Izaía 5:13 - O Mikanda Ikola

¹³ Kala kiki, mundu uami a kà uambata muene ku ubhika, mukonda kala ni kilunji! Ilâmba iâ a kà di-huha hanji ni nzala, kifuxi kiâ kia kà kala muene ni kikaku kia menha.

Izaía 5:13 ပူးပေါင်းရင်းမြစ်များ

II Jisobha 17:6

Kubhiẋila mu muvu ua kavua ua utuminu ua Ozeia, sobha ia Asídia kiene kia tolola Samádia, iú ua zangula Izalaiele ioso iú ua a balakala ku Asídia; iú ua a bhangesa kutunga bhu Hala ni bhu Habolo bhua zukama ni ngiji ia Ngozane ni mu jimbonge ja akua Mediia.

Jisabhu 10:21

Mizumbu ia muthu ua iuka, i dikila mundu; o ioua-phe, mukonda dia kukamba kilunji, afua.

Izaía 1:3

O ngombe iejiia ngana iê, o bulu ue iejiia mu kidilu kia mu tela ngana iê; maji Izalaiele dia mundu uami ua xiti mu thulu, kifuxi kiami kʼejiia kima.

Izaía 1:7

Ixi ienu ia xala ngùndu, madiembu menu ma jikata mu túbhia; o mikáu ienu enda ni ku mi dia-iu kuala athu engi, akua jixi ja makanga, enu mu ki mona mesu; kibuika-phe kia athu engi kia mi vubuka.

Izaía 23:9

O Jihova dia Ilombo Ieta, muene ua ki bhange, phala kutununa o izala ia makembu osuʼó, ni kusebukisa oso a beta ulamba bhoxiʼabha.

Izaía 27:11

O kioso jithangu jê joso ki ja-nda ku kukuta, a kà ji bukujula; o kiza ahatu, a ji ta mu túbhia; mukonda o mundu iú ki mundu ua kilunji; kienhiki-phe, ió uoso ua u bhanga ka kà u kuatela henda, ió uoso ua umbu ka tena ku uidika ujitu ua kima.

Izaía 3:1

Talesa-ze, kuma Jihova, Nzambi ia Ilômbo Ieta, o mbangala ni dikoue mu Jeluzaleme ni mu Juda ua-nda kua kà i katula-mu, ni huta ioso ia kúdia, ni kixima kioso kia menha a kúnua.

Izaía 3:3

ni kabhitangu ka makuinhi atanu, ni muthu ua kijingo, ni ndongixi, ni hete muʼaxaxi ka akua ma-unfunu, ni ngânji ia maka,

Izaía 44:19

Ki bhuala u ki ta ku muẋima, a lémbua kuijiia, a lémbua kilunji kia kuxinganeka, kuila: Mbandu nga i oha mu túbhia, ku makala mê kuene ku ngʼohela o mbolo, kuene ue ku ngohela o xitu, eme nga i di; abha-phe o luhuinhi lua subhuka-bhu mbé ngi lu bhanga kiá kima kia kisunji? Kifua o kima kia tundu ku muxi kiene muene ki ngi fukamena?

Izaía 49:21

Eie-phe ua-nda kuila ni muẋima ué, uixi: O kiki, ana enhá mukuahi ua ngi vualela-u? eme nga kexile sé ana, uhukunhi uvula; ngele ku ubhika, eme nga tundu-ku; o iá-phe mukuahi ua ngi sasela-nâ? Talesa, ua kʼèla: eme nga subhukile ubheka; o iá-phe a kexe kuebhi?

Izaía 65:13

Kala kiki, Jihova Nzambi, uixi: Talesa, jiselevende jami a kà kala mu kudia, enu-phe mua kà tala hadi ni nzala; talesa, jiselevende jami a kà nuá, maji enu-phe mua kà kala ni dinhota: talesa jiselevende jami ja kʼènda ni kutana, maji enu-phe sonhi ja kà mi kuata;

Jelemiia 14:18

O ki ngiia ngiie ku mukáu, talesa athu afu ku xibhata, iá; o ki ngiia ngi bokone mu mbonge, a benguka ni nzala, iá; katé-ze ni misesedi ni jinganga, a kondoloka ixi ni kubungana, ni kua di tela kejiia-ku.

Jelemiia 14:3

Jingana jâ ja beta ukota, ja mu tuma o jindenge kuteka menha; ene eza ku ixima menha né-ku; a vutuka ni masanga ma hatu; sonhi jʼa kuata, mu thulu mua a xiti, ia a vunga milele mu mítue.

Jelemiia 8:7

Katé ni dibanda bhulu, uejiia ithangana iê ia mu xindila; o diembe ni munzoue ni phiaphia a tongolola kiambote o kithangana kiâ kia kuvutukila kua tundu; maji o mundu uami-phe, ua lémbua kuijiia ubatuilu ua Jihova.

Kuditenda 4:9

Afu ku xibhata a beta ujitu, dikue ió afu ku nzala, tata! Mbata iá a fu ku nzala, a tuama o kuhoha ni ku di xibha kala a a kubula, mukonda dia kukamba o ima ia kúdia i tunda ku mábhia.

Izekiiele 7:12

Kithangana ki kiza, o kizuua kié kia bhixila; uoso u sumba ka sanguluke, o ió u sumbisa ka luuale; mukonda o njinda i uama iala ku thandu dia kifuẋu kiâ kioso.

Hozeia 4:6

Mundu uami a a buikisa mukonda dia kukamba kuijiia. Mukonda eie-phe ua ditunu o kuijiia, eme ue nga-nda ku ku dituna, phala ku kale dingi u nganga bhu pholo iami; kala kiki, kuma o kitumu kia Nzambi ié eie ua ki jimbi, eme uami ue ané nga-nda ku a jimba.

Amoji 8:13

Mu kizuua kienhokio-phe, o ilumba ia uabha kiambote, kiluua ejiia mala, ni minzangala ia mala, a kà botomoka mukonda dia dinhota.

Luka 19:44

ji ku lundumuna, ni eie ni anʼé moxi dié. Bhenhabha kà kaxia-bhu ditadi ku thanduʼ a ditadi, mukonda eie ua kambele kuijiia o kithangana Nzambi kia ku zungidile, phala ku ku bhulula.

Loma 1:28

Kienʼiki kuma a di tunu kusuua Nzambi mu kuijiia kuâ, Nzambi ua ehelela ni kilunji kiasekala, phala ende ni kubhanga ima ki i fuama.

II Phetele 3:5

Ene-phe akua kuzombala enhá, a jimbi-ku luelu, kuila kua kexile maulu mʼokulu, ni oxi, ia tomboloka mu menha, mu ʼaxaxi ka menha, mu kizuelu kia Nzambi.