Izaía 5:18 - O Mikanda Ikola

¹⁸ Lamba dia ió, oso o kubhuma a kusunga ni mikolo ia izala, o ituxi a i sunga ni mikolo kala makalu.

Izaía 5:18 ပူးပေါင်းရင်းမြစ်များ

Jisálamu 10:11

Anga u tanga ku muẋima uê, uixi: Nzambi iú kuebhi-ze? Muene ua jimbi-ku kiá, ua di futu o pholo iê, ka-nda ku ki mona.

Jisálamu 14:1

Kiôua u kí amba ku muẋima uê, uixi: Kana-ku Nzambi. Athu ene oso muene ala ifusa, a bhanga imbamba ia isunji, ki bhuala ngó muthu u bhanga mbote.

Jisálamu 36:2

Kuma o muthu mu kuxinganeka kuê, u di bhomba kuila kituxi kiê ki kia-nda kutukuluka, phala athu ku mu sebulula.

Jisabhu 4:17

A kaka mu kudia mbolo ia ngene, anua vinhu ia kubhunda.

Izaía 28:15

Enu, kuma muambe, muixi: Kalungʼangombe tua bangana-nê, o inferno tuate na-iu kikutu kia ukamba; kioso kia-nda kuiza divuua dia kibeto kala mvula ia dilúvio, etu ki kia-nda ku tu bhixila, kana; kuma dilengelu dietu o makutu, disuamenu dietu o kudinga o kidi.

Jelemiia 23:10

Kuma oxi iezala akua jiphanda, oxi ue i idila mukonda ia tambula kiá mázui: o makela ku tutu ia kukuta; kaxi o uendelu uâ ua ibha, o kusuina kuâ ki kua uabha.

Jelemiia 23:14

Maji mu jipolofeta ja Jeluzaleme nga di uana-mu kisunji kionéne: èhé, a kuata ku-ta o jiphanda, a di-ambatesa ni kádia, o maku ma ingumba ene dingi a ma suinisa, mbé a lémbue kudiela o ikuma iâ; o ki nga ela suí, edi kala Sodoma, akua-bhata momo, mukua ni Ngomola.

Jelemiia 23:24

Jihova uixi: Saiku muthu u suama muene mu masuamenu, eme hé ngi lémbua ku mu mona? Manhi eme ki ngiʼzala mu diulu ni mu ngongo? Jihova ua ki tange.

Jelemiia 36:23

Anga ki bhita kuila Jehudi kia tange-ku kiá mafe a tatu mba a uana a malanda, sobha u katula nivete ia musoneki anga u batula na-iu o dilanda anga u di vubula mu túbhia tuala bhu kienga kia makala katé ʼIanda dioso ki dia jokota mu túbhia tua kexile bhu kienga.

Jelemiia 5:31

O Misesedi a tanga ima ia makutu, o jinganga a tumina ku maku mâ-ene; o mundu uami uene, kiene ue kia a uabhela; o ku kia kà suka mua-nda kubhanga kiebhi?

Izekiiele 13:22

Mbata enu o muẋima ua muthu ua iuka mua u bhekesa dilamba ni mangonha menu, o muene eme ki ngi mu tatesa; enu mua suinisa o maku a mukua phulu, phala mu njila iê iaiibha ka tundu-mu, nʼa kole muenhu;

Sofoniia 1:12

Anga kià kala-phe kiki: Mu izuuʼomo nga kà solokota Jeluzaleme ni tundeia, nga kà bhana kastiku ku athu a xikama ku mavunze a vinhu, anga a zuela ku miẋima iâ, exi: Kua Ngana ki kuizé kima. Kuma Jihova imʼii kene ku i suua, kuila ubhanga kiambote mba ubhanga kiaiibha.

Nzuá 16:2

Mu malombe, jinzo ja kusambela Nzambi, a-ndu mi kaia-kaia-mu! Kumbi dia-ndu kuiza dia kuila, uoso u mi jibha, u fika muene kuma ua bhange kia uabhela Nzambi.

Jipoxolo 26:9

Eme-muène nga fikile kidi kuma, nga tokala kubhanga ima iavulu ia kuẋinukina o dijina dia Jezú dia Nazalé.

Afundixi 17:13

Mika anga u amba, uixi: Kiki nga kʼijiia kiá kuma Jihova ua-nda ku ngi bhanga mbote, kuma ngala ni levita u kala nganga iami.

Afundixi 17:5

Diiala dienhidi, Mika, anga u kala ni inzu iê ia jinzambi; u iudika ni efodi ni jitelafini, u xingidisa monʼê umoxi ua diiala mu ku kala nganga iê.