Izaía 5:11 - O Mikanda Ikola

¹¹ Lamba dia ió oso akua ku dimeneka mu kusota uhólua; anga a nangenena kueneʼoko katé mʼusuku, katé kia zezuka ni vinhu!

Izaía 5:11 ပူးပေါင်းရင်းမြစ်များ

II Samuuele 19:35

Leluʼidi ngala kiá mu makuinʼake a mivu, kifua ngi tena dingi kutungula kiauabha ni kiaiibha? Ki ngalʼiki, ngi mubhikʼé, ua fika kifua ngala kuívua dingi o kutouala kioso ki ngi dia mba kioso ki ngi nua? Kifua ngi tena dingi kuívua kiambote, o mázui ma jingimba ja mala ni jingimba ja ahatu? Ngi mubhikʼé, ngi di bhangela-hi ngó kimbamba kia ku ku nemena, kùku, ngana iami?

Jisabhu 20:1

O vinhu i bheka ulaji, uálua ua lulu u bheka jinzaia; o uoso u di texila mu ima ienhiʼii, u biluka kiôua kia hatu.

Jisabhu 23:32

Ku ia kà suka koko, inumata kala nhoka, ialala mukua ni kita-sèle.

Izaía 22:13

Maji o kiki-phe, uamono, muala ku kemba ni kusanguluka, mu jibha jingombe, mu jibha jimbudi, mu-dia xitu, mu-nua vinhu, mu amba muixi: Tu dienutu, tu nuenutu, mungu tu kane o kúfua!

Izaía 24:9

Kʼanda kúnua dingi vinhu ni kuimba; o uhôlua u kodiuisa kinéne oso a u nua ua kà a ludila.

Izaía 28:1

Lamba dia kitundu kia ukumbu ua jihólua mu Ifalaíme! a bhingi o makembu mâ, ma matunda, mukua ni kitulu ki lalumuka, kiala ku sungu ia dikôlo dia kimise dia iá a a tolola kiá kuala o vinhu.

Izaía 28:3

O kitundu kia ukumbu ua jihólua ja Ifalaimi a-nda kuà ki titidila muene bhoxi ni inama.

Izaía 5:22

Lamba dia ió oso a di bhanga indanda mu kúnua o vinhu, o bhuala o kuketa makiákia, usanga a handamana,

Izaía 56:12

Ene kia di ambela, ela: Zenu, nga-nda kuiza ni vinhu, nda tu nue tu kodiue; lelu kiene mungu ue kiene, maji mungu tuxia muene fuma.

Habakuke 2:15

Lamba dia ió uoso u bhana mukuá kunua uhólua! Eie uala ku mu zukamesa o kisudi kié, anga u mu kodiuisa, phala kioso kia zula ni u mu tale tuẋi iê.

Habakuke 2:5

Kala kiki, muene mu ku di uabhela kiavulu ni vinhu, ua kituka mukua mangonha; uala muthu uezala ni ukumbu; vondadi iê iia ni kuvula dingi mukuâ ni mbila iajikuka; uasoko ni kalunga-a-ngombe, kana-ku kima ki mu kuma, miji ioso u i bhongoluela kokuê, o ifuẋi ioso ku mundu u di kongela na-iu muene.

Luka 21:34

Mu ku zubha, Jezú uixi: Alukenu-phe, ki mu di jimbe! Miẋima ienu ni i biluke ia neme ni kúdia jifesa, ni kunua uhôlua, ni makubhindama ma muenhu iú, kizuua kiókio ni ki mi tukumuise kala mubhetu.

Loma 13:13

Tuendienu kiafuama o kuzela kala ki bhanga oso ala mu mukengeji ua muanha. Kana kuenda mu masemba ni mauhôlua, kana mu maundumbu ni maufusa, kana mu jimvunda ni mafuba.

I Kolindo 6:10

Ni mii, ni akua luimbi, ni jihôlua, ni axingi a jindaka, ni ingulungumba, ene oso kà tena kubhingana mu Utuminu ua Nzambi.

Ngalásia 5:21

Akua dixinga, ijibhanganga, jihôlua, o muenhu uâ ua ku di ta ngó mu izomba iaiibha, ni ima iamukuá ia di fu kiki. Ienʼ iii, nga mi dimuna, kala ki nga tuamene ku mi dimuna, kuma oso akua kubhanga ima kala iii, kà tena kubhingana mu Utuminu ua Nzambi.

I Samuuele 25:36

Abingaile anga uiza dingi kua Nabale, u mu sanga ua-lu bhanga fesa ia dikota mʼonzo iê, kala kizokola kia sobha. Nabale muene muẋima uê moxi ua mu tana, kuma ua kodiua kiavulu; mukonda dia kiki muene ka mu tangela kima, né kiofele né kionéne, katé ki kuákie.