Izaía 5:12 - O Mikanda Ikola

¹² Mu izokola iâ usanga ni tukóxi, ni tumbânza, ni tungoma, ni jingaieta ni vinhu; kene kusuua kikalakalu kia Jihova, mba ku tongolola ufunu ua ikalakalu ia maku mê.

Izaía 5:12 ပူးပေါင်းရင်းမြစ်များ

Dimatekenu 31:27

Ua lengela-hi kiki, ni kuomboloka sé ku ngi lekela, eme hinu ngeji ku ku sulula ni fesa ni mimbu ni kuxika ngoma ni mbanza?

II Samuuele 19:35

Leluʼidi ngala kiá mu makuinʼake a mivu, kifua ngi tena dingi kutungula kiauabha ni kiaiibha? Ki ngalʼiki, ngi mubhikʼé, ua fika kifua ngala kuívua dingi o kutouala kioso ki ngi dia mba kioso ki ngi nua? Kifua ngi tena dingi kuívua kiambote, o mázui ma jingimba ja mala ni jingimba ja ahatu? Ngi mubhikʼé, ngi di bhangela-hi ngó kimbamba kia ku ku nemena, kùku, ngana iami?

Jobe 34:27

Mbata muene a mu xisa, o njila jê a lémbua ku jiʼjiia, né imoxi ngó.

Jisálamu 28:5

Mukonda kene kusuua ikalakalu ia Jihova, kejiia kutongolola o ufunu ua maku mé; muene-phe ua-nda ku a sengulula, ka a tungisa, kana.

Izaía 22:13

Maji o kiki-phe, uamono, muala ku kemba ni kusanguluka, mu jibha jingombe, mu jibha jimbudi, mu-dia xitu, mu-nua vinhu, mu amba muixi: Tu dienutu, tu nuenutu, mungu tu kane o kúfua!

Izaía 24:8

Kuxika o jingoma kua suku, mixindu ia akua-kutumbujuka ni ngalasa iabhu-ku, o kusanguluka kuijiia ku kakoxi ue kua nhoha.

Izaía 29:1

Adiiele, lamba diê! Adiiele, mua kexile kilômbo kia makuenze a Davidi! Bandekezenu-ku, muvu ni muvu, o izokola iâ iiie ni ku di-bhingajana.

Izaía 5:19

Exi; A lenguluke, a zubhe kikalakalu kiê, nda tu ki mone; o phangu ia Dilemba dia Izalaiele, ize, idi-tukulule, nda tuʼijiie.

Izaía 56:12

Ene kia di ambela, ela: Zenu, nga-nda kuiza ni vinhu, nda tu nue tu kodiue; lelu kiene mungu ue kiene, maji mungu tuxia muene fuma.

Izekiiele 26:13

Hé nga kà zubhaku o kilungutu kia mimbu ié, o dízui dia tukoxi tué, ka kà dʼivua-ku dingi.

Daniiele 5:23

Eie ua di zangeleka, kua xila Ngana ia diulu, o itutu iaʼnzo iê a ku bhekela-iu eie; eie-phe, ni ilâmba ié, ni akajiʼé, ni akamʼé, muene mu mua kuata kunuina o vinhu. Eie ua te-ku dingi o kuximana jinzambi ja phalata, ni ja ulu, ni ja ngòndo, ni ja jifelu, ni ja miẋi, ni ja matadi, o jene ki ji tena kumona, ki ji tena kuívua, ki jʼejiia kima, jedi ngó ni jene hudí; maji o Nzambi, uoso ua ku kuata o muenhu ué ni jinjila jé joso, ji uenda, muenhú kua xikina ku mu jingisa.

Luka 16:19

Jezú hé ua ambela dingi, uixi: Kua kexile mukua-itadi, u zuata jinga izuatu i kusuka ni linhu ia fina, izuua ioso u kala mu kúdia kiambote muene, ni kubhanga fesa ja makota.

I Kolindo 14:7

Tala hanji, katé ni imbamba ia kambe muenhu, ia kuxika, kixi mbèndu, mba mbânza, se i kamba kulombolola kiambote o jithele ni manuma, a kʼ ijiia kiebhi kioso kia xiki?

Juda 1:12

Enʼ iâ a di bhanga dilebhu phala enu, ki mu kala kudia-nâ mu fesa jenu ja ukamba, ni kukodiua kuâ ku kuatesa jisonhi. A kala mu ku di dikila, ni kudisuua ngó ene. Edi kala matuta ma kambe menha, ma phephuluka ni kitembu, ki ma bhana mvula ia kima. A di bhange mixi ia tokoka o kuima, né bhu mvula ia kudinji, ki i moneka kibundu. A di fuangana mixi iòvuze ni jindanji, ia fuila-ku kiá muene.

I Samuuele 12:24

Kima kimoxi ngó: kolokotenu kukala ni uoma ua Jihova, mu mu bhikile mu kidi ni muẋima uenu uoso; endenu ni kuxinganeka jinga o ima ia makota ia mi bhange muene.