Izaía 5:23 - O Mikanda Ikola

²³ ni ió oso a lungisa mukua phulu, kabasa ua a bhana diminhinu; o ua lungu anga a muʼelesa!

Izaía 5:23 ပူးပေါင်းရင်းမြစ်များ

I Jisobha 21:13

Bhenhobho kuiza malʼaiadi anʼa Kadiaphemba, hé emana bhu pholo iê; anga mala enhá ana Kadiaphemba, a tatela Nabote ni umbangi ua makutu, bhu pholo ia kifuẋi, exi: “Nabote ua ẋonguena Nzambi ni sobha”. Anga a mu ambata ku kanga dia sanzala, hé a mu búba ni matadi anga u fua.

II Malunda 19:7

O kiki-phe, uoma ua Jihova u kale ni enu; alukenu-kiu, mu ki bhange; kuma kua Jihova, Nzambi ietu, ki ku moneka kituxi, mba kusuua jipholo ja athu, mba kuẋikina maujitu.

Jisálamu 94:21

A di vubula kumoxi enhoso mu kúdia ió aiuka, a jibhisa ió kala ni kikuma mba mulonga.

Jisabhu 17:15

Moxi o muthu u lungisa o kisuéia, kadi o muthu uelêsa o muiuki, kiiadi kiá k muene, Jihova ua di zemba-nâ.

Jisabhu 17:23

Mukua phulu u tambula diminhinu mu kasuèkele, mbé kubilula kidi kioso kia uanji ua kubatula kiambote o dimanda bhu milonga.

Jisabhu 24:24

Uoso uambela o kisuéia kuma: Eie ua lungu, mundu u mu tanga ikuma, o miji ioso i mu dila hunji.

Izaía 1:23

Makota mé ma mbonge a bhukumuka, a di bundu kumoxi ni miii; kala muthu mudiâ, ki ua a monuʼokio, a uabhela kitadi kia kudiodia milonga, bhua mona o nganhu usanga aia lusolo; hukunhu, o ku mu batuila milonga, u a lémbua; kene kusuua dimanda dia atudi.

Izaía 10:1

Lamba dia ió oso a bhana jingonge ja mangonha! Lamba dia asoneki akua kusoneka jingonge ja ku talesa athu hadi!

Izaía 10:2

Mbé kubhanga o phulu mu ku fundisa o jingadiama ni kukatula o kulunga ku jiphulungu ja mundu uami; phala o kubhûnda atudi, ni kunhana o jihukunhu.

Izaía 28:7

Maji ni athu enhá ue, a tondala mukonda dia vinhu; a lueza o njila mukonda dia uhôlua ua lulu kinéne, enda ni ku bhendujuka; katé o nganga ni musesedi a tondala ue, mukonda dia uhôlua ua lulu kinéne; o vinhu ia a jikinisa; a jimbila o njila, kingumba o kúnua uhôlua ua lulu; a tondala mu ixinganeku, a di bhukajana mu kilunji.

Izaía 29:21

ni oso a uabhela kutuika mulonga ku muthu mu diba dimoxi ngó, a sota o ndunge ia kukuata oso a a bazela bhu muelu; o muthu uaiuka a sota kioso kia mu uanuna mu dianda diâ, sè kikuma.

Izaía 32:7

O jindunge joso ja kinjenje, jaiibha; o muene u funha isunji, mbé o kujikinisa oso a lenduka ni maka ma mangonha, né kiá o phulungu ua zuelʼé ima ia kuiuka.

Izaía 59:15

Kiene muene, o kidi a ki jimbi, uoso uila nguami kubhanga phulu, o ió, bhulubhulu dia ku mu bhunda. Jihova ua ki mono, ki kia mu iibhila ku mesu mê, kuila, o kubatula milonga mu kidi, ki kuala-ku.

Amoji 5:12

Mukonda eme nga kʼijiia muene kuila itondalu ienu ia ndumba, ituxi ia mi kala jinzungule; muthu ua iuka, enu mu mu tatesa; ku milonga, mu tambula nduta; a bhindama kia kuendela, eie ua a jikila dibhitu mu pholo.

Mikeia 3:11

O atumini-â, milonga a i batula ni kutambula maujitu, o jinganga jâ mu kulonga a longa ni kukinga ku a futa, o jipolofeta jâ kiela kuzambula, azambula phala kutambula kitadi; anga a tatela Ngana, exi: O Ngana muene, mbé ki iú-ue-iú muʼaxaxi ketu? Ki bhuala kia ibha ki tu bhiẋila.

Mikeia 7:3

Maku mâ a beta kuijiia kubhanga ni uhete o ima iaiibha; ni monʼa ngana u jiza ni ku tokuesa; o mufundixi u lengulukila kubatuila kuoso kua tena kutambula futu; o kota-dia-ngana mu kuzuela, o luimbi lua mu kala moxi diê ka lu sueka dingi; kienhiki ene oso anga a kala ngó akua kubhanga kavuanza.

Matesu 23:35

Phala o manhinga moso ma athu aiuka ma dizunza mu ngongo ni ma kèza ku thandu dienu, tunde ku manhinga ma Abele, o muthu uaiuka, katé ku manhinga ma Zakadiia, monʼa Balakiia, mua mu jibhila bhu kaxi dia kididi kikôla ni kalatódio.

Matendelelu 16:19

Kana kudiodia dimanda; kana kubhanga katungu ka athu; kana kutambula kitadi kia diminhinu, mba kima kioso-kioso kia ku ku bhomba, kuma o kitadi kia diminhinu ki bheka ufofo ku akua mesu; kiselula uanji ua oso ejidile kutetulula mu kidi.

Tiiaku 5:6

Athu ka moneka kikuma enu mu a êlesa hé mu a jibha, sumbala ene ka tena ku mi bhanga kima kioso-kioso kiaiibha.