Izaía 5:22 - O Mikanda Ikola

²² Lamba dia ió oso a di bhanga indanda mu kúnua o vinhu, o bhuala o kuketa makiákia, usanga a handamana,

Izaía 5:22 ပူးပေါင်းရင်းမြစ်များ

I Jisobha 20:16

Anga a tunda mu kaẋi ka kizuua, kienhoko Bene-hadade uala mu kúnua ni kukodiua mu jifundu, ni muene ni makuinhʼatatu a ʼsobha ni jiiadi, jejile ku mu kuatekesa.

Makatukilu 23:8

Kana kutambula kitadi kia ku ku bhomba, kuma kitadi ki bheka ufuófo ku akua mesu; ki bheka kuila, o maka a ió uaiuka, ela mu kubhengalala.

Jisabhu 20:1

O vinhu i bheka ulaji, uálua ua lulu u bheka jinzaia; o uoso u di texila mu ima ienhiʼii, u biluka kiôua kia hatu.

Jisabhu 23:29

Mukua-hi u di kola-kola ni kudila dikokolo? Mukuahi u bhita, ni jingongo? Mukuahi u bhânga-bhânga jimvunda? Mukuahi u kala ngó mu tangelela? Mukuahi uizala ni jifidila ja ku di kuama-kuama ngó? Mukuahi u kusuka o mesu?

Jisabhu 31:4

Lumuuele, tata, jingana ki kia a fuama o kúnua vinhu, anʼa jingana ala kutumina ki kia a fuama o kusola makunua ma kodiuisa.

Jisabhu 31:5

Phala ki kibhite kuila ela anua, a jimba o kitumu anga a selula o kidi kia tokala kulungisa o jiphulungu.

Izaía 22:13

Maji o kiki-phe, uamono, muala ku kemba ni kusanguluka, mu jibha jingombe, mu jibha jimbudi, mu-dia xitu, mu-nua vinhu, mu amba muixi: Tu dienutu, tu nuenutu, mungu tu kane o kúfua!

Izaía 24:9

Kʼanda kúnua dingi vinhu ni kuimba; o uhôlua u kodiuisa kinéne oso a u nua ua kà a ludila.

Izaía 28:7

Maji ni athu enhá ue, a tondala mukonda dia vinhu; a lueza o njila mukonda dia uhôlua ua lulu kinéne, enda ni ku bhendujuka; katé o nganga ni musesedi a tondala ue, mukonda dia uhôlua ua lulu kinéne; o vinhu ia a jikinisa; a jimbila o njila, kingumba o kúnua uhôlua ua lulu; a tondala mu ixinganeku, a di bhukajana mu kilunji.

Izaía 5:11

Lamba dia ió oso akua ku dimeneka mu kusota uhólua; anga a nangenena kueneʼoko katé mʼusuku, katé kia zezuka ni vinhu!

Izaía 56:12

Ene kia di ambela, ela: Zenu, nga-nda kuiza ni vinhu, nda tu nue tu kodiue; lelu kiene mungu ue kiene, maji mungu tuxia muene fuma.

Habakuke 2:15

Lamba dia ió uoso u bhana mukuá kunua uhólua! Eie uala ku mu zukamesa o kisudi kié, anga u mu kodiuisa, phala kioso kia zula ni u mu tale tuẋi iê.