a funda; a-nda ku kituka kala ditobe ku mukáu; a ka jikinina ku nzala ni ku xibhata, o imbi iâ ia kà kala kudia kua jinjila ja bhulu ni kua iama bhoxi.

Jelemiia 17:4

Eʼ muenhé-phe ua di bhange-kiu, eie ua-nda ku di kakula ubhinganu ué, u nga ku bhele, anga ngi ku bhangesa ku bhikila o jinguma jé, mu ixi kua ijiia; kuma o túbhia tu ua bambula ku njinda iami tuà uamena-ku muene katé ku hádia ni hádia.

Jelemiia 4:24

Tala, nga kengelela milundu, nga i mono i teketa; o malundu me moso ma di nhika-nhika.

Jelemiia 4:8

Kala kiki zuatenu idinhaji, dilenu dikokolo, endenu ni kukumba mbata o kutema kua njinda ia Jihova ki kua tu eha.

Jelemiia 6:12

O jinzo jâ a kà ji xila athu engi, ni itaka iâ, ni akajiʼâ bhuamoxi; mbata nga-nda ku sunununa o lukuaku luami mu kuhuha o atungi-a-mabhata aʼxi iii, Jihova ua ki tange.

Jelemiia 8:2

Anga a i aneka ku muanha, ni ku mbeji ni ku ilombo ioso ia diulu, ia zolele ene, ia bhikila jinga, ia kaiela jinga, ia kexile mu kusota, ia a kexile ku i diundila: ka kà i ongeka, né ku i funda; ia kà xalela ngó mukua ni ditobe ku thanduʼa mavu.

Jelemiia 9:22

Zuela: Eme Jihova uambe kiki: Katé ni imbi ia athu, ia-nda kutakujuka kala ditobe mu mukáu ua dianeka, mukuá ni phunga ia kidima ia xala mua bhiti o mubhongolodi, o u i bhongolola ka moneka.

Kuditenda 5:22

Phala-hi, eie Ngana, u tu ximbuka ni ku tu dila hunji kiki? Phala-hi iene u tu balukila ni ku tu kuatela njinda iadikota kala iii?

Izekiiele 15:6

Kala kiki, Jihova Nzambi uambe kiki: Mukuâ ni muvide muʼaxaxe ka miẋi ia ditutu, u ngene mu kubhakula ku túbhia phala a u jikinise, kiene ue ki nga kà bhakula oso a tunga mu Jeluzaleme.

Izekiiele 30:25

Eme-phe, nga kà zangumuna o maku a sobha ia Babilonha, maji o maku a Falaó a kà laúka; hé a kà kʼijiia kuila eme ngi Ngana, kioso eme ki nga-nda kuta o xibhata iami bhu lukuaku lua sobha ia Babilonha, o muene hé ua kà i zengela ku thandu dia ixi ia Ijitu.

Izekiiele 6:14

Nganda kusunununa o lukuaku luami ku thandu diâ mu kuzoka-nâ, o ixi anga ngi bhangesa kusenguluka, i beta kusenguluka o kikangalakata kia mbandu ia Dibalata ndenge, mu mabhata mâ moso; nda a kʼijiie kuila eme muene ngi Ngana.

Daniiele 9:16

Jihova tata, mukonda dia jihenda jé ja vulu kinéne, sondolola njinda ié ni kutemanana kuosʼuku ku ua tula ku thandu dia dibhata dié dikôla Jeluzaleme, uene ku mulundu ué uangene; mukonda o ki tualʼiki ituxi ietu, ni ikuma ia jitata jetu, iabheka môndo kua Jeluzaleme ni ku mundu ué, ala ku tu ta-u muene kuala athu oso u tua tunga-nâ a tu kondoloka mu jimbandu.

Hozeia 14:4

Eme nga-nda kuilula o kuxibhaka kuâ ni kudianguka kuâ, anga ngʼa zola muene ni muẋima uoso, mukonda njinda iami ku thandu diâ ki iala-ku dingi.

Amoji 8:8

Mukonda dia kienhiki, ixi i kamba kuteketa? Oso a tungu momo a kamba kudila? Mavu oso a kà zangumuka muene kala kingiji kiónene; a kà di takula kala ngiji ia di bhange masenza, anga hungulule iê i bhubhuluka dingi mukua ni ngiji ia Ijitu.

Mikeia 1:4

O milundu bhoxi dia inama iê ia kà sengumuka, ni jihonga ja kà dibula misula mukuâ ni kixila kia uiki kia zukama ku túbhia, mukuâ ni menha ki ma lundumukina mu dikenhe.

Nahumu 1:5

Bhu pholo iê milundu ia makota itunguta, o milundu iofele isengumuka; oxi ia kà di nhikisa bhu pholo iê, ni ngongo, ni oso a tungu-mu.

Habakuke 3:10

O milundu ia ku mono, ì ia teketa; kua bhiti kihungulule kia menha; o dikungu dia mukiukuluku, ki di moneka hole, a dʼivu dízui diê ni kuleka muene o maku mê bhulu.

Sofoniia 1:17

Athu nga kà a tatesa anga mu kuenda kuâ a biluka kala ifuófuo, mukonda a te ituxi kua Jihova; o manhinga mâ ma kà di muangena bhoxi kala fufuta, o mikutu iâ ia kà kituka mukuâ ni ditobe.

Matendelelu 31:17

Mu kizuua kienʼokio bhene-phe kiá bhua-ndu uamena o kutema kuami, anga ngʼa ehelelela, pholo iami ngi i lungisa kiá kuengi, phala a a jikinise; a-nda kutala hadi ni jiphaxi javulu, anga a kʼèla: O hadi ioso iii ia tuʼijila mukonda Nzambi ietu muʼaxaxi ketu kʼala-mu, ki kiene?

Matendelelu 31:18

Né kienhókio, Eme-phe mu kizuuʼomo o pholo iami nga kà i sueka hanji muene, mukonda dia ituxi ioso ia-nda kubhanga ene mukonda dia kualukila kiá jinzambi jengi.

I Tesalonika 2:16

Etu tuandala tu zuela ni akua jixi jengi, phala a bhuluke, maji ene a tu kidika. Mu kubhanga kiki-phe, hanji a kuata kutenesa o konda ia ituxi iâ iene mù ta. Maji-phe kindala kua a tulukila o njinda ia Nzambi, katé bhu mbambe ku thandu diâ!

Dijingunuinu 20:11

Kia bhiti imʼíii, nga mono kiandu kia dikota kizela, ni muène ua xikama-bhu. O mu kulenga pholo iê, oxi ni diulu ia jimuka, ki ia moneka dingi ku mesu.