Izaía 5:16 - O Mikanda Ikola

¹⁶ Maji o Jihova dia Ilômbo Ieta, mu kufundisa kuê, muene u tambula fuma; Nzambi, Ukôla, ua-nda ku di-tungula muene mu kulunga kuê.

Izaía 5:16 ပူးပေါင်းရင်းမြစ်များ

I Malunda 29:11

Unéne ué eie u Jihova, ni kutena, ni kijingu, ni kutolola ni ungana. Mukonda ima ioso ié-eie u Jihova, eie u Suke-ku uala ku thandu dia ima ioso.

Jisálamu 21:13

Zangalala, Jihova, mu nguzu ié; etu tu kale mu ku ku imbila, ni ku ximana o uzonda ué.

Jisálamu 46:10

Mu batama, phala mu kʼijiie kuma eme ngi Nzambi; eme-muène ngi jînga muʼaxaxi ka matumbu; eme-muène ngi zangalala ue mu ngongo ioso.

Jisálamu 9:16

Jihova ua di monekena mu kaxtiku ka a bhesa; mukua phulu ua mu kuata mu ima ia bhange muene ni maku mê. (Hakione, Selah.)

Izaía 12:4

Bhu kizuua kieneʼokio, mua kèla: Sakidilenu Jihova, diondenu mu dijina diê, tangenu muʼaxaxi ka mundu ikalakalu ia maku mê, tangenu-kiu muene kuma dijina diê kujinga kuahi!

Izaía 2:11

O mesu ma bhumu, ma athu, a kà a tululula; o kuzangalala kua makuenze kua kà tunuka; bhu kumbiʼodio Jihova muene ngó a kà mu zangeleka.

Izaía 2:17

O kungangamana, ni kuolama kua muthu, a kà ku tununa; ni ku di zangeleka kua makuenze, a kà ku tululula té bhoxi mu mavu; bhu kumbi diodio Jihova muene ngó, ua kà zangalala.

Izaía 2:9

Bheneʼobho bhene bhu sebukila o mundu, bhene ue bhu di-tunuina o makota a jinganga; kala kiki, eie, Ngana, kua ká a loloka.

Izaía 28:17

Ubatuilu ngi u ta mu dinha, o kulûnga ngi ku zonga ni pulumu, anga bhuà kala mvula ia matadi ia kà kungulula o dilengelu dia makutu, o menha anga a kà bobesa o disuamenu diâ.

Izaía 29:23

Kioso kia kà mona muiji uê, kikalakalu kia maku mami muʼaxaxi kâ, euá, dijina diami a kà di kôlesa; Dilemba dia Jakobo a kà mu xila; Nzambi ia Izalaiele a kà mu kala ni uoma.

Izaía 30:18

Kiene-phe kia-nda ku kingila Jihova ku mi kuatela henda; kiene kianda ku mi zangumuina phala ku mi lendukila, mukonda Jihova uene Nzambi ia kutetuluka; azediua oso a kinga kua Muene.

Izaía 33:10

Kiki-phe kiá ngi balumuka, eme Jihova; kiki ngi balumuka eme-muène, anga a kà ngi jingisa.

Izaía 33:5

Jihova ua zangalala, kuma muene ua tunga ku matala; uezalesa Ziione ni kuiuka, ni kidi.

Izaía 57:15

Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Izaía 6:3

Anga jikuata ku di tambuijila, kuila: Ukôla, Ukôla, Jihova dia Ilômbo Ieta! Oxi ioso iezala ni fuma ié!

Izaía 61:8

Mbata eme ngi Jihova, kia ngi uabhela o kuiuka, kia ngi ibhila o kubhanga kiaiibha; eme nga kà a bhana futu iâ mu kidi; anga ngi ta-nâ kikutu kià xalelà-ku.

Izaía 8:13

Kôlesenu Jihova dia Ilombo Ieta; muene mu mu kuatela uoma, mu bhuuame mukonda dia muene.

Izekiiele 20:41

Nga kà sangulukila momuʼenu ni dizumba dia mbote, kioso eme ki nga kà mi katula mu kaxi ka ifuẋi ni ku mi bhongolola ku jixi joso kua mi muangena; hé nga kà kala ngi muthu Ukôla momuʼenu bhu mesu ma akua ixi.

Izekiiele 28:22

u zuele, kuma: O Jihova, Nzambi, uambe kiki: Emʼiú mu kuzoka nʼeie, éʼSidone, a-nda ku ngi zangeleka muʼaxaxe ké; inga a kà kʼijiia kuila eme ngi Jihova, kioso momuʼé ki nga kà fundisa-mu ni mabhatuilu ma kidi, hé ngi kala ni kukola momuʼé.

Izekiiele 28:25

O Jihova Nzambi, uambe kiki: kioso eme ki nga-nda kubhongolola o dibhata dia Izalaiele, mu kaxi ka ifuẋi mua di muangena, eme anga ngi di kôlesa muʼaxaxe kâ, bhu pholo ia akua jixi, kuabhu-phe, kienhókio a-nda kua kà tunga mu ixi iâ i nga bhana kua mubhikʼami Jakobo.

Izekiiele 36:23

Eme-phe nga-nda kukolesa o dijina diami dionéne, diʼôsebulule muʼaxaxe ka akua jixi, diene di mua sembamesa enu muʼaxaxe-kâ; anga o jixi ja kà kʼijiia kuila eme ngi Jihova, kioso kianda ku ngi kôlesa ku mesuʼâ muene a kutala, Jihova Nzambi ua ki tange.

Izekiiele 38:16

Anga eie ua kà banda mu kúlua ni mundu uami ua Izalaiele, mukuâ ni dituta phala kuvungina o ixi iami iene, mbé o akua jixi a tene ku ngʼijiia eme, kioso eme ki nga-nda ku di kolêsa, bhu mesu mâ, eie u Ngongo, tata!

Izekiiele 38:23

Mu kienhiki eme nga-nda ku di kudisa anga ngi di kolêsa, anga ngi bhangesa kuila a ngʼijiia bhu mesu a miji ia vulu; hé a kà kʼijiia kuila eme-muène ngi Ngana.

Daniiele 4:37

Kiki-phe, eme, Nabukodonozolo, ngedi: Muenexiʼa diulu atane-ku! A kule, ajinge! Ngi mu zangeleka ni ku mu ximana jinga, mbata ikalakalu iê ioso kidi mu kidi, uendelu uê kutetuluka kuoso, oso ambe ku di zangeleka, muene u a toza anga a sebuluka muene.

Ijila 10:3

Mozé anga uambela Alá, uixi: Kiki kiene kia tange Jihovaʼiki, kuila: kuzela kuami nga-nda ku ku londekeza ku ió oso a ngi zukama anga bhu pholo ia mundu uoso ngi kala ni kijingo. Maji Alá-phe ua di xibhʼê.

Dialuilu 20:13

O iá ene o menha a Mediba, mukonda o anʼa Izalaiele a zoko ni Jihova; iú ua di monekena momuʼâ kuma Ukôla.

Loma 2:5

Maji eie-phe mu kukola kuê kua muẋima ni kuxibhaka, mu kubhanga kiki, eie ua kuata ku di lundila dingi njinda katé bhu kizuua kia njinda, kia kà tukuluka o kufundisa kualuka kua Nzambi.

I Phetele 1:16

Mukonda kiene kia soneka mu Mikanda Ikôla, uixi; Ki kale mu zela, kuma Eme nga zela.

I Phetele 2:15

Kuma iene o vondadi ia Nzambi, kuila enu mu kubhanga kiambote mu belesa jisemenhi ji tanga o uoua.

I Phetele 3:15

Kôlesenu-phe Kristu ku miẋima ienu, kuma muène Ngana ienu. Mu kale polondo kuvutuila muthu uoso ua mʼ ibula o kudielela ku muala na-ku.

Dijingunuinu 3:7

O Anjo ia Ngeleja ia Filadélfia, mu sonekene kiki: Eme ió ukôla, mukua kidi, uala ni sabhi ia kexile ia Davidi, uila kia jikula kana muthu u jika, o kia jika kana muthu u jikula, ua-mbe kiki:

Dijingunuinu 4:8

Kala kiama ki kala ni mabhabha masamanu ezala mesu ni moxi ni ku kanga. Muanha ni usuku ki iene kunhoha, ia kuata kuila: U kôla, u kôla, u kôla, Ngana Nzambi Muteni-a-ioso, ua kexile-ku, kiki iú-é, hádia muene uà kala-ku!