Izaía 49:9 - O Mikanda Ikola

⁹ Phala uambele iá a a kutu, uixi: Jitukenu; oso ene mua vundu uixi: Tukulukenu mu jinjila ja kuenda; a kala ni huta ia ku di-dikila; o mu ididi ioso ia matala, aia ni kusanga-mu sabhèlela ia kúdia kuâ.

Izaía 49:9 ပူးပေါင်းရင်းမြစ်များ

Jisálamu 102:20

phala evue o mikemu ia ió a a kuika; mbé o kujituna oso a xikamena ku a jibha.

Jisálamu 146:7

U bhesa kaxtiko mu bhângela ió a a bhikisa; hé u bhana kúdia kua ió a tate ni nzala, Jihova u jituna ió a a kuika;

Jisálamu 22:26

Akua ujitu a kà dia muene ku fesa, anga ekuta; oso ene kusota Jihova, a mu ximane; tanenu-ku, o miẋima ienu i di sanze katé ku hadia!

Jisálamu 69:33

Kuma Nzambi uívua o jiphulungu; ka tobhesa jihutile jala bhu mikolo.

Izaía 41:18

Nga kà jikula jingiji mu ididi ia di-leka, ni jifiẋi mu makôlo; o kikangalakata nga kà ki bilula majiia ma menha, o ixi ia kukuta nga kà i bhanga jithu ja menha.

Izaía 42:16

Anga ngi batesa o ifofo mu njila kiluua a ijiia, nga kà a bhitisa mu njila ia musanu; o kitombe nga kà ki bilula mukengeji bhu pholo iâ, o njila jala matadi nga ji iukisa. O ima ienhiʼii iene i nga-nda ku a bhanga, ki mungu dingi nga ehelela.

Izaía 42:7

Phala u tonese o mesu a ifofo, ni ku jituna oso a a kuika, ni ku katula muʼaleia oso-a xikama mu kitombe.

Izaía 48:17

Jihova, Mubhuludi ué, o Dilemba dia Izalaiele, uambe kiki: Eme Jihova Nzambi ié, u ku longa kioso kia uabha, hé u ku endesa mu njila i ua fuama kuenda mu ku di-tela.

Izaía 5:17

Kieneʼokio-phe o ana a jimbudi, kúdia kuâ kua kalé, mukua ni mu makèla mâ; akua makanga a kèza mu dia ima ia xie mua titidila o mazonda.

Izaía 61:1

Nzumbi ia Ngana Nzambi ua ngi tula ku thandu; mukonda o Ngana ua ngʼundu kutudila jingadiama njimbu ia mbote; ua ngi tumu kusaka oso ala ni kikote mu muẋima; ni kuxika ngonge ia ufolo ua abhika, ni kujikula o jikaleia phala kujituna oso a a kuika.

Izaía 65:13

Kala kiki, Jihova Nzambi, uixi: Talesa, jiselevende jami a kà kala mu kudia, enu-phe mua kà tala hadi ni nzala; talesa, jiselevende jami a kà nuá, maji enu-phe mua kà kala ni dinhota: talesa jiselevende jami ja kʼènda ni kutana, maji enu-phe sonhi ja kà mi kuata;

Izaía 9:2

O mundu a xikamene mu kitombe a mono mukengeji uònene; o athu a kexi mu kuendela mu kididi kia kizenji kia Kalunga, kuaki mukengeji uâ.

Izekiiele 34:23

Anga nga kà jʼimikina mubidi umoxi ngó u kala ku thandu diâ, muene hé ua kà jʼinga; o mubhikʼami Davidi muene ua-nda kua kà jʼinga; muene ua-nda kukituka kafunga kâ.

Izekiiele 34:29

Anga nga kà ji kunina kidima kia dijina, ki mungu dingi ja kà fua ku nzala mu tumbu ni ngongo, mba ue ja kà kala dingi ni môndo ua akua matumbu ku thandu diâ.

Jouele 3:18

Kieneʼokio-phe milundu ia kà zunzumuka vinhu ia ubhe, tu thuthulundu tua kà bhubha lete, jingiji joso mua Juda ja kèzala menha, mʼonzo ia Jihova mua kà di bhanga otho ia menha, a kungulukila mu dikôlo dia Xitime.

Ijila 25:54

Maji-phe, se ku di kula ualémbua, a kinge, nda a di tundidié kiá bhu njubileu, ni muene ni anʼê bhuamoxi.

Mikeia 5:4

Muene anga ua kà nangenena, ifuẋi anga ua kà inga mu nguzu ia Jihova ni mu ungana ua dijina dia Jihova Nzambi iê! Ene uâ a kà kala bhua kondama, mukonda kindala muene ue a kà mu zangeleka katé ku aẋokololo kua suku oxi.

Luka 1:79

Ni kumuikina oso a xikama mu kuvunda kua kizenji kia kalunga; mbé o kuendesa inama ietu mu njila ia kutululuka.

Luka 2:32

mukengeji u londekesa o njila ia Nzambi ku akua matumbu. Ni kubhana fuma ia mundu ué ua Izalaiele.

Luka 4:18

Nzumbi ia Ngana ua ngi tula, mukonda muène ua ngʼundu kutudila o jingadiama, Njimbu Iambote. Ua ngi tumu kuxika ngonge ia ufolo ua abhika, ni kubhana mesu o ifôfo, ni kujituna oso a a kuika,

Nzuá 10:9

Eme ngi dibhitu. Se muthu u bokuena ko-kuami, u bhuluka. Muenhó u bokona, u tunda, u sanga jinga iangu.

Nzuá 8:12

Jezú anga u kuata kua ambela dingi, uixi: Eme ngi mukengeji ua mundu. Uoso u ngi kaiela eme, kʼ ende mu ʼitombe, maji u kala ni mukengeji ua muenhu.

Jipoxolo 26:18

Phala ua kà a tonese mesu, a xie mua vundu, a biluke ku mukengeji, a tunde mu ubhika kua Satana, eze kua Nzambi. O mu ku ngi xikana eme, a tambule muloloko ua ituxi iâ, mbé a kale kiá muʼ axaxe ka kibuka kia athu a Nzambi òsole.

Efezo 5:14

Mukonda kioso ki di tukulula mua zele, ki di bhanga mukengeji. Kiene kia ki ambela, exi: Phaphumuka eie uaii ku kilu, u fukunuke mu ʼalunga, kristu nda a ku bhake mua zele.

Efezo 5:8

Kuma enu-enu mʼ ukulu mua kexile mu kitombe, maji o kiki muala kiá mu mukengeji mua Ngana. Endenu-phe ni kuenda kala anʼa mukengeji.

Matendelelu 32:13

Muene ua mu endesa ku thanduʼa jixi, kala ku kabalu kuala; ua mu dikila ni jimbote jaʼxi, ua mu xibhisa uiki u tunda mu ditadi, ni maji ma tundu ku ditadi dia kolo.

Kolose 1:13

Muene ua tu kula mu ubhika ua usuku, iú ua tu bheka mu Utuminu ua Monʼ ê ua kazola.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.