Izaía 5:2 - O Mikanda Ikola

² Ua di kondoluesa kikanzo, matadi ua ma sengulula-mu, iú ua phaphe-mu mivide ia mbutu iambote; o muʼaxaxi ka díbhia dia muvide ua tungu-mu inzu ia matala, iú ua iudika-mu ue ditangi dia kuketela vinhu; iú uene kudielela kuila muvide uima ji-uva jauabha, maji uene ua bhana ikola-kola.

Izaía 5:2 ပူးပေါင်းရင်းမြစ်များ

II Samuuele 7:10

Mundu uami ua Izalaiele nga a bhana kididi, nga-nda ku a phapha phala a tunge a some, ka bhingi dingi kutáula; isuéia ki i kala dingi mu ku a tatesa kala mʼokulu,

Nehemiia 13:15

Mu izuuʼomo-phe anga ngi mona athu mu Juda a mu kama vinhu kia sabhalu, ni kubheka ita ia idima ku makundʼa jibulu; a bheka ue vinhu, ni ji-uva ni ji fiku, ni imbamba ia idifua ioso, i a kexi mu kuiza na-iu mu Jeluzaleme mu kizuua kia sabhalu; anga nga a bazela ngixi kiki ki kizuua kia kusumbisa mákudia.

Jisálamu 80:8

Eie ua vuza muvide ué mu Ejito; kunu matumbu ua a kaia, muvide ué eie ua u phaphe.

Jisálamu 80:9

Ua u iudikila kididi, muvide ua kuata, iu ua zande oxi ioso.

Makatukilu 33:16

Kuma ki tualʼiki, a kʼijiia kiebhi kuma tua sange ngalasa ku mesu mé ni eme ni mundu ué uenhú? Ka kʼijidila mu kuila tuendela kumoxi, eie muene i uala ku tu bheka, bhene muene bhu tu di tunguila, ni eme ni mundu ué, ku mundu uoso mu ngongo.

Izaía 1:8

Monʼa kilumba mu Ziione, ua xalela mukuâ ni fundu mu mábhia a mivide, kala muionga mu mulenga ua manhungu, uedi kala ki kala o mbanza iòkondoloke ku jinguma.

Izaía 5:7

Mbata o díbhia dia muvide ua Jihova dia Ilombo Ieta phe, o dibhata dia Izalaiele; o athu êne mu Juda, ene o phaphu iambote ia phaphe-mu; Jihova phe ua dielelele kuila ende ni kubhanga ima ia kuiuka, maji talesa hanji o ungumba uâ! Bhua kingile o kidi, o kuiuka, bheza ngó jingololo!

Jelemiia 11:17

Mbata Jihova dia Ilombo leta, ua ku phaphe, muene ua ku xindila divuua, mukonda dia usuéia ua bhange o dibhata dia Izalaiele ni ua dibhata dia Juda, dia di bhangela ene, a ngi lokalala o njinda iami, mu kuohela uasu ua dizumba kua Bale.

Jelemiia 2:21

Eme muène nga ku phaphele kala muvide ua mbutu ia uabha, mbutu ia mbote ia kitongola; ua kituka kiebhi-phe u mbutu ia seluka, kala muvide ua muxitu?

Hozeia 10:1

Izalaiele ua di bhange muvide ua di zandela, uala kuima ngó ibundu phala muene; kia vulu ibundu iê, kiene ue kia di vudixila jikalatódio jê; kala kia uabha oxi iâ, kiene ue kia di iudikila o iteka iâ ia matunda.

Mikeia 4:8

Eie-phe, eie u ditala dia dileka dia kilunga, eie u mulundu ua monʼa Ziione ua muhatu, ko-kué eie muene, kuene kuà kʼeza o kutumina kua xahulu, o utuminu ió ua monʼa kilumba, Jeluzaleme.

Dialuilu 23:9

Tundé ku thandu dia matadi nga mu mono, ku milundu ngi mu tala iuná; kifuẋi kiê, kifuẋi kia di tungidila, ka moneka akuâ a soko-nâ.

Matesu 21:19

Kia mono mufiku bhu mbanduʼa njila, u bhiẋila-bhu. U sanga-phe kana-ku kima, máfue ngó mala-ku. Muène anga u uambela, uixi: Ko kué ki kuà kale dingi kibundu! Muẋi anga u lela kindala.

Matesu 21:33

Ivenu kifika kiamukuá: Kua kexile mukua dibhata, u dimisa mulenga, u u xita kikonzo, u kanda-mu ditangi dia kukamena vinhu, hé u tunga-mu inzu ia matala ia kulangidila, anga u u lukalesa ku idimakaji, anga uia ixi iengi.

Matesu 21:34

Kuila thembu ia idima ia zukama kiá, u tuma jiselevende jê ku idimakaji kutambula idima iê.

Marku 11:13

O kia mono mufiku mu kanga, uala ni ifuakasa, u bhixila, sumba u bonga-ku tufiku. Kia u bhiẋila-phe, u sanga ifuakasa ngo iala-ku, kuma ki iene o thembu ia jifiku.

Marku 12:1

Anga Jezú u kuata ku a tela ifika, uixi: Kukala muthu u dimisa mulenga ue ua mivide, u u xita kikonzo, u kanda ditangi dia ku kamena vinhu, he u tunga kithungu kia di leka phala dikengelelu dia ku talesa ioso mu dibhia, anga u u lukalesa ku jingunza, muene uia kuengi mu uenji.

Marku 12:2

Ku tula bhu thembu ia tokala kubhongolola idima, u tuma mubhika ku jingunza, phala kutambula-ku ibundu ia mulenga.

Loma 9:4

Ene akua Izalaiele, o muiji uòsole kua Nzambi iú ua a bhange anʼ ê, iú ua a bhana ue ku fuma iê. Uate-nâ o ikutu iê, iú ua a bhana o Kitumu. O kubheza kua kidi ala na-ku ene, iá a tambula o jipolomesa ja Nzambi.

I Kolindo 9:7

Dikuenze kuẋi ki aia ku ita, muene u sota o huta iê? Mba nanhi u phapha dibhia dia ji-uva nʼ a kambe kudia ku idima iê? Mba nanhi u bhila kilunga nʼ a kambe kutambula ku lete i bhana o kilunga?

Matendelelu 32:6

Mbé Jihova kiene ki mu mu vutuilʼokio? Muiji ua tobho ua kambe kilunjí? Mbé Jihova ki muene Tatʼenu ua mi kula, ua mi bhanga, iu ua mi bhana o kutunga ni kusoma?

Afundixi 16:4

Kia zubha o kubhanga kiki, u zola dingi muhatu mu honga ia Soleke, dijina diê Dalila.