Izaía 49:1 - O Mikanda Ikola

¹ Ngʼivienu, mu ikolo, enu mu athu muene ku makanga batekelenu: Jihova ua ngʼixana hanji kioso ki ngala mu mala, eme hanji mu divumu dia manhiʼetu, muene-phe ua tumbula kiá o dijina diami.

Izaía 49:1 ပူးပေါင်းရင်းမြစ်များ

Jisálamu 22:10

Eie-muène ua ngi tambula konda tunde mu mala; eie u Nzambi iami tunde mu vumu dia mamʼetu.

Izaía 11:11

Mbata kia kà bhita kuila, Jihova mu kizuua kieneʼokio ua kà vutukila kuta lukuaku luê mu kuondolola dingi o masubhu a mundu uê, a subhuka ku Asídia, ni ku Ijitu, ni ku Pátulu, ni Itiiópia, ni ku Elame, ni ku Xiniiale, ni ku Hamate, ni ku ikolo ia kalunga.

Izaía 24:15

Kala kiki, jingisenu dijina dia Jihova, ni mu ibôlo ni mu isanga ia kalunga, jingisenu dijina dia Jihova, Nzambi ia Izalaiele.

Izaía 33:13

Enu muène ku makanga, ivenu kioso ki ngene kubhanga; enu-phe muène bhua zukama, ijiienu o kutena kuami.

Izaía 41:1

Enu mu ikolo, dixibhienu bhu pholo iami, enu mu mundu endenu ni kusunga nguzu iobhe. Bhiẋilenu mu zuele: tu zukamienu kumoxi tu di-tetulule.

Izaía 42:12

A bhane fuma kua Jihova, o diximanu diê a di tange mu ikolo.

Izaía 44:2

Jihova, ua ku bhanga iu ua kʼumbu tundé mu mala iú ua xikamena o ku ku banda, uambe kiki: Ku kale ni uoma, Jakobo tata, selevende iami, nʼeie Jesulume u muthu nga ku sola.

Izaía 44:24

Jihova dia Mukudi ué, ua ku bhange ki uala mu divumu, uambe kiki: Eme Jihova ngene kubhanga ioso, diulu eme-muène nga di olekele ubheka uami, oxi nga i zale se muthu ku ngi kuatekesa;

Izaía 45:22

Talenu kokuami, nda mu bhuluke, enu mu masukilu oso kua sukaʼxi; mbata eme-muène ngi Nzambi, ki kuene nzambi iengi.

Izaía 45:3

Anga ngi ku bhana ma-umvuama mala mua vundu koxi a mavu, ni jimbongo jósueke mu ididi iê, kiene ki ua-nda kuijiia kiua kuma eme-muène ngi Jihova, Nzambi ia Izalaiele, ua ku ixana mu dijina!

Izaía 46:3

Ngʼivue kunu, diembu dia Jakobo, tata, nʼenu mu masubhu ma diembu dia Izalaiele; enu mu athu nga mi ambatela bhu maku tundé mu mala; eme nga mi lela tundé mu divumu.

Izaía 49:12

Talesa, o iá a kà tunda makanga, o ianá a kà tunda ku suku ni ku mazanga, amukuá a kà tunda kʼoxi ia Sinime.

Izaía 49:5

Kiki-phe, Jihova, ua ngʼumbile ki ngala hanji mu mala, phala kukala selevende iê, uixi: Ngi bhekele dingi Jakobo, uize-nê bhabha; maji o Izalaiele-phe ka diehela ku mu bhongolola; maji-phe bhu pholo ia Nzambi a kà ngi jingisa, Nzambi iami muene uà kala nguzu iami.

Izaía 51:5

O uiukilu uami ua zukama; ubhulukilu uami iú tomboka kiá; maku mami mene ma-nda kutetuluila o mundu; ikolo ia-nda ku ngi xikamena ni kukinga, ene a-nda kudielela kubhandulukila ku lukuaku luami.

Izaía 52:13

Talesa, Selevende iami ua-nda ku kalakala ni unjimu; a-nda ku mu zangeleka anga u banda ditala dia kota dia kijingo.

Izaía 55:3

Bhetekenu o mátui menu, nda mu ize kokuami; ividilenu, muenhu uenu ubhuluke; kuma nga-nda kuta nʼenu kikutu kixalela-ku, hé ngi mi bhana jimbote ja Davidi ki jene kufula.

Izaía 57:19

Ibundu itunda ku mizumbu eme-muène ngi i iudika; ngi bhana paze kua ió ala ku makanga, ni kutululuka kua ene ala bhua zukama, eme Jihova, eme-muène nga kà a bhana o kudisanza.

Izaía 60:9

Ni kidi kiene, o ikolo ia kà ngi xikamena, jinaviio ja Talxixi jene ja kà tuama, phala kuiza kuxila dijina dia Jihova, Nzambi ié, ni kua Dilemba Dikola dia Izalaiele, mukonda muene ua ku jingisa.

Izaía 66:19

Nga kà ta kijimbuete muʼaxaxi kâ, oso-phe a bhulaka-ku nganda ku a tumikisa ku ifuẋi, ku Talxixi ni ku Phulu, ni ku Ludi, akua kuoleka o mufula, ku Tubale ni ku Javane, katé ku ikolo ia makanga, kua oso fuma iami kiluua a ivua, kijingo kiami ue nuka a ki muene; kuenhoko a kà tanga-ku o fuma ia ungana uami muʼaxaxi ka akua jixi.

Izaía 7:14

Uila kikiphe, Jihova muene, ua-nda ku mi bhana kijimbuete: Talesa, kua kà kala monʼa kilumba, uimita, nʼa vuale monʼa diiala, o dijina diê a kà mu luka Imanuele.

Izaía 9:6

Kuma a tu vualela mona, a tu bhana mona ua diiala; o kutumina a mu tuika-ku bhu isuxi iê, o dijina diê a kà mu luka: Kidiuanau, Ndongixi, Nzambi ia Nguzu, Tata Inangenena, Kilamba kia Paze.

Jelemiia 1:5

Kioso ngoho kiluua ngi kʼumba mu vumu dia mamʼenu, eme nga kuʼijiia kiá, kioso ue kiluua ngó u tunda mu vumu nga ku lumbu kiá; nga ku bhana ku akua jixi kukala u musesedi uâ.

Sofoniia 2:11

Jihova ua kà a lungulukila, o jinzambi joso ja mu ngongo anga u ji jikinisa; akua jixi ene oso a kʼèza kua Muene ku mu bheza, tunde mu ididi iâ ni miji ioso mu ikolo.

Luka 1:15

Mukonda muène u kala kota dia muthu bhu pholo ia Ngana, ka kà nua vinhu, mba kúnua kuoso-kuoso ku kodiuisa; hé uizala-phe ni Nzumbi Ikôla, tunde kiá mu divumu dia mamʼá.

Luka 1:31

Talesa, ua-ndu kuimita mu vumu dié, hinu u vuala monʼa diiala, u mu luka dijina dia Jezú.

Nzuá 10:36

Eme-phe o Tata muène ua ngi solo iu ua ngi tumikisa mu ngongo. Abha-phe enu mua mu ki zuelela-hi kuila eme nga mu ẋonguena Nzambi kioso ki ngi mi tangela kuila eme ngi Monʼê?

Ngalásia 1:15

Maji bhu kithangana-phe kioso kia solo Nzambi, ua ngi tungula tundé mu divumu dia mamʼ etu, iú ua ngʼ ixana mu kiadi kiê phala ku mu bhikila.

Efezo 2:17

Uila kiki, Kristu ueza mu kubhana o jingolokela ja Njimbu Iambote ia paze. Paze ko-kuenu mua kexile dikanga kua Nzambi, paze kua ene o Jijudé a kexile bhua zukama.

Jihebeleu 12:25

Uila kiki, di langienu, ki mu ditune kuivua ió uoso u zuela. Kuma enió a ditunine kuivua uoso ua tudilile o Njimbu ia Ngana mu ngongo, kà tenene kubhuluka. Kala kiki, etu uetu tua kà bhulukila bhebhi, se tua mu bhana dikunda uoso ua tu dimuna ku diulu!

I Phetele 1:20

Muène kidi a mu sola kuala Nzambi mʼukulu munhá, oxi kiluua i kala ni dimatekenu diê, maji ua tukulukila kiá ku dizubhilu dia jithembu kunu, mukonda dia mulonga uenu.